କୋରୋନା ରୋଗୀଙ୍କ ସାହାଯ୍ୟ ପାଇଁ ବିକି ଦେଲେ ନିଜ SUV କାର, ୨୫୦ ପରିବାର ପାଇଁ କିଣିଲେ ଅକ୍ସିଜେନ ସିଲିଣ୍ଡର

ମୁମ୍ବାଇ: ଦେଶ ଭିତରେ ମହାରାଷ୍ଟ୍ରରେ ସର୍ବାଧିକ କୋରୋନା ଭାଇରସର ତାଣ୍ଡବଲୀଳା ଜାରି ରହିଛି ।  ମୋଟ ୩୧ ପ୍ରତିଶତ ସକ୍ରିୟ ମାମଲା ଏହି ରାଜ୍ୟରେ ରହିଛି । ମୁମ୍ବାଇ କୋରୋନା ଭାଇରସର କେନ୍ଦ୍ରସ୍ଥଳ ପାଲଟିଛି । ସ୍ଥିତି ଏତେ ଜଟିଳ ହୋଇପଡ଼ିଛି ଯେ ବର୍ତ୍ତମାନ ଡାକ୍ତରଖାନାରେ ରୋଗୀଙ୍କ ପାଇଁ ଶଯ୍ୟା ଖାଲି ନାହିଁ । ଅମ୍ଳଜାନ ସିଲିଣ୍ଡର ଓ ଭେଣ୍ଟିଲେଟରେ ମଧ୍ୟ କମି ଦେଖାଦେଇଛି । ଏଭଳି ପରିସ୍ଥିତିରେ ସହରର ଅନେକ ଲୋକ ସାହାଯ୍ୟ ପାଇଁ ଆଗକୁ ଆସୁଛନ୍ତି । ଏହି ସଙ୍କଟରେ ଥିବା ଲୋକଙ୍କୁ ସାହାଯ୍ୟ କରିବା ପାଇଁ ମାଲାଡର ଜଣେ ବ୍ୟକ୍ତି ତାଙ୍କ SUV କାର ବିକ୍ରି କରିଦେଇଛନ୍ତି । ସେ କାର ବିକ୍ରୟରୁ ପାଇଥିବା ଟଙ୍କାରୁ ୨୫୦ ପରିବାରକୁ ଅମ୍ଳଜାନ ସିଲିଣ୍ଡର   ଯୋଗାଉଛନ୍ତି ।

ମୁମ୍ବାଇ ମିରରର ଖବର ଅନୁଯାୟୀ, ୩୧ ବର୍ଷୀୟ ଶାହନାୱାଜ ଶେଖ  ୨୦୧୧ରେ ଏକ ଫୋର୍ଡ ଏଣ୍ଡେଭେବର କିଣିଥିଲେ । ୦୦୭ର ଏକ ନମ୍ବର ପ୍ଲେଟ୍ ସହିତ ଏହି କାରରେ ତାଙ୍କର ଏକ କଷ୍ଟୋମାଇଜ୍ ମ୍ୟୁଜିକ୍ ସିଷ୍ଟମ୍ ଲାଗି ଥିଲା । କୋରୋନା ସଙ୍କଟ ସମୟରେ ସେ ଏହି କାରକୁ ଏକ ମେକିଫିଟ୍ ଆମ୍ବୁଲାନ୍ସରେ ପରିଣତ କରିଛନ୍ତି । ମେ ୨୮ରେ କୋରୋନା ସଂକ୍ରମଣରେ ତାଙ୍କ ବ୍ୟବସାୟିକ ସହଯୋଗୀଙ୍କ ଭଉଣୀଙ୍କ ମୃତ୍ୟୁ ପରେ ସବୁକିଛି ବଦଳାଇ ଦେଇଥିଲା । ଶାହନାୱାଜ ଶେଖଙ୍କ ସାଥୀଙ୍କ ଭଉଣୀ ୬ ମାସର ଗର୍ଭବତୀ ଥିଲେ । ସେ ଡାକ୍ତରଖାନା ବାହାରେ ଏକ ଅଟୋରିକ୍ସରେ ମୃତ୍ୟୁ ବରଣ କରିଥିଲେ । କାରଣ ଶଯ୍ୟା ଖାଲି ନ ଥିବାରୁ ଡାକ୍ତରଖାନା ତାଙ୍କୁ ଭର୍ତ୍ତି କରିବାକୁ ମନା କରିଦେଇଥିଲା ।

ବ୍ୟବସାୟ ପାର୍ଟନରଙ୍କ ଭଉଣୀଙ୍କ ମୃତ୍ୟୁ ଶାହନାୱାଜ ଶେଖଙ୍କୁ ବହୁତ ବିବ୍ରତ କରିଥିଲା । ସେ ହୃଦୟଙ୍ଗମ କଲେ ଯେ ଯଦି ଅମ୍ଳଜାନ ସିଲିଣ୍ଡର ଠିକ୍ ସମୟରେ ବ୍ୟବହୃତ ହୋଇପାରିଥାନ୍ତା । ତେବେ ଭଉଣୀର ଜୀବନ ବଞ୍ଚି ପାରିଥାନ୍ତା । ସେବେ ଠାରୁ ହିଁ ସେ ଅମ୍ଳଜାନ ସିଲିଣ୍ଡର କିଣିବା ପାଇଁ ଧାରଣା ମୁଣ୍ଡକୁ ଆସିଥିଲା ।

Add Zee News as a Preferred Source

କୋରୋନା ରୋଗୀ ଓ ଅସହାୟ ଲୋକଙ୍କ ପାଇଁ କିଛି କରିବାକୁ ଇଚ୍ଛା ଥିଲା । ଟଙ୍କା ଆବଶ୍ୟକ ଥିଲା, ତେଣୁ ସେ ତାଙ୍କ କାର ବିକ୍ରି କଲେ । ଏହି ଟଙ୍କାରେ ଶାହନାୱାଜ ୨୫୦ କୋରୋନା ରୋଗୀଙ୍କ ପରିବାରକୁ ଅମ୍ଳଜାନ ସିଲିଣ୍ଡର ଯୋଗାଇଛନ୍ତି ।

ଶାହନାୱାଜ ଶେଖ କୁହନ୍ତି, 'ମୁଁ କୋରୋନା ରୋଗୀଙ୍କ ପାଇଁ କିଛି କରିବାକୁ ଚାହୁଁଥିଲି । ତେଣୁ ଯଦି ଏକ କାର ବିକ୍ରୟ କରିବାକୁ ପଡିଛି । ତେବେ ଏଥିରେ କିଛି ଫରକ ପଡ଼ି ନାହିଁ । ମୁଁ ଏକ ଧନୀ ପରିବାରର ଆସିଥାଏ । ମୁଁ ଆଗକୁ ଯାଇ ଏହିପରି ଚାରିଟି ଗାଡ଼ି କିଣି ପାରିବି । କିନ୍ତୁ ଏହି ମହାମାରୀ ସମୟରେ ଅଭାବୀ ଲୋକଙ୍କୁ ଅମ୍ଳଜାନ ସିଲିଣ୍ଡର ଯୋଗାଇବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା ।