Murshidabad violence : ମୁର୍ଶିଦାବାଦ ହିଂସା: କୋର୍ଟରେ ଦାଖଲ ହେଲା ରିପୋର୍ଟ, ଟିଏମସି ନେତା ଓ ପୋଲିସ ଉପରେ ଉଠିଲା ପ୍ରଶ୍ନ

Murshidabad violence : ନୂଆଦିଲ୍ଲୀ: ପଶ୍ଚିମବଙ୍ଗର ମୁର୍ଶିଦାବାଦରେ ୱାକଫ ସଂଶୋଧନ ଆଇନ 2025 ବିରୋଧରେ ପ୍ରତିବାଦରେ ହୋଇଥିବା ସାମ୍ପ୍ରଦାୟିକ ହିଂସାର ତଦନ୍ତ ପାଇଁ କୋଲକାତା ହାଇକୋର୍ଟ ଦ୍ୱାରା ଗଠିତ ତଦନ୍ତ କମିଟି ଏହାର ରିପୋର୍ଟ ଦାଖଲ କରିଛି। ରିପୋର୍ଟରେ ଅନେକ ଆଶ୍ଚର୍ଯ୍ୟଜନକ ଖୁଲାସା ହୋଇଛି। ଯେଉଁଥିରେ ସ୍ଥାନୀୟ ତୃଣମୂଳ କଂଗ୍ରେସର ନେତା ଏବଂ ପୋଲିସର ନିଷ୍କ୍ରିୟତା ଉପରେ ଗମ୍ଭୀର ପ୍ରଶ୍ନ ଉଠିଛି। କଲିକତା ହାଇକୋର୍ଟ ଦ୍ୱାରା ଗଠିତ ଏକ ତଦନ୍ତ କମିଟିର ରିପୋର୍ଟରେ କୁହାଯାଇଛି ଯେ ଗତ ମାସରେ ବଙ୍ଗଳାର ମୁର୍ଶିଦାବାଦର ଅନେକ ଅଞ୍ଚଳରେ ୱାକଫ ସଂଶୋଧନ ବିଲ୍ ବିରୋଧରେ ପ୍ରତିବାଦ ସମୟରେ ଘଟିଥିବା ହିଂସାରେ ରାଜ୍ୟର ଶାସକ ଦଳ ତୃଣମୂଳ କଂଗ୍ରେସର ଜଣେ ନେତା ସାମିଲ ଥିଲେ। ସ୍ଥାନୀୟ କାଉନସିଲର ମେହବୁବ ଆଲାମଙ୍କ ନିର୍ଦ୍ଦେଶରେ ଏହି ଆକ୍ରମଣ କରାଯାଇଥିଲା। ସ୍ଥାନୀୟ ପୋଲିସ ସମ୍ପୂର୍ଣ୍ଣ ନିଷ୍କ୍ରିୟ ହୋଇପଡିଥିଲା। ଘଟଣାସ୍ଥଳରେ ପୋଲିସ ପ୍ରଶାସନ ଅନୁପସ୍ଥିତ ଥିଲା।

ରିପୋର୍ଟରେ କୁହାଯାଇଛି ଯେ ହିଂସାରେ ହିନ୍ଦୁମାନଙ୍କୁ ଟାର୍ଗେଟ କରାଯାଇଥିଲା। ଯେତେବେଳେ ବିପନ୍ନ ଲୋକମାନେ ସାହାଯ୍ୟ ଲୋଡିଥିଲେ, ପୋଲିସ କୌଣସି ପ୍ରତିକ୍ରିୟା ଦେଇ ନଥିଲା। ରିପୋର୍ଟଟି ହାଇକୋର୍ଟର ଡିଭିଜନ ବେଞ୍ଚ ସମ୍ମୁଖରେ ଉପସ୍ଥାପିତ ହୋଇଛି। କମିଟିର ସଦସ୍ୟମାନେ ଗାଁଗୁଡ଼ିକୁ ପରିଦର୍ଶନ କରିଥିଲେ। ହିଂସାରେ ପୀଡିତଙ୍କ ସହିତ କଥାବାର୍ତ୍ତା କରିଥିଲେ। ତଦନ୍ତ ଦଳରେ ଜାତୀୟ ମାନବାଧିକାର କମିଶନ, ରାଜ୍ୟ ଆଇନ ସେବା ପ୍ରାଧିକରଣ ଏବଂ ନ୍ୟାୟିକ ସେବାର ସଦସ୍ୟମାନେ ସାମିଲ ଥିଲେ। ଆପଣଙ୍କୁ କହି ରଖୁଛୁ ଯେ ହିଂସାରେ ତିନି ଜଣଙ୍କର ମୃତ୍ୟୁ ହୋଇଥିଲା, ଯେତେବେଳେ ଅନେକ ଆହତ ହୋଇଥିଲେ।

