 "TIKTOK ବ୍ୟାନ୍ ପାଇଁ ବଢୁଛି ଡିମାଣ୍ଡ; ସାମାଜିକ ବିଭେଦତାର କାରଣ ପାଲଟିଛି ଚାଇନିଜ ଆପ୍")
ଶୁଭଶ୍ରୀ ମହାପାତ୍ର, ଭୁବନେଶ୍ୱର: TIKTOK, ଛୋଟ ଛୋଟ ଭିଡିଓ Shareର ସୁବିଧା ରହିଛି ଏହି ଆପରେ । ବିଭିନ୍ନ ପ୍ରକାର କ୍ରିଏଟିଭିଟି ଜରିଆରେ ଲୋକଙ୍କୁ ପାଖକୁ ପହଞ୍ଚିବାର ପ୍ଲାଟଫର୍ମ ଦେଇଛି ଏହି ଚାଇନା App । ଏପ୍ରିଲ ମାସ ଶେଷ ସପ୍ତାହ ସୁଦ୍ଧା, ବିଶ୍ୱରେ ୨ ବିଲିଅନରୁ ଅଧିକ ୟୁଜର୍ସ TIKTOK ଆପ ବ୍ୟବହାର କରୁଥିବା ସର୍ଭେରୁ ଜଣାପଡ଼ିଛି । Covid-19 ଭଳି ମହାମାରୀ ପରେ ଚୀନରୁ ପ୍ରସ୍ତୁତ କୌଣସି ବି ସାମଗ୍ରୀ ବ୍ୟବହାର ସପକ୍ଷରେ ନାହାଁନ୍ତି ଅନେକ ରାଷ୍ଟ୍ର । ଚୀନର ByteDance କମ୍ପାନୀର ଏହି ଆପ୍ ପ୍ରାଇଭେସିକୁ ସୁରକ୍ଷିତ ରଖିପାରୁ ନ ଥିବା ଅନେକ ଦେଶ ଅଭିଯୋଗ କରିଛନ୍ତି । କିନ୍ତୁ ଭାରତରେ TIKTOK APP ବ୍ୟାନ୍ କରିବା ପାଇଁ ଆସୁଥିବା ମତର ଅନ୍ୟ କିଛି କାରଣ ରହିଛି । ଟ୍ୱିଟର ୟୁଜର୍ସ ଲଗାତାର ଦାବି କରିଆସୁଛନ୍ତି ଯେ, ଭାରତରେ ଚାଇନିଜ୍ ଆପକୁ ବ୍ୟାନ କରାଯାଉ । କାରଣ ମନୋରଞ୍ଜନ ପରିବର୍ତ୍ତେ ଏବେ ଟିକଟକରେ Acid Attackକୁ ପ୍ରମୋଟ କରୁଥିବା ଭଳି ଭିଡ଼ିଓ ଦେଖିବାକୁ ମିଳିଛି । କେବଳ ଟିକଟକ୍ ନୁହେଁ, ଏହି ଭିଡିଓ ଏବେ Twitterରେ ମଧ୍ୟ ଭାଇରାଲ୍ ହୋଇଛି ।
ସୋମବାର ଠାରୁ # Ban TiktokinIndia ଟ୍ୱିଟରରେ ଟ୍ରେଣ୍ଡ କରୁଛି । ଘଟଣାର ଭୟାଭହତା ଉପଲବ୍ଧି କରି ରାଷ୍ଟ୍ରୀୟ ମହିଳା ଆୟୋଗ( NCW) TIKTOKକୁ ଏକ ଚିଠି ଲେଖିଛନ୍ତି ।
ବିବାଦୀୟ Videoକୁ ନେଇ ହଙ୍ଗାମା: ମହମାରୀ କୋରୋନାର ସୁଯୋଗ ନେଇ ଅନେକ ୟୁଜର୍ସ ଟିକଟକରେ ଗୁଜବ ପ୍ରଚାର କରୁଛନ୍ତି । ନିକଟରେ ଦେଖିବାକୁ ମିଳିଥିଲା ଯେ, ନିର୍ଦ୍ଦିଷ୍ଟ ଧର୍ମ ବା ସମ୍ପ୍ରଦାୟ ହୋଇଥିବା କାରଣରୁ ସମ୍ପୃକ୍ତ ଗୋଷ୍ଠୀକୁ କୋରୋନାର ଭୟ ନଥିବା ଯୁକ୍ତି ଦେଖିବାକୁ ମିଳିଥିଲା । ଏଭଳି ବିଭ୍ରାନ୍ତିକର ମତ ରଖୁଥିବା ୟୁଜର୍ସ ଓ ଟିକଟକକୁ ପ୍ରବଳ ବିରୋଧ କରାଯାଇଥିଲା ।
