ସାରା ଦେଶରେ ମେ ୩୧ ଯାଏ ଲକଡାଉନ୍ ବୃଦ୍ଧି କଲେ ମୋଦି ସରକାର

ନୂଆଦିଲ୍ଲୀ: କୋରୋନା ସଂକ୍ରମଣକୁ ରୋକିବା ପାଇଁ ସାରା ଦେଶରେ ମେ ୩୧ ଯାଏ ଲକଡାଉନ୍ ବୃଦ୍ଧି କରିଛନ୍ତି କେନ୍ଦ୍ର ସରକାର । ଅର୍ଥାତ ଲକଡାଉନ ଆହୁରି ୧୪ ଦିନ ବୃଦ୍ଧି ପାଇଛି । ଏହି ତୃତୀୟ ପର୍ଯ୍ୟାୟର ଲକଡାଉନ୍ ଆଜି ଶେଷ ହେବାର ଥିଲା । ଏହା ପୂର୍ବରୁ ସରକାର ଚତୁର୍ଥ ପର୍ଯ୍ୟାୟ ଲକଡାଉନ୍ ଘୋଷଣା କରିଛନ୍ତି । 

ଏଠାରେ କହି ରଖୁଛୁ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶକୁ ସମ୍ବୋଧିତ କରି ଚତୁର୍ଥ ପର୍ଯ୍ୟାୟର ଲକଡାଉନ୍ ଘୋଷଣା କରିଥିଲେ । ତେବେ ସେ କହିଥିଲେ ଯେ ଲକଡାଉନର ଚତୁର୍ଥ ପର୍ଯ୍ୟାୟ ନୂଆା ରୂପ ରଙ୍ଗରେ ହେବ ।  ଏଥିପାଇଁ ମେ ୧୮ ପୂର୍ବରୁ ଦିଶାନିର୍ଦ୍ଦେଶା ଜାରି କରାଯିବ । ତେବେ ଗୃହ ମନ୍ତ୍ରଣାଳୟ ତରଫରୁ ଏ ସମ୍ପର୍କରେ କୌଣସି ଗାଇଡଲାଇନ ଜାରି କରାଯାଇ ନାହିଁ । ସରକାରୀ ସୂତ୍ରରୁ ପ୍ରକାଶ ଯେ ଚତୁର୍ଥ ପର୍ଯ୍ୟାୟରେ ଲକଡାଉନରେ ସମସ୍ତ ଜୋନରେ ଅଧିକ ଅର୍ଥନୈତିକ କାର୍ଯ୍ୟକଳାପ ଅନୁମତି ଦିଆଯିବ ।

ସୂତ୍ରରୁ ପ୍ରକାଶ ଯେ ଚତୁର୍ଥ ପର୍ଯ୍ୟାୟ ଲକଡାଉନରେ ରାଜ୍ୟମାନଙ୍କୁ ନିଷ୍ପତ୍ତି ନେବାକୁ ସ୍ୱାଧୀନତା ଦିଆଯିବ । ତେବେ କିଛି ରାଜ୍ୟ ନିଷ୍ପତ୍ତି ନେବାକୁ କେନ୍ଦ୍ରକୁ କହିଥିଲେ । ବିମାନ ସେବା ଆରମ୍ଭ କରିବାକୁ ବିଚାର କରାଯାଉଛି । ରାଜ୍ୟ କର୍ତ୍ତୃପକ୍ଷଙ୍କ ପରାମର୍ଶ ପରେ ଚୂଡ଼ାନ୍ତ ନିଷ୍ପତ୍ତି ନିଆଯିବ । ସୂତ୍ରରୁ ପ୍ରକାଶ ଯେ ମୁଖ୍ୟ ଶାସନ ସଚିବ ଏବଂ ରାଜ୍ୟ ପୋଲିସ ମୁଖ୍ୟଙ୍କ ମଧ୍ୟରେ ବୈଠକ ପରେ ଆଜି ସନ୍ଧ୍ୟାରେ ଲକଡାଉନ-4 ସମ୍ବନ୍ଧୀୟ ନୂତନ ନିର୍ଦ୍ଦେଶାବଳୀ ଘୋଷଣା ହେବାର ସମ୍ଭାବନା ରହିଛି ।