ବେକାରୀଙ୍କୁ ମୋଦି ସରକାରଙ୍କ ବଡ଼ ଉପହାର, ୩ ମାସ ଯାଏ ମିଳିବ ଅଧା ଦରମା !

ନୂଆଦିଲ୍ଲୀ: କୋରୋନା ମହାମାରୀ(COVID-19 Epidemic) ସମୟରେ ଦେଶରେ କୋଟି କୋଟି ଲୋକ ଚାକିରି ହରାଇଛନ୍ତି । ଦରମା ଅଭାବରୁ କୋଟି କୋଟି ଲୋକ ଜୀବିକା ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେଉଛନ୍ତି । ଏଭଳି ପରିସ୍ଥିତିରେ କେନ୍ଦ୍ରର ମୋଦି ସରକାର(Modi Govt) ଏହି ସମସ୍ତ ବେକାରଙ୍କ ପାଇଁ ଆଶ୍ୱସ୍ତି ଖବର ଆଣିଛନ୍ତି । କୋରୋନା କାଳରେ ଯଦି କେହି ବେକାର ହେଉଛନ୍ତି । ତେବେ ତାଙ୍କୁ ବେକାରୀ ଭତ୍ତା(Unemployment Allowance) ମିଳିବ । ଆସନ୍ତୁ ଜାଣିବା  ଆପଣ କିପରି ଏହି ଯୋଜନାର ଲାଭ ଉଠାଇବାକୁ ସମର୍ଥ ହେବେ...

ଏହି ଯୋଜନାର ଲାଭ ସେହି ଲୋକଙ୍କୁ ମିଳିବ ଯେଉଁମାନେ ଶ୍ରମିକ କର୍ମଚାରୀ ରାଜ୍ୟ ବୀମା ନିଗମ(ESIC) ଅଧୀନରେ ପଞ୍ଜିକୃତ ହୋଇଛନ୍ତି । ଶ୍ରମିକମାନଙ୍କୁ ଲାଭ ଦେବା ପାଇଁ ଅଟଳ ବୀମାଭୁକ୍ତ ବ୍ୟକ୍ତି କଲ୍ୟାଣ ଯୋଜନ(Atal Insured Persons Welfare Scheme), ଯାହାର ସଞ୍ଚାଳନ ESIC ଦ୍ୱାରା କରାଯାଇଥାଏ । ଏହାକୁ ୩୦ ଜୁନ୍ ୨୦୨୧ ପର୍ଯ୍ୟନ୍ତ ବୃଦ୍ଧି କରାଯାଇଛି । ଏହି କଲ୍ୟାଣ ଯୋଜନା ଅଧୀନରେ ବେକାରୀ ଭତ୍ତା ଉପଲବ୍ଧ ରହିଛି ।

ଅଧିକ ପଢ଼ନ୍ତୁ:-ସାଧାରଣ ଜନତାଙ୍କ ସ୍ୱାର୍ଥରେ ମୋଦି ସରକାର ନେଲେ ୪ଟି ବଡ଼ ନିଷ୍ପତ୍ତି, ଜାଣି ନିଅନ୍ତୁ ନହେଲେ ଉଠାଇ ପାରିବେନି ଲାଭ

ଏହା ହେଉଛି ସର୍ତ୍ତ: ଏହି ଟଙ୍କା କେବଳ ସେହି ଶ୍ରମିକଙ୍କୁ ମିଳିବ, ଯେଉଁମାନେ ଅତି କମରେ ଗତ ଦୁଇ ବର୍ଷ ଧରି ESI ଯୋଜନା ସହିତ ଜଡିତ ଅଛନ୍ତି । ଏହାର ଅର୍ଥ ହେଉଛି କେବଳ ସେହି ଶ୍ରମିକମାନେ ଯେଉଁମାନେ ୧ ଏପ୍ରିଲ ୨୦୧୮ ରୁ ୩୧ ମାର୍ଚ୍ଚ ୨୦୨୦ ପର୍ଯ୍ୟନ୍ତ ଏହି ସ୍କିମ୍ ସହିତ ଜଡ଼ିତ ଅଛନ୍ତି । ଏହି ସମୟରେ ୧ ଅକ୍ଟୋବର ୨୦୧୯ ରୁ ୩୧ ମାର୍ଚ୍ଚ ୨୦୨୦ ମଧ୍ୟରେ ସର୍ବନିମ୍ନ ୭୮ ଦିନର କାର୍ଯ୍ୟ ଦିନ ଆବଶ୍ୟକ ରହିଛି ।

