କର୍ଣ୍ଣାଟକକୁ ପ୍ରବେଶ ପୂର୍ବରୁ Covid ନେଗେଟିଭ ରିପୋର୍ଟ ବାଧ୍ୟତାମୂଳକ

ବେଙ୍ଗାଲୁରୁ: ଦେଶରେ ପୁଣିଥରେ ତାଣ୍ଡବ କଲାଣି କୋରୋନା ଭୂତାଣୁ । ଦିନକୁ ଦିନ ଭାଇରସ ମାମଲା ବଢିଥିବା ବେଳେ ପରିସ୍ଥିତିକୁ ଦୃଷ୍ଟିରେ ରଖି କର୍ଣ୍ଣାଟକ ସରକାର ପୁଣିଥରେ କଟକଣା ଲାଗୁ କରିବା ଆରମ୍ଭ କରିଛନ୍ତି। ଏହି କ୍ରମରେ, ଅନ୍ୟ ରାଜ୍ୟରୁ ବେଙ୍ଗାଲୁରୁକୁ ଆସୁଥିବା ଲୋକଙ୍କ ପାଇଁ କଟକଣା ଜାରି କରାଯାଇଛି । କୋରୋନା ଭାଇରସର RT-PCR ପରୀକ୍ଷାରେ ନେଗେଟିଭ୍ ରିପୋର୍ଟ ସାଥୀରେ ଆଣିକି ଆସିବା ରାଜ୍ୟ ସରକାର ବାଧ୍ୟତାମୂଳକ କରିଛନ୍ତି । କର୍ଣ୍ଣାଟକ ସ୍ବାସ୍ଥ୍ୟମନ୍ତ୍ରୀ ଏହି ନିର୍ଦ୍ଦେଶନାମା ଜାରି କରିଛନ୍ତି ।

କୋରୋନା ସଂକ୍ରମଣ (Corona Pandemic) କୁ ରୋକିବା ପାଇଁ କର୍ଣ୍ଣାଟକ ସରକାର ଏହି ନିଷ୍ପତ୍ତି ନେଇଛନ୍ତି। ଏହି ନିର୍ଦ୍ଦେଶ ଏପ୍ରିଲ ୧, ୨୦୨୧ ରୁ କାର୍ଯ୍ୟକାରୀ ହେବାକୁ ଯାଉଛି। କର୍ଣ୍ଣାଟକର ସ୍ୱାସ୍ଥ୍ୟ ଓ ଚିକିତ୍ସା ଶିକ୍ଷାମନ୍ତ୍ରୀ ବେଙ୍ଗାଲୁରୁ ମହାନଗର ପାଳିକା BBMP ର ଅଧିକାରୀଙ୍କ ସହ ଆଲୋଚନା କରିବା ପରେ ସ୍ୱାସ୍ଥ୍ୟମନ୍ତ୍ରୀ କେ. ସୁଧାକର କହିଛନ୍ତି ଯେ, 'ବେଙ୍ଗାଲୁରୁରେ ୬୦% ରୁ ଅଧିକ ମାମଲା ଅନ୍ୟ ରାଜ୍ୟରୁ ଆସୁଥିବା ଲୋକଙ୍କଠାରୁ ଆସିଛି। ଏହାକୁ ଦୃଷ୍ଟିରେ ରଖି କୋରୋନାର ନେଗେଟିଭ୍ ରିପୋର୍ଟ (Corona Negative Report)କୁ ବାଧ୍ୟତାମୂଳକ କରାଯାଇଛି।

Also Read:  ଆସନ୍ତାକାଲି ଠାରୁ ଏପ୍ରିଲ ୪ ଯାଏ ବ୍ୟାଙ୍କରେ ଝୁଲିବ ତାଲା

ବେଙ୍ଗାଲୁରୁ (Bengaluru) ରେ ଗୁରୁବାର ଦିନ ୧୪୦୦ ନୂତନ ମାମଲା ପଞ୍ଜିକୃତ ହୋଇଛି, ଯାହା ଗତ ଚାରି ମାସ ମଧ୍ୟରେ ଏହା ଗୋଟିଏ ଦିନରେ ସର୍ବାଧିକ। କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ତଥ୍ୟ ଅନୁଯାୟୀ, କର୍ଣ୍ଣାଟକ (Karnatak) ରେ କୋରୋନା ଭାଇରସରେ ୯ ଲକ୍ଷ୭୮ ହଜାର ୪୭୮ ଜଣ ଲୋକ ସଂକ୍ରମିତ ହୋଇଛନ୍ତି, ସେଥିମଧ୍ୟରୁ ୧୨ ହଜାର ୪୭୧ ଜଣ ଲୋକ ପ୍ରାଣ ହରାଇଛନ୍ତି। ଏପର୍ଯ୍ୟନ୍ତ କର୍ଣ୍ଣାଟକରେ ୯ ଲକ୍ଷ ୪୭ ହଜାର ୭୮୧ ଜଣ ଲୋକ ଆରୋଗ୍ୟ ଲାଭ କରିଛନ୍ତି ଏବଂ ରାଜ୍ୟରେ ଏବେ ସୁଦ୍ଧା ୧୮ ହଜାର ୨୨୬ ଟି ସକ୍ରିୟ ମାମଲା ରହିଛି।

Also Read: ଦିନସାରା ସତେଜ ରହିବାକୁ ହେଲେ ଖାଲି ପେଟରେ ସେବନ କରନ୍ତୁ ଏସବୁ ଜିନିଷ

ଏହି ରାଜ୍ୟରେ, ଘରେ ଆୟୋଜିତ ହେଉଥିବା କାର୍ଯ୍ୟକ୍ରମରେ ୨୦୦ ଲୋକଙ୍କୁ ଅନୁମତି ଦିଆଯାଇଛି । ସେହିପରି ବାହାରେ ଆୟୋଜିତ ହେଉଥିବା କାର୍ଯ୍ୟକ୍ରମ ପାଇଁ ୫୦୦ ଲୋକଙ୍କ ଉପସ୍ଥିତିକୁ ଅନୁମତି ଦିଆଯାଇଛି। ବେଙ୍ଗାଲୁରୁ ସହରର ପ୍ରତ୍ୟେକ ୱାର୍ଡକୁ ଆମ୍ବୁଲାନ୍ସ ଯୋଗାଇ ଦିଆଯାଇଛି। ସକ୍ରିୟ ମାମଲା ସଂଖ୍ୟା ଉପରେ ନିର୍ଭର କରି ଅଧିକ ଆମ୍ବୁଲାନ୍ସ (Ambulance)ଉପଲବ୍ଧ ହେବ ବୋଲି ଜଣାପଡ଼ିଛି।