 "NASA ରେ ହେଉଛି ପୂଜାରୀଙ୍କ ଭର୍ତ୍ତି; ସ୍ପେସ୍ ଏଜେନ୍ସି ପ୍ରସ୍ତୁତ କରିଛି ଏହି ସିକ୍ରେଟ୍ ପ୍ଲାନ୍, ମହାକାଶରେ ସ୍ୱତନ୍ତ୍ର ମିଶନ ପାଇଁ ହେବ ଆବଶ୍ୟକ")
ନୂଆଦିଲ୍ଲୀ: NASA Hiring Priests for Contact with Aliens: ପୃଥିବୀର ଲୋକମାନଙ୍କ ମଧ୍ୟରେ ଅନ୍ୟ ଦୁନିଆ ଓ ସେଠାରେ ରହୁଥିବା ଏଲିଏନ୍ସମାନଙ୍କ (Mystery of Alien) ସହିତ ଜଡିତ ରହସ୍ୟକୁ ନେଇ ସର୍ବଦା ଉତ୍ସୁକତା ରହିଆସିଛି । ଏହି ରହସ୍ୟ ଜାଣିବା ପାଇଁ ଆମେରିକୀୟ ସ୍ପେସ୍ ଏଜେନ୍ସି ନାସା (The National Space and Aeronautics Administration-NASA) ବର୍ତ୍ତମାନ ବିଜ୍ଞାନ ସହିତ ପୂଜାରୀଙ୍କ ସାହାଯ୍ୟ ନେବାକୁ ନିଷ୍ପତ୍ତି ନେଇଛି । ନାସା ବର୍ତ୍ତମାନ ଏଲିଏନ୍ସମାନଙ୍କ ସହିତ ଯୋଗାଯୋଗ କରିବା ପାଇଁ ପୂଜାରୀମାନ (NASA Hiring Priests) ଙ୍କୁ ନିଯୁକ୍ତି କରୁଛି ।
ଏଲିଏନମାନଙ୍କ ସହିତ ଯୋଗାଯୋଗ ପାଇଁ NASA ଅତ୍ୟନ୍ତ ଗମ୍ଭୀର ଓ ଏହା ପାଇଁ କିଛି ବି କରିବାକୁ ପ୍ରସ୍ତୁତ । ଏଭଳି ପରିସ୍ଥିତିରେ ବୈଜ୍ଞାନିକ ମିଶନ ସହିତ ନାସା ମଧ୍ୟ ଧର୍ମଶାସ୍ତ୍ରୀଙ୍କ ସାହାଯ୍ୟ ନେବ । ନାସା ଜାଣିବାକୁ ଚେଷ୍ଟା କରୁଛି ଯେ ପୃଥିବୀର ବିଭିନ୍ନ ଧର୍ମର ମଣିଷଙ୍କ ଏଲିଏନମାନଙ୍କ ବିଷୟରେ କ’ଣ ବିଚାର ରହିଛି? ଏହା କୁହାଯାଉଛି ଯେ ବିଭିନ୍ନ ଧର୍ମର ପୂଜାରୀମାନଙ୍କୁ ଏହି ଟିମରେ ସାମିଲ କରାଯାଉ ।
ଆପଣଙ୍କୁ ଶୁଣିବାକୁ ଟିକେ ଅଜବ ଲାଗୁଥିବେ ଯେ ନାସା ୨୪ ଧର୍ମଶାସ୍ତ୍ରୀଙ୍କୁ ନିଜର ଏଲିଏନ୍ ହଣ୍ଟିଂ ମିଶନ (Alien Hunting Mission) ର ଏକ ଅଂଶ କରୁଛି । କୋଲିନ୍ସ ଡିକ୍ସନାରୀ ଅନୁଯାୟୀ ଧର୍ମଶାସ୍ତ୍ରୀ ସେହିମାନେ ହୁଅନ୍ତି ଯେଉଁମାନେ ଇଶ୍ବର, ଧର୍ମ ଏବଂ ଧାର୍ମିକ ମାନ୍ୟତାର ଅଧ୍ୟୟନ କରନ୍ତି । ଏହି ଦଳରେ ବ୍ରିଟେନର ଜଣାଶୁଣା ପାଦ୍ରୀ ଡକ୍ଟର ଆଣ୍ଡ୍ରିୟୁ ଡେଭିସନଙ୍କୁ ମଧ୍ୟ ସାମିଲ କରାଯାଇଛି । ସେ ବାୟୋକେମିଷ୍ଟ୍ରିରେ ଡକ୍ଟରେଟର ଅଧ୍ୟୟନ ମଧ୍ୟ କରିଛନ୍ତି । ଡେଲି ଷ୍ଟାର ରିପୋର୍ଟ ଅନୁଯାୟୀ, ୟୁରୋପୀୟ ସ୍ପେସ୍ ଏଜେନ୍ସି ରୋଜିଲାଣ୍ଡ ଫ୍ରାଙ୍କଲିନ୍ ରୋବର ଆସନ୍ତା ବର୍ଷ ଠାରୁ ମଙ୍ଗଳ ଗ୍ରହରେ ଖନନ କାର୍ଯ୍ୟ ଆରମ୍ଭ କରିବେ, ଯାହାଫଳରେ ସେଠାରେ ଜୀବାଶ୍ମ ଆବିଷ୍କୃତ ହୋଇପାରିବ ।
ଏହା ବି ପଢ଼ନ୍ତୁ:-ଶୀତଳ ଯୁଦ୍ଧକୁ ନେଇ ଆମେରିକାକୁ ଧମକ ଦେଲା ଚୀନ, ଜାଣନ୍ତୁ କହିଲା ଡ୍ରାଗନ୍
ଡକ୍ଟର ଡେଭିସନଙ୍କ ବହି ଏଷ୍ଟ୍ରୋବାୟୋଲୋଜି ଆଣ୍ଡ କ୍ରିଶ୍ଚିୟନ ଡାକ୍ଟ୍ରିନରେ ପ୍ରଶ୍ନ ଉଠାଯାଇଛି ଯେ କ'ଣ ଭଗବାନ ବ୍ରହ୍ମାଣ୍ଡରେ ଅନ୍ୟ କେଉଁଠି ଜୀବନ ସୃଷ୍ଟି କରିପାରିଥାନ୍ତେ? ସେ ଏହି ବିଷୟରେ ଉପରେ ମଧ୍ୟ ଆଲୋଚନା କରିଛନ୍ତି ଯେ ଯେତେବେଳେ ଆକାଶ ଗଙ୍ଗାରେ ୧୦୦ ବିଲିୟନରୁ ଅଧିକ ତାରା ଓ ବ୍ରହ୍ମାଣ୍ଡରେ ଶହ ଶହ କୋଟି ଗ୍ୟାଲେକ୍ସି ଅଛି, ତେବେ ଜୀବନ କେବଳ ପୃଥିବୀ ବ୍ୟତୀତ ଅନ୍ୟ କେଉଁଠାରେ କାହିଁକି ହୋଇପାରିବ ନାହିଁ? ଏହି ଜିନିଷଗୁଡ଼ିକୁ ଆଧାର ଭାବରେ ବିଚାର କରି ନାସା ବର୍ତ୍ତମାନ ଏଲିଏନମାନଙ୍କୁ ଖୋଜିବା ଓ ଯୋଗାଯୋଗ କରିବା ପାଇଁ ମିଶନରେ ଲାଗିଛି ।
)