ଏଭଳି ଘଟଣା ଥମି ନ ଥିବା ବେଳେ ପୁଣି ଟିକଟକରେ ଦେଖିବାକୁ ମିଳିଛି ଅଭାବନୀୟ ଦୃଶ୍ୟ । ଏସିଡ଼୍ ଆଟାକକୁ ୨ଜଣ ପୁଅ, ଝିଅ ପ୍ରମୋଟ କରୁଛନ୍ତି । କେବଳ ଏତିକି ନୁହେଁ, Rape କଲଚରକୁ ମଧ୍ୟ ପ୍ରମୋଟ କରୁଥିବା ଦୃଶ୍ୟ ଦେଖିବାକୁ ମିଳିଛି TIKTOKରେ । ଚୀନ ବିରୋଧରେ ଜାରି କରାଯାଉଥିବା କଣ୍ଟେଟକୁ ମଧ୍ୟ ସେନସର କରିଦିଆଯାଉଥିବା ଅଭିଯୋଗ TIKTOK ନାଁରେ ରହିଛି । କିଛି ଲୋକଙ୍କ ଅଭିଯୋଗ ରହିଛି ଯେ, Tiktok ଜରିଆରେ ଭାରତରେ ‘ଲଭ୍ ଜିହାଦ’କୁ ପ୍ରୋତ୍ସାହନ ଦିଆଯାଉଛି ।
#Ban TiktokinIndiaକୁ ନେଇ ୟୁଜର୍ସଙ୍କ ମତ:
ଟ୍ୱିଟର ୟୁଜର୍ସ ଭାରତରେ ଟିକଟକ୍ ବ୍ୟାନ କରିବା ସପକ୍ଷରେ ବାହାରିଛନ୍ତି । ଗୁଗୁଲ ପ୍ଲେ ଷ୍ଟୋରରେ Appର ରେଟିଂ ସୋମବାର ୩.୭ ଥିଲା । ଖୁବଶୀଘ୍ର Appକୁ ଅନ ଇନଷ୍ଟଲ କରିବା ସହିତ ବ୍ୟାନ କରିବା ପାଇଁ ଦାବି କରାଯାଇଛି । ଆପତ୍ତିଜନକ ଭିଡ଼ିଓ ସେୟାର ଉପରେ ତୁରନ୍ତ ରୋକ୍ ଲଗାଇବାକୁ ଦାବି ହୋଇଛି ।
ଦୃଢ କାର୍ଯ୍ୟାନୁଷ୍ଠାନ ପାଇଁ NCW(ରାଷ୍ଟ୍ରୀୟ ମହିଳା ଆୟୋଗ)ର ଦାବି:
NCW ମୁଖ୍ୟ ରେଖା ଶର୍ମାଙ୍କ କହିବା କଥା ହେଲା, ସୋସିଆଲ୍ ମିଡିଆରେ ଏଭଳି ଏକ ପୋଷ୍ଟ କରାଯାଇଛି, ଯାହା ଏସିଡ୍ ଆଟାକକୁ ପ୍ରମୋଟ କରୁଛି । ଫୈଜଲ ସିଦ୍ଦକୀ ନାମକ ଯୁବକ ଏଭଳି ଭିଡିଓ ପୋଷ୍ଟ କରିଛନ୍ତି । ଘଟଣା ନଜର ଆସିବା ମାତ୍ରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ମହାରାଷ୍ଟ୍ର ପୋଲିସ୍ ମହାନିର୍ଦ୍ଦେଶକଙ୍କୁ ଚିଠି ଜରିଆରେ ଅନୁରୋଧ କରିଛି । ସମ୍ପୃକ୍ତ ଯୁବକର ଆଇଡି ବ୍ଲକ ପାଇଁ ମଧ୍ୟ କହିଛି । ଭବିଷ୍ୟତରେ ମହିଳା ବିରୋଧୀ ହିଂସା ଉପୁଜାଉଥିବା ଅନୁଷ୍ଠାନ ଓ ବ୍ୟକ୍ତି ବିଶେଷଙ୍କୁ କ୍ଷମା ଦିଆଯିବ ନାହିଁ ବଲି ଶ୍ରୀମତୀ ଶର୍ମା କହିଛନ୍ତି ।
)