ଏହି ରିପୋର୍ଟରେ ପୋଡ଼ାଜଳା ଏବଂ ଲୁଟପାଟ ଓ ଦୋକାନଗୁଡ଼ିକର କ୍ରମାଗତ ଧ୍ୱଂସ ସମ୍ପର୍କରେ ମଧ୍ୟ ଉଲ୍ଲେଖ କରାଯାଇଛି। ମୁଖ୍ୟ ଆକ୍ରମଣ ଏପ୍ରିଲ ୧୧ ଶୁକ୍ରବାର ତାରିଖ ଦିନ ଅପରାହ୍ନ ୨.୩୦ଟା ପରେ ହୋଇଥିଲା । ଯେତେବେଳେ ସ୍ଥାନୀୟ କାଉନସିଲର ମେହବୁବ ଆଲାମ ଦଙ୍ଗାକାରୀଙ୍କ ସହିତ ପହଞ୍ଚିଥିଲେ। ଦୁର୍ବୃତ୍ତମାନେ ମୁହଁ ଘୋଡ଼ାଇ ଆସିଥିଲେ। ସ୍ଥାନୀୟ ନେତା ଆମିରୁଲ ଇସଲାମ ଦେଖିଥିଲେ ଯେ କେଉଁ ଘର ଉପରେ ଆକ୍ରମଣ ହୋଇନାହିଁ ଏବଂ ତା’ପରେ ଆକ୍ରମଣକାରୀମାନେ ସେଗୁଡ଼ିକୁ ନିଆଁ ଲଗାଇ ଦେଇଥିଲେ। ଆକ୍ରମଣକାରୀମାନେ ପାଣି ସଂଯୋଗ କାଟି ଦେଇଥିଲେ, ତେଣୁ ନିଆଁ ଲିଭାଯାଇପାରିଲା ନାହିଁ। ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ବେଟବୋନା ଗାଁର ୧୧୩ଟି ଘର ସର୍ବାଧିକ ପ୍ରଭାବିତ ହୋଇଛି।

Add Zee News as a Preferred Source

ଏପ୍ରିଲ ୧୨ ତାରିଖରେ ଜଣେ ହିନ୍ଦୁ ପରିବାରର ବ୍ୟକ୍ତି ଏବଂ ତାଙ୍କ ପୁଅଙ୍କୁ କିଛି ମୁସଲିମ ସମ୍ପ୍ରଦାୟର ବ୍ୟକ୍ତିବିଶେଷ ହତ୍ୟା କରିଥିଲେ। ଏହା ପରେ ଘଟିଥିବା ହିଂସା ଫଳରେ ଅଞ୍ଚଳର ଦୋକାନ ଏବଂ ବଜାର ଧ୍ୱଂସ ହୋଇଯାଇଥିଲା। ଗ୍ରୋସରୀ ଦୋକାନ, ହାର୍ଡୱେର ଦୋକାନ, କପଡ଼ା ଦୋକାନ ଆଦି ନିଆଁରେ ଜଳି ଧ୍ୱଂସ ହୋଇଗଲା। ଘୋଷପଡ଼ାରେ ୨୯ଟି ଦୋକାନ ନଷ୍ଟ ହୋଇଯାଇଥିବା ନେଇ ରିପୋର୍ଟରେ ଦର୍ଶାଯାଇଛି।ସେହିପରି ମନ୍ଦିରଗୁଡ଼ିକ ମଧ୍ୟ ଭଙ୍ଗାଯାଇ ଧ୍ୱଂସ କରାଯାଇଥିଲା। ଏସବୁ ସ୍ଥାନୀୟ ପୋଲିସ ଷ୍ଟେସନରୁ ୩୦୦ ମିଟର ଦୂରରେ ହୋଇଥିବା ନେଇ ରିପୋର୍ଟରେ ଉଲ୍ଲେଖ କରାଯାଇଛି।