ସରକାରୀ କର୍ମଚାରୀଙ୍କୁ ମିଳିବ ୩୦୦ ଦିନର Earned Leave! ଜାଣନ୍ତୁ କେବେଠୁ ହେବ ଲାଗୁ

ନୂଆଦିଲ୍ଲୀ: New Wage Code: ନୂତନ ବେତନ ସଂହିତା (New Wage Code) ନେଇ ବହୁତ ଚର୍ଚ୍ଚା ଚାଲିଛି । ଏହାପୂର୍ବରୁ ଏହା ଅକ୍ଟୋବର ୧ରୁ କାର୍ଯ୍ୟକାରୀ ହେବାର ଥିଲା । କିନ୍ତୁ କିଛି ରାଜ୍ୟ ସରକାରଙ୍କ କାରଣରୁ ଏହା କାର୍ଯ୍ୟକାରୀ ହୋଇପାରି ନାହିଁ । ବର୍ତ୍ତମାନ ଏହି ନିୟମ ଆଗାମୀ ବର୍ଷ ଅର୍ଥାତ ୨୦୨୨ ରେ ଲାଗୁ କରାଯାଇପାରେ । ଏହି ଅବଧି ସୁଦ୍ଧା ସମସ୍ତ ରାଜ୍ୟ ମଧ୍ୟ ସେମାନଙ୍କର ଡ୍ରାଫ୍ଟ ନିୟମ ପ୍ରସ୍ତୁତ କରିବେ । ଏହା ଅଧୀନରେ କର୍ମଚାରୀଙ୍କ ଦରମା, ଛୁଟିଦିନ ଇତ୍ୟାଦିରେ ପରିବର୍ତ୍ତନ ଆସିବ । ଆସନ୍ତୁ ଜାଣିବା ଏହା ବିଷୟରେ ସବୁକିଛି...

୧. ବର୍ଷର ଛୁଟିଦିନ ବୃଦ୍ଧି ଘଟି ୩୦୦ ହେବ 

କର୍ମଚାରୀଙ୍କ ଅର୍ଜିତ ଛୁଟି (Earned Leave) ୨୪୦ରୁ ୩୦୦କୁ ବୃଦ୍ଧି କରାଯାଇପାରେ । ଶ୍ରମ ମନ୍ତ୍ରଣାଳୟ, ଶ୍ରମ ୟୁନିଅନ୍ ଏବଂ ଶିଳ୍ପ ପ୍ରତିନିଧୀଙ୍କ ମଧ୍ୟରେ ଶ୍ରମ ସଂହିତା ନିୟମର ପରିବର୍ତ୍ତନ ବିଷୟରେ ଅନେକ ବ୍ୟବସ୍ଥା ଉପରେ ଆଲୋଚନା କରାଯାଇଥିଲା । ଯେଉଁଥିରେ କର୍ମଚାରୀଙ୍କ ଅର୍ଜିତ ଛୁଟି ୨୪୦ରୁ ୩୦୦କୁ ବୃଦ୍ଧି କରିବାକୁ ଦାବି କରାଯାଇଥିଲା ।

୨. ବଦଳିବ ସେଲରୀ ଷ୍ଟ୍ରକ୍ଚର

ନୂତନ ବେତନ ସଂହିତା ବିଧେୟକ (new wage code) ଅନୁଯାୟୀ, କର୍ମଚାରୀଙ୍କ ବେତନ ସଂରଚନାରେ ପରିବର୍ତ୍ତନ ଆସିବ । ତା’ହେଲେ ଆପଣଙ୍କର ମୂଳ ଦରମା ଆପଣଙ୍କ ମୋଟ ବେତନର ୫୦ ପ୍ରତିଶତ କିମ୍ବା ଅଧିକ ହେବ । ଅର୍ଥାତ୍ ଆପଣଙ୍କ ଭତ୍ତା ଆପଣଙ୍କ ବେତନର ୫୦ ପ୍ରତିଶତରୁ ଅଧିକ ହେବ ନାହିଁ । ଏହାର ସ୍ପଷ୍ଟ ପ୍ରଭାବ ଆପଣଙ୍କ ମାସିକ ଦରମା ଉପରେ ପଡ଼ିବ ଯାହା ଆପଣଙ୍କ ହାତରେ ଆସେ । ଅର୍ଥାତ୍ ଆପଣଙ୍କର ଟେକ୍ ହୋମ୍ ସେଲରୀ (Take Home Salary) ହ୍ରାସ ପାଇବ । କିନ୍ତୁ PF ଓ ଗ୍ରାଚ୍ୟୁଇଟିର ଯୋଗଦାନ ବୃଦ୍ଧି ପାଇବ । ଯେଉଁଥିପାଇଁ ଆପଣଙ୍କୁ ଲମ୍ୱା ଅବଧିରେ ଅଧିକ ଟଙ୍କା ମିଳିବ ।

୩. ନୂତନ ମଜୁରୀ କୋଡ଼ରେ କ'ଣ ରହିଛି ଖାସ୍?

