 "ଯଦି ଆପଣଙ୍କ ପାଖରେ ଅଛି ଗାଡ଼ି ତ ଧ୍ୟାନ ଦିଅନ୍ତୁ; ଗ୍ରୀନ୍ ଟ୍ୟାକ୍ସ ଲାଗୁ କରିବାକୁ ଯାଉଛନ୍ତି ସରକାର, ଜାଣନ୍ତୁ କେତେ କରିବାକୁ ପଡିବ ଜମା")
ନୂଆଦିଲ୍ଲୀ: ୧୫ ବର୍ଷରୁ ଅଧିକ ପୁରୁଣା ୪ କୋଟି ମଟର ଯାନ ଦେଶର ରାସ୍ତାରେ ଦୌଡ଼ୁଛି । ଏହି ଯାନଗୁଡିକ ଗ୍ରୀନ୍ ଟ୍ୟାକ୍ସ (Green Tax) ଅଧୀନରେ ଆସିଥାଏ । ପୁରୁଣା ଯାନ କ୍ଷେତ୍ରରେ କର୍ଣ୍ଣାଟକ ଶୀର୍ଷରେ ଅଛି । ୭୦ ଲକ୍ଷ ଏଭଳି ଯାନ କର୍ଣ୍ଣାଟକ ରାସ୍ତାରେ ଦୌଡ଼ୁଛି । ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ (Ministry of Road Transport and Highways) ସମଗ୍ର ଦେଶରେ ଏଭଳି ଯାନର ତଥ୍ୟକୁ ଡିଜିଟାଇଜେସନ୍ କରିଛି । ଅନ୍ୟପଟେ ଏମାନଙ୍କ ମଧ୍ୟରେ ଆନ୍ଧ୍ରପ୍ରଦେଶ, ମଧ୍ୟପ୍ରଦେଶ, ତେଲେଙ୍ଗାନା ଏବଂ ଲାକ୍ଷ୍ମାଦୀପ ସାମିଲ ନାହାଁନ୍ତି । ଏହି ରାଜ୍ୟଗୁଡିକର ତଥ୍ୟ ଉପଲବ୍ଧ ନାହିଁ ।
ଏହିପରି ଯାନ ଉପରେ ସବୁଜ ଟିକସ (Green Tax) ଲାଗୁ କରିବାକୁ ଏକ ପ୍ରସ୍ତାବ ରାଜ୍ୟକୁ ପଠାଯାଇଛି । ପରିସଂଖ୍ୟାନ ଅନୁଯାୟୀ, ୪ କୋଟିରୁ ଅଧିକ ଯାନ ୧୫ ବର୍ଷରୁ ଅଧିକ ପୁରୁଣା । ଏହି ଯାନଗୁଡିକ ମଧ୍ୟରୁ ୨ କୋଟି ଯାନ ୨୦ ବର୍ଷରୁ ଅଧିକ ପୁରୁଣା । ମନ୍ତ୍ରଣାଳୟ କହିଛି ଯେ ଯାନଗୁଡିକର ଡିଜିଟାଲ୍ ରେକର୍ଡ କେନ୍ଦ୍ରୀୟ ଯାନ ଡାଟାବେସ୍ ଉପରେ ଆଧାରିତ । ଏଥିରୁ ଆନ୍ଧ୍ରପ୍ରଦେଶ, ମଧ୍ୟପ୍ରଦେଶ, ତେଲେଙ୍ଗାନା ଏବଂ ଲାକ୍ଷ୍ମାଦ୍ୱୀପକୁ ବାଦ ଦିଆଯାଇଛି । ପୁରୁଣା ପ୍ରଦୂଷଣକାରୀ ଯାନ ଦୃଷ୍ଟିରୁ ଉତ୍ତରପ୍ରଦେଶ ଦ୍ୱିତୀୟ ସ୍ଥାନରେ ରହିଛି । ଉତ୍ତରପ୍ରଦେଶରେ ଏହିପରି ଯାନ ସଂଖ୍ୟା ୫୬.୫୪ ଲକ୍ଷ, ସେଥିମଧ୍ୟରୁ ୨୪.୫୫ ଲକ୍ଷ ଯାନ ୨୦ ବର୍ଷରୁ ଅଧିକ ପୁରୁଣା ।
୪୯.୯୩ ଲକ୍ଷ ଯାନ ସହିତ ରାଜଧାନୀ ଦିଲ୍ଲୀ ତୃତୀୟ ସ୍ଥାନରେ ରହିଛି । ଦିଲ୍ଲୀର ୩୫.୧୧ ଲକ୍ଷ ଯାନ ୨୦ ବର୍ଷରୁ ଅଧିକ ପୁରୁଣା । ଏଭଳି ଯାନ ସଂଖ୍ୟା କେରଳରେ ୩୪.୬୪ ଲକ୍ଷ, ତାମିଲନାଡୁରେ ୩୩.୪୩ ଲକ୍ଷ, ପଞ୍ଜାବରେ ୨୫.୩୮ ଲକ୍ଷ ଏବଂ ପଶ୍ଚିମବଙ୍ଗରେ ୨୨.୯ ଲକ୍ଷ ରହିଛି । ମହାରାଷ୍ଟ୍ର, ଓଡିଶା, ଗୁଜୁରାଟ, ରାଜସ୍ଥାନ ଏବଂ ହରିୟାଣାରେ ଏହିପରି ଯାନ ସଂଖ୍ୟା ୧୭.୫୮ ଲକ୍ଷରୁ ୧୨.୨୯ ଲକ୍ଷ ମଧ୍ୟରେ ରହିଛି । ଏଥି ସହିତ ଝାଡଖଣ୍ଡ, ଉତ୍ତରପ୍ରଦେଶ, ଛତିଶଗଡ, ହିମାଚଳ ପ୍ରଦେଶ, ପୁଡୁଚେରୀ, ଆସାମ, ବିହାର, ଗୋଆ, ତ୍ରିପୁରା ଏବଂ ଦାଦ୍ରା-ନାଗର ହାଭେଲି ଏବଂ ଦାମନ ଏବଂ ଡିୟୁରେ ଏହିପରି ଯାନ ସଂଖ୍ୟା ୧ ଲକ୍ଷରୁ ୫.୫୫ ଲକ୍ଷ ମଧ୍ୟରେ ରହିଛି ।
ଅଧିକ ପଢ଼ନ୍ତୁ:-ପାୱାରଙ୍କ ସହ ଶାହଙ୍କ ସାକ୍ଷାତ, ଭାଙ୍ଗିଯିବ କି ଉଦ୍ଧବ ସରକାର?
