ଦିଲ୍ଲୀରେ ମଦ ବିକ୍ରି ପାଇଁ କେଜ୍ରିୱାଲ ସରକାରଙ୍କ ନୂଆ ବ୍ୟବସ୍ଥା, ଏବେ ମିଳିବ ଅନଲାଇନ୍ ଟୋକନ

ନୂଆଦିଲ୍ଲୀ: ଦେଶରେ ଚାଲିଥିବା ଲକଡାଉନ୍ ମଧ୍ୟରେ ମଦ ଦୋକୋନା ଖୋଲିବାକୁ ଅନୁମତି ମିଳିଛି । କିନ୍ତୁ ଏହି ସମୟରେ ମଦ ଦୋକାନ ଆଗରେ ଲୋକଙ୍କ ଭିଡ଼ ଜମା ହେଉଥିବାର ଦେଖିବାକୁ ମିଳିଛି । ବିଶେଷକରି ଦିଲ୍ଲୀର ବିଭିନ୍ନ ସ୍ଥାନର ମଦ ଦୋକାନ ଆଗରେ ଭିଡ଼ ଜମିଥିବାର ଦେଖିବାକୁ ମିଳିଛୁ । ଏହି ସମୟରେ ଲୋକମାନେ ଲକଡାଉନ ଓ ସାମାଜିକ ଦୂରତା ନିୟମକୁ ଅଣଦେଖା କରୁଛନ୍ତି । ଯାହା ସରକାରଙ୍କ ପାଇଁ ଚିନ୍ତାର କାରଣ ପାଲଟିଛି । ଫଳରେ ମଦ ଦୋକାନ ଆଗରେ ଭିଡ଼କୁ ନିୟନ୍ତ୍ରଣ କରିବା ପାଇଁ  କେଜ୍ରିୱାଲ ସରକାର ଏକ ନୂଆ ଉପାୟ ଖୋଜିଛନ୍ତି । ବର୍ତ୍ତମାନ ଦିଲ୍ଲୀର ଲୋକମାନେ ଅନଲାଇନ୍ ଟୋକନ ନିଶ୍ଚିତ କରି ଦୋକାନରେ ମଦ କିଣିବାକୁ ଆସିପାରିବେ ।

ମଦ ଦୋକାନଗୁଡିକରେ ଲାଗିଥିବା ଭିଡ଼କୁ ଦୃଷ୍ଟିରେ ରଖି ସରକାର ଏହି ବ୍ୟବସ୍ଥା ଗ୍ରହଣ କରିଛନ୍ତି । ଯାହାଫଳରେ ଦୋକାନଗୁଡିକରେ ନିୟମ ଅନୁଯାୟୀ ସାମାଜିକ ଦୂରତା ଅନୁସରଣ କରାଯାଇପାରିବ । ଏଥିପାଇଁ ସରକାର ଏକ ୱେବ୍ ଲିଙ୍କ୍ ଜାରି କରିଛନ୍ତି । ଏହି ଲିଙ୍କ୍ କ୍ଲିକ କରି ଯେକେହି ମଦ କିଣିବାକୁ ଚାହୁଁଛନ୍ତି । ସେମାନେ ନିଜ ସୂଚନା ପୂରଣ କରି ମଦ କିଣିବାକୁ ସମୟ ନେଇପାରିବେ। ତାଙ୍କ ମୋବାଇଲକୁ ଏକ ଇ-କୁପନ ପଠାଯିବ । 

କେନ୍ଦ୍ର ସରକାରଙ୍କ ନିର୍ଦ୍ଦେଶାବଳୀ ଅନୁଯାୟୀ, ସୋମବାର ଠାରୁ ଦିଲ୍ଲୀରେ ଅବସ୍ଥିତ ପ୍ରାୟ ୨୦୦ ମଦ ଦୋକାନ ଖୋଲିବାକୁ ଅନୁମତି ଦେଇଥିଲେ କେଜ୍ରିୱାଲ ସରକାର । କିନ୍ତୁ ଦୋକାନ ଖୋଲିବା ପରେ କେତେକ ସ୍ଥାନରେ ସାମାଜିକ ଦୂରତାକୁ ପାଳନ ନକରିବା ଏବଂ ବହୁ ଜନସମାଗମ ହେବାର ଅଭିଯୋଗ ହୋଇଥିଲା । ଫଳରେ ପ୍ରାୟ ୫୦ଟି ମଦ ଦୋକାନ ହିଁ ଖୋଲିଥିଲା । ଏହି ସମସ୍ୟାର ସମାଧାନକୁ ଦୃଷ୍ଟିରେ ରଖି ଦିଲ୍ଲୀ ସରକାର ଇ-କୁପନ ସିଷ୍ଟମ ମାଧ୍ୟମରେ ମଦ ବିକ୍ରି କରିବାକୁ ନିଷ୍ପତ୍ତି ନେଇଛନ୍ତି । ଯାହାଫଳରେ ଦୋକାନଗୁଡିକରେ ସାମାଜିକ ଦୂରତା ଅନୁସରଣ କରାଯାଇପାରିବ । ଆଉ କୋରୋନା ବିସ୍ତାରକୁ ରୋକାଯାଇପାରିବ । ତେଣୁ ଦିଲ୍ଲୀ ସରକାର https://www.qtoken.in ଏକ ୱେବ୍ ଲିଙ୍କ୍ ଜାରି କରିଛନ୍ତି । ଯଦି ଆପଣ ମଦ କିଣିବାକୁ ଚାହାଁନ୍ତି । ତେବେ ଆପଣ ଏହି ୱେବ୍ ଲିଙ୍କକୁ କ୍ଲିକ କରି ଦୋକାନକୁ ମଦ କିଣିବାକୁ ସମୟ ନେଇପାରିବେ । ଦୋକାନକୁ ଯିବା ପୂର୍ବରୁ ଆପଣଙ୍କ ମୋବାଇଲକୁ ଏକ ଇ-କୁପନ୍ ପଠାଯିବ । ନିର୍ଦ୍ଧାରିତ ସମୟ ମଧ୍ୟରେ ଆପଣ ଦୋକାନକୁ ଯିବେ ଓ ମଦ କିଣିବା ପାଇଁ ଆପଣଙ୍କୁ ଲମ୍ବା ଲାଇନରେ ଛିଡ଼ା ହେବାକୁ ପଡିବ ନାହିଁ ।