ପିଏମ ମୋଦିଙ୍କୁ ନେଇ ଏମିତି କିଛି କହିଲେ ମମତା

କୋଲକାତା: ସଙ୍କଟ ସମୟରେ ପଶ୍ଚିମବଙ୍ଗରେ ବିରୋଧୀ ବିଜେପି ରାଜନୀତି କରୁଛି ବୋଲି ଅଭିଯୋଗ କରିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ । ଯେଉଁ ସମୟରେ ରାଜ୍ୟ କୋରୋନୋ ଭାଇରସ ସଙ୍କଟ ଓ ବାତ୍ୟା ଅମ୍ଫାନର ବିନାଶକୁ ନେଇ ମୁକାବିଲା କରୁଛି । ସେହି ସମୟରେ ବିଜେପି ରାଜନୀତି କରିବାରେ ଲାଗିଛି ବୋଲି ଶୁକ୍ରବାର ମମତା କହିଛନ୍ତି । ସେ କହିଛନ୍ତି ଯେ, ମୋତେ ବାସ୍ତବରେ ଖରାପ ଲାଗୁଛି । ଯେତେବେଳେ ଆମେ କୋଭିଡ-19 ଓ ଅମ୍ଫାନ୍ ବିରୋଧରେ ଲଢ଼ାଇ ଜାରି ରଖିଛୁ ।  ଏବଂ ଜୀବନ ବଞ୍ଚାଇବା ପାଇଁ କାର୍ଯ୍ୟ କରୁଛୁ । କିନ୍ତୁ କିଛି ରାଜନୈତିକ ଦଳ ଆମକୁ ହଟାଇବାକୁ କହୁଛନ୍ତି । ମୁଁ କଦାପି କହି ନାହିଁ ଯେ ପ୍ରଧାନମନ୍ତ୍ରୀ  ମୋଦିଙ୍କୁ ଦିଲ୍ଲୀରୁ ହଟାନ୍ତୁ ଦିଆଯାଉ । କଣ ଏହା ରାଜନୀତିରେ ପ୍ରବେଶ କରିବାର ସମୟ ଆସିଛି କି ? ଗତ ତିନିମାସ ଧରି ସେମାନେ କେଉଁଠାରେ ଥିଲେ ? ଆମେ ଭୂମିରେ କାମ କରୁଥିଲୁ । ବଙ୍ଗଳା ଉଭୟ କୋଭିଡ ଏବଂ ଷଡଯନ୍ତ୍ର ବିରୁଦ୍ଧରେ ଜିତିବ ବୋଲି ବିଶ୍ୱ ପରିବେଶ ଦିବସ ଅବସରରେ ଏକ କାର୍ଯ୍ୟକ୍ରମରେ ସେ ଏହା କହିଛନ୍ତି ।

ସରକାରୀ କର୍ମଚାରୀ ତଥା ପେନ୍‌ସନ୍‌ଭୋଗୀଙ୍କୁ ଠିକ୍ ସମୟରେ ଦେୟ ପ୍ରଦାନ ଏବଂ ଘୂର୍ଣ୍ଣିବଳୟ ଦ୍ୱାରା ପ୍ରଭାବିତ ଲୋକଙ୍କୁ ସାହାଯ୍ୟ କରିବା ଭଳି ରାଜ୍ୟ ସମ୍ମୁଖୀନ ହେଉଥିବା ଆହ୍ୱାନଗୁଡ଼ିକୁ ମୁଖ୍ୟମନ୍ତ୍ରୀ ତାଲିକାଭୁକ୍ତ କରିଛନ୍ତି । ସେ କହିଛନ୍ତି ଯେ, ପୂର୍ବରୁ ୨୫ ଲକ୍ଷ ଚାଷୀ କ୍ଷତି ସହିଛନ୍ତି । ୫ ଲକ୍ଷ ପରିବାର ଘର ହରାଇଛନ୍ତି ।

ସିଏମ୍ ମମତା ବାନାର୍ଜୀଙ୍କ ପ୍ରତିକ୍ରିୟା ବଙ୍ଗଳା ବିଜେପି ୟୁନିଟ୍ ରାଜ୍ୟ ସରକାରଙ୍କ ଦାବି ଉପରେ ପ୍ରଶ୍ନ କରିବା ପରେ ଆସିଛି । ଯେଉଥିରେ ରାଜ୍ୟ ସରକାର ବାତ୍ୟା ଅମ୍ଫାନ୍ ଯୋଗୁଁ ୧ ଲକ୍ଷ କୋଟି ଟଙ୍କା କ୍ଷତି ହେବାର କଥା କୁହାଯାଇଛି ।  ବିଜେପି ଅଭିଯୋଗ କରିଛି ଯେ ରାଜ୍ୟ ସରକାର ଏଭଳି କଥା ଟଙ୍କା ଆୟ କରିବା ପାଇଁ କହୁଛନ୍ତି ।

Add Zee News as a Preferred Source