ପରିସଂଖ୍ୟାନ ଅନୁଯାୟୀ, ଅବଶିଷ୍ଟ ରାଜ୍ୟଗୁଡିକରେ ଏଭଳି ଯାନ ସଂଖ୍ୟା ଏକ ଲକ୍ଷରୁ କମ୍ ଅଟେ । ପରିବେଶ ସୁରକ୍ଷା ତଥା ପ୍ରଦୂଷଣକୁ ରୋକିବା ପାଇଁ ସରକାର ଶୀଘ୍ର ଏଭଳି ପୁରୁଣା ଯାନ ଉପରେ ସବୁଜ ଟିକସ (Green Tax) ଲାଗୁ କରିବାକୁ ପ୍ରସ୍ତୁତ ହେଉଛନ୍ତି । ସଡକ ପରିବହନ ଏବଂ ରାଜପଥ ମନ୍ତ୍ରୀ ନିତିନ ଗଡକରୀ ଚଳିତ ବର୍ଷ ଜାନୁଆରୀରେ ପୁରୁଣା ଯାନ ଉପରେ ସବୁଜ ଟିକସ ପ୍ରସ୍ତାବ ଦେଇଥିଲେ । ଏହି ପ୍ରସ୍ତାବ ରାଜ୍ୟମାନଙ୍କୁ ଆଲୋଚନା ପାଇଁ ପଠାଯାଇଛି । ଏହା ପରେ ଏହାକୁ ଆନୁଷ୍ଠାନିକ ଭାବରେ ଅଧିସୂଚିତ କରାଯିବ । ବର୍ତ୍ତମାନ, କେତେକ ରାଜ୍ୟ / କେନ୍ଦ୍ର ଶାସିତ ଅଞ୍ଚଳ ବିଭିନ୍ନ ହାରରେ ସବୁଜ ଟିକସ ଲାଗୁ କରୁଛନ୍ତି ।
ଅଧିକ ପଢ଼ନ୍ତୁ:-କିଡନୀ ସମସ୍ୟାରେ ଲାଭଦାୟକ ହୋଇଥାଏ ମେଥିର ସେବନ
ଏହି ପ୍ରସ୍ତାବ ଅନୁଯାୟୀ, ଆଠ ବର୍ଷରୁ ଅଧିକ ପୁରୁଣା ପରିବହନ ଯାନଗୁଡିକ (transport vehicles) ଉପରେ ଫିଟନେସ୍ ସାର୍ଟିଫିକେଟ୍ ନବୀକରଣ (Renewal of fitness certificate) ସମୟରେ ରୋଡ ଟ୍ୟାକ୍ସ ୧୦ରୁ ୨୫ ପ୍ରତିଶତ ଟିକସ ଲଗାଯିବ । ୧୫ ବର୍ଷ ପରେ ନବୀକରଣ ସମୟରେ ବ୍ୟକ୍ତିଗତ ଯାନକୁ ଟ୍ୟାକ୍ସ ଲଗାଇବାକୁ ପ୍ରସ୍ତାବ ଦିଆଯାଇଛି । ଏଥି ସହିତ ବସ୍ ଇତ୍ୟାଦି ସାଧାରଣ ପରିବହନ ଯାନ ଉପରେ କମ୍ ସବୁଜ ଟିକସ ଲାଗୁ କରାଯିବ । ଏଥି ସହିତ ବହୁ ପ୍ରଦୂଷିତ ସହରରେ ପଞ୍ଜୀକୃତ ଯାନ ଉପରେ ଅଧିକ ସବୁଜ ଟିକସ ଲାଗୁ କରିବାକୁ ପ୍ରସ୍ତାବ ଦିଆଯାଇଛି, ଯାହା ଟୋଲର ୫୦ ପ୍ରତିଶତ ସହିତ ସମାନ ।
)