ତିନିମାସ ପାଇଁ ଅଧା ବେତନ ଦିଆଯିବ: ବେକାର ବ୍ୟକ୍ତି ଏହି ଭତ୍ତାର ଲାଭ ସର୍ବାଧିକ ୯୦ ଦିନ (ତିନିମାସ) ପାଇ ଉଠାଇ ପାରିବେ । ସେ ତିନିମାସ ପାଇଁ ହାରାହାରି ବେତନର ୫୦ ପ୍ରତିଶତ ଦାବି କରିପାରିବେ । ପୂର୍ବରୁ ଏହି ସୀମା ୨୫ ପ୍ରତିଶତ ଥିଲା । ଅନ୍ୟ ଏକ ନିୟମ ପରିବର୍ତ୍ତନ କରାଯାଇଛି । ଏହା ପୂର୍ବରୁ ବେକାର ହେବାର ୯୦ ଦିନ ପରେ ଏହା ଲାଭ ମିଳୁଥିଲା । ବର୍ତ୍ତମାନ ଏହାକୁ ୩୦ ଦିନକୁ ହ୍ରାସ କରାଯାଇଛି । ଶ୍ରମ ଓ ରୋଜଗାର ମନ୍ତ୍ରୀ( Labor and Employment Minister) ସାନ୍ତୋଷ ଗଙ୍ଗୱାର(Santosh Gangwar) ଏହି ସୂଚନା ଦେଇଛନ୍ତି ।

କେଉଁ ଲୋକଙ୍କୁ ESIC ଯୋଜନାର ଲାଭ ମିଳିଥାଏ  ?: ସୂଚନା ପାଇଁ ଆପଣଙ୍କୁ କହି ରଖୁଛୁ ଯେ, ଏକ ସୀମା ପର୍ଯ୍ୟନ୍ତ ରୋଜଗାର କରୁଥିବା ଶ୍ରମିକମାନଙ୍କ ପାଇଁ ESI ଯୋଜନା ଉପଲବ୍ଧ ରହିଛି । ଯେଉଁ ଫ୍ୟାକ୍ଟ୍ରିରେ ୧୦ରୁ ଅଧିକ ଶ୍ରମିକ କାର୍ଯ୍ୟ କରନ୍ତି, ଏହି ଯୋଜନା ସେଠାରେ ଲାଗୁ କରାଯାଇଥାଏ । ଯଦି ସେମାନଙ୍କର ଦରମା ୨୧ ହଜାର ପର୍ଯ୍ୟନ୍ତ ଥାଏ ତେବେ ଏହି ଯୋଜନା ପ୍ରଯୁଜ୍ୟ ହେବ । ଦେଶର ପ୍ରାୟ ୩.୫ କୋଟି ପରିବାର ୟୁନିଟ୍ ESI ଅଧୀନରେ ଅଛି । ଯେଉଁ କାରଣରୁ ପ୍ରାୟ ୧୩.୫ କୋଟି ଲୋକ ନଗଦ ଏବଂ ଚିକିତ୍ସା ସୁବିଧା ପାଇଥାନ୍ତି ।

ଅଧିକ ପଢ଼ନ୍ତୁ:-ଏଥର ବାପା ନୁହେଁ, ପୁଅ ଯୋଗୁଁ ଭାଙ୍ଗିଯିବ ଉଦ୍ଧବ ସରକାର !

ଶ୍ରମିକମାନେ ନିଜେ କରିପାରିବେ ଦାବି: ବୋର୍ଡର ନିଷ୍ପତ୍ତି ଅନୁଯାୟୀ, ବର୍ତ୍ତମାନ ନିଯୁକ୍ତିଦାତାଙ୍କୁ ଶ୍ରମିକଙ୍କ ଦାବି କରିବାର କୌଣସି ଆବଶ୍ୟକତା ନାହିଁ । ବୈଠକର ଏଜେଣ୍ଡା ଅନୁଯାୟୀ, ଏହି ଦାବି ସିଧାସଳଖ ESICର ଶାଖା କାର୍ଯ୍ୟାଳୟରେ ଦାଖଲ କରାଯାଇପାରିବ । ଆଉ ଏହି ଦାବି କେବଳ ଶାଖା କାର୍ଯ୍ୟାଳୟ ସ୍ତରରେ ନିଯୁକ୍ତିଦାତା ମାଧ୍ୟମରେ ଯାଞ୍ଚ କରାଯିବ । ଏହା ପରେ ଦାବି ପରିମାଣ ସିଧାସଳଖ ଶ୍ରମିକଙ୍କ ଆକାଉଣ୍ଟକୁ ପଠାଯିବ ।