ଏଣିକି Mr, Mrs ଓ Miss ସ୍ଥାନରେ ଲାଗିବ 'Mx': ଜାଣନ୍ତୁ କାହିଁକି ?

ଲଣ୍ଡନ: ଇଂଲଣ୍ଡର ମୋର୍ନମାଉଥ, ଖ୍ରୀଷ୍ଟଚର୍ଚ୍ଚ ଏବଂ ଇଂଲଣ୍ଡର ପୁଲ କାଉନସିଲ ନିଷ୍ପତ୍ତି ନେଇଛନ୍ତି ଯେ, ସେମାନେ ପ୍ରତ୍ୟେକ ନାମ ସାମ୍ନାରେ ଶ୍ରୀ, ମିସ୍ କିମ୍ବା ଶ୍ରୀମତୀ ଭଳି ଲିଙ୍ଗ ଚିହ୍ନଟକାରୀ ଶବ୍ଦ ବ୍ୟବହାର କରିବେ ନାହିଁ। ଏହା ପରିବର୍ତ୍ତେ, କେବଳ 'MX' ଶବ୍ଦ ବ୍ୟବହାର କରାଯିବ । ଲିଙ୍ଗ ନିରପେକ୍ଷତାକୁ ନେଇ ଏହି ପଦକ୍ଷେପ ନିଆଯାଇଛି। ଯଦିଓ ଏହି ନିଷ୍ପତ୍ତି ଉପରେ ଭୋଟ୍ ହେବ, ଯଦି ବହୁମତ ଆସେ ତେବେ ଯାଇ ଏହି ନିଷ୍ପତ୍ତି କାର୍ଯ୍ୟକାରୀ କରାଯିବ ।

ମେଟ୍ରୋ ଡଟ୍ କମ୍ ଡଟ୍ ୟୁକେ ସମ୍ବାଦ ଅନୁଯାୟୀ ପରିଷଦ କହିଛି ଯେ ଶ୍ରୀ, ମିସ୍, ଚେୟାରମ୍ୟାନ୍, ମ୍ୟାଡାମ୍ ଭଳି ଶବ୍ଦ ବହୁତ ପୁରୁଣା ହୋଇଗଲାଣି । ଯେଉଁଥିରେ ଲିଙ୍ଗଭେଦ ସମ୍ପର୍କ ସ୍ପଷ୍ଟ ଦେଖାଯାଏ । ଏହି କ୍ଷେତ୍ରରେ, ଏକ ସାଧାରଣ ଶବ୍ଦ 'Mx' ବ୍ୟବହାର କରିବାକୁ ଯାଉଛୁ । ହେଲେ ଏହା ଏବେ ଔପଚାରିକ ଭାବେ ଘୋଷଣା କରାଯାଇନାହିଁ । ଏହି ପରିଷଦ ଅଧୀନରେ ଥିବା ଅଞ୍ଚଳର ଜନସଂଖ୍ୟା ୩ ଲକ୍ଷ ୯୫ ହଜାର ଲୋକ ଏବଂ ସେମାନେ ସମଗ୍ର ଜନସଂଖ୍ୟା ନାମ ଆଗରେ ସମାନ ପରିଚୟ ରଖିବାକୁ ଚାହୁଁଛନ୍ତି । 

Also Read:  China Vaccine ନେଇ ବିପଦରେ Pakistan PM Imran Khan

ଏହି ନୂଆ ନିୟମ ଖୁବ ଶୀଘ୍ର ପରିଷଦ ବୈଠକରେ କାର୍ଯ୍ୟକାରୀ ହେବ, ଏହାପରେ ଅନ୍ୟ ସରକାରୀ ସ୍ଥାନରେ ମଧ୍ୟ ଏହାର ପ୍ରଚାର ପ୍ରସାର ଆରମ୍ଭ କରାଯିବ। ପରିଷଦ କହିଛି ଯେ, ଏହି ପରିବର୍ତ୍ତନ ମଧ୍ୟ ଆବଶ୍ୟକ କାରଣ ଆମ ସମାଜରେ ପୁରୁଷଙ୍କ ଉପରେ ଏକ ସର୍ବଦଳୀୟ ମନୋଭାବ ରହିଛି । କିନ୍ତୁ 'Mx' ବ୍ୟବହାରରେ ଏହା ଦେଖାଯିବ ନାହିଁ । 

Also Read: କିଏ ଲୁଚି ଲୁଚି ଦେଖୁଛି ଆପଣଙ୍କ WhatsApp 'DP'?

ଏଥି ସହିତ ପରିଷଦ ଯୋଜନା କରିଛି ଯେ, ସେମାନେ ଶ୍ରୀ କିମ୍ବା ମ୍ୟାଡାମ୍ ଚେୟାରମ୍ୟାନଙ୍କ ସ୍ଥାନରେ 'They' ଏବଂ 'Chair' ଶବ୍ଦ ବ୍ୟବହାର କରିବେ। ଏହି ପ୍ରସ୍ତାବ ଗୁଡ଼ିକ ସ୍ବତନ୍ତ୍ର କାଉନସିଲର ଏଲ.ଜେ. ଇଭାନ୍ସ ଆଣିଥିଲେ। ସେ କହିଥିଲେ ଯେ ଲିଖିତ, ଆକାରରେ ଆମେ କୌଣସି ଲିଙ୍ଗ ବିଷୟରେ କହିବା ବା ଉଲ୍ଲେଖ ଠାରୁ ଦୂରେଇ ରହିବା ଉଚିତ, କାରଣ ବର୍ତ୍ତମାନ ଲିଙ୍ଗପ୍ରଭେଦ ପ୍ରସଙ୍ଗ ଆଉ ଆବଶ୍ୟକ ନୁହେଁ।