ମଦ ନ ମିଳିବାରୁ ମଦୁଆମାନେ ପିଉଛନ୍ତି ସାନିଟାଇଜର ! ଦେଖନ୍ତୁ ଭିଡିଓ

ଭୋପାଳ: କୋରୋନା ଭାଇରସ ମୁକାବିଲା ପାଇଁ ସାରା ଦେଶରେ ଲକଡାଉନ ଜାରି ରହିଛି । ଏହି ସମୟରେ ଦେଶରେ ମଦ ବିକ୍ରି ସଂପୂର୍ଣ୍ଣ ବନ୍ଦ ରହିଛି । ଏଭଳି ପରିସ୍ଥିତିରେ ଅନେକ ସ୍ଥାନରୁ ମଦର ଆବଶ୍ୟକତା ମେଣ୍ଟାଇବା ପାଇଁ ଲୋକ ସାନିଟାଇଜର ପିଇବା ମାମଲା ସାମ୍ନାକୁ ଆସିଛି । କେବଳ ଏତିକି ନୁହେଁ, ସାନିଟାଇଜର ତିଆରି କରିବାର ଲାଇସେନ୍ସ ପାଇଥିବା ମଦ କମ୍ପାନୀଗୁଡିକ ମଧ୍ୟ ନିଜ ବ୍ରାଣ୍ଡ ବୋତଲରେ ସାନିଟାଇଜର ବିକ୍ରି କରୁଛନ୍ତି ।       

ଲକଡାଉନରେ ମଧ୍ୟପ୍ରଦେଶରେ ମଦ ଉପରେ ପ୍ରତିବନ୍ଧକ ଲାଗୁ କରାଯାଇଛି । ତେଣୁ ମଦୁଆମାନେ ସାନିଟାଇଜର ପିଉଛନ୍ତି । ଭୋପାଳରେ ସ୍ଥାନୀୟ ମଦ ବ୍ରାଣ୍ଡ ନାଁରେ ହିଁ ସାନିଟାଇଜର ବିକ୍ରି କରାଯାଉଛି । ଯେତେବେଳେ ଏପରି କିଛି ଲୋକଙ୍କ ସହ ଆଲୋଚନା କରିଥିଲେ । ସେତେବେଳେ ଆଶ୍ଚର୍ଯ୍ୟଜନକ କଥା ବିଷୟରେ ଜାଣିବାକୁ ମିଳିଥିଲା । ସହରର କୋଲାର ଅଞ୍ଚଳରେ ରହୁଥିବା ପେଶାରେ ଜଣେ ଯୁବକ ଡ୍ରାଇଭର କହିଥିଲେ ଯେ, "ଆମେ ଏଠାରେ ସାନିଟାଇଜର ପିଉଥିଲୁ । ଏଥିରୁ ନିଶା ହେଉଛି । ମଦ ଦୋକାନ ସବୁ ବନ୍ଦ ରହିଛି । ଯେଉ ମଦ ଚୋରାରେ ମିଳୁଛି ତାହା ବହୁତ ଅଧିକ ମହଙ୍ଗା ହୋଇଥାଏ । ଲୋକେ ଜାଣିବାକୁ ପାଇଥିଲେ ଯେ ସାନିଟାଇଜରରେ ଆଲକୋହଲ ରହିଛି । ପାଣିରେ ମିଶାଇ ପିଉଛନ୍ତି । ଏହା ମଧ୍ୟ କମ୍ ଦାମରେ ମିଳିଥାଏ । ''

#कोरोनावायरस शराब की बिक्री बंद है, ऐसे में कई इलाकों में सैनिटाइजर को शराब की जगह पीने का मामला सामना आया है, जिन शराब कंपनियों को सैनिटाइजर बनाने का लाइसेंस मिला है वो अपने ब्रांड की बोतलों में ही सैनिटाइजर भी बेच रहे हैं @ndtvindia @INCMP @ChouhanShivraj #Covid_19 #Corona pic.twitter.com/wFnVJeh5Tw

— Anurag Dwary (@Anurag_Dwary) May 1, 2020

ଅନ୍ୟପକ୍ଷେ ଦୋକାନୀମାନେ ଜାଣନ୍ତି ନାହିଁ ଯେ ଲୋକମାନେ ଏହାକୁ କେଉଁଥି ପାଇଁ ବ୍ୟବହାର କରୁଛନ୍ତି । ଜଣେ ଦୋକାନୀ ଅଶୋକ ଶର୍ମା କହିଛନ୍ତି, ସାନିଟାଇଜର ବିକ୍ରୟ କରିଥାଉ, ଗ୍ରାହକ ଆସନ୍ତି, ଆମେ ଦେଇଥାଉ । ସେମାନେ କଣ ବ୍ୟବହାର କରନ୍ତି, ଆମେ କଣ ଜାଣୁ । ''

ସହରର ମେଡିକାଲରେ ଏଭଳି ରୋଗୀମାନେ ପହଞ୍ଚୁଛନ୍ତି, ଯେଉମାନେ ଅଧିକ  ସାନିଟାଇଜର ପିଇବା ପରେ ଅସୁସ୍ଥ ହୋଇପଡିଥିଲେ । ଜଣଙ୍କର ମଧ୍ୟ ମୃତ୍ୟୁ ଘଟିଛି । ସିଦ୍ଧାନ୍ତ ରେଡକ୍ରସ ହସ୍ପିଟାଲର ନିର୍ଦ୍ଦେଶକ ଡାକ୍ତର ସୁବୋଦ ବାର୍ଷ୍ଣୋୟ କହିଛନ୍ତି ଯେ, ଏହି ସାନିଟାଇଜରରେ ଅତି କମରେ 70 ପ୍ରତିଶତ ଆଲକୋହଲ ରହିବା ଆବଶ୍ୟକ । କିନ୍ତୁ କେତେକଙ୍କର 80 ପ୍ରତିଶତ ରହିଛି । ଏହାର ଅର୍ଥ ହେଉଛି ବିସ୍କି ଅପେକ୍ଷା ଦୁଇଗୁଣ ଅଧିକ ଆଲକୋହଲ ରହିଛି ।