ନୂତନ ବେତନ ସଂହିତାରେ ଏହିପରି ଅନେକ ବ୍ୟବସ୍ଥା ଦିଆଯାଇଛି, ଯାହା ଅଫିସରେ କାର୍ଯ୍ୟ କରୁଥିବା ବେତନ ପ୍ରାପ୍ତ ଶ୍ରେଣୀ, ମିଲ୍ ଏବଂ କାରଖାନାରେ କାର୍ଯ୍ୟ କରୁଥିବା ଶ୍ରମିକଙ୍କୁ ମଧ୍ୟ ପ୍ରଭାବିତ କରିବ । କର୍ମଚାରୀଙ୍କ ଦରମା ଠାରୁ ଆରମ୍ଭ କରି ଛୁଟିଦିନ ଓ କାର୍ଯ୍ୟ ସମୟ ମଧ୍ୟ ବଦଳିଯିବ । ଆସନ୍ତୁ ଜାଣିବା ନୂତନ ମଜୁରୀ ସଂହିତାର କିଛି ବ୍ୟବସ୍ଥା ଯାହା କାର୍ଯ୍ୟକାରୀ ହେବା ପରେ ଆପଣଙ୍କ ଜୀବନ ବହୁତ ବଦଳିଯିବ  ।

୪. କଟିବ ଭତ୍ତା 

କୌଣସି କର୍ମଚାରୀଙ୍କ Cost-to-company (CTC) ରେ ତିନିରୁ ଚାରିଟି ଉପାଦାନ ରହିଥାଏ । ମୌଳିକ ବେତନ, ହାଉସ୍ ଭଡା ଭତ୍ତା (HRA), PF ପରି ଅବସର ସୁବିଧା, ଗ୍ରାଚ୍ୟୁଇଟି, ପେନସନ୍, ଟ୍ୟାକ୍ସ ସଞ୍ଚୟ କରୁଥିବା ଭତ୍ତା ଯେପରି LTA ଓ ମନୋରଞ୍ଜନ ଭତ୍ତା । ବର୍ତ୍ତମାନ ନୂତନ ବେତନ ସଂହିତାରେ ନିଷ୍ପତ୍ତି ନିଆଯାଇଛି ଯେ ଭତ୍ତା କୌଣସି ମୂଲ୍ୟରେ ମୋଟ ବେତନର 50% ରୁ ଅଧିକ ହୋଇପାରିବ ନାହିଁ । ଏପରି ପରିସ୍ଥିତିରେ, ଯଦି ଜଣେ କର୍ମଚାରୀଙ୍କ ଦରମା ମାସକୁ ୫୦,୦୦୦ ଟଙ୍କା ଅଟେ । ତେବେ ତାଙ୍କର ମୌଳିକ ଦରମା ୨୫,୦୦୦ ଟଙ୍କା ଓ ଅବଶିଷ୍ଟ ୨୫,୦୦୦ ଟଙ୍କା ଭତ୍ତା ଆସିବା ଆବଶ୍ୟକ । ଅର୍ଥାତ ବର୍ତ୍ତମାନ ପର୍ଯ୍ୟନ୍ତ ଯେଉଁ କମ୍ପାନୀଗୁଡିକ ମୌଳିକ ବେତନକୁ ୨୫-୩୦ ପ୍ରତିଶତରେ ରଖୁଥିଲେ ଏବଂ ଅବଶିଷ୍ଟ ଅଂଶ ଭତ୍ତା ଥିଲା, ସେମାନେ ଆଉ ମୌଳିକ ବେତନକୁ ୫୦ ପ୍ରତିଶତରୁ କମ୍ ରଖିପାରିବେ ନାହିଁ । ଏଭଳି ପରିସ୍ଥିତିରେ କମ୍ପାନୀମାନଙ୍କୁ ନୂତନ ମଜୁରୀ କୋଡର ନିୟମ ଲାଗୁ କରିବା ପାଇଁ ଅନେକ ଭତ୍ତା ମଧ୍ୟ କାଟିବାକୁ ପଡ଼ିବ ।

୫. କାର୍ଯ୍ୟ ସମୟ ବଢ଼ିବ ଓ ସାପ୍ତାହିକ ଛୁଟି ମଧ୍ୟ ବୃଦ୍ଧି ପାଇବ 

ପ୍ରାପ୍ତ ସୂଚନା ଅନୁଯାୟୀ, ନୂତନ ବେତନ ସଂହିତା ଅନୁଯାୟୀ କାର୍ଯ୍ୟ ସମୟ ୧୨ ଘଣ୍ଟାକୁ ବୃଦ୍ଧି ପାଇବ । ଶ୍ରମ ଓ ରୋଜଗାର ମନ୍ତ୍ରଣାଳୟ କହିଛି ଯେ ପ୍ରସ୍ତାବିତ ଶ୍ରମ ସଂହିତା ଅନୁଯାୟୀ କୁହାଯାଇଛି ଯେ ଗୋଟିଏ ସପ୍ତାହରେ ୪୮ ଘଣ୍ଟା କାମ କରିବାର ନିୟମ ପ୍ରଯୁଜ୍ୟ ହେବ, ବାସ୍ତବରେ କିଛି ୟୁନିଅନ ୧୨ ଘଣ୍ଟା କାମ ଓ ୩ ଦିନ ଛୁଟି ନିୟମ ଉପରେ ପ୍ରଶ୍ନ ଉଠାଇ ଥିଲେ । ସରକାର ଏହା ଉପରେ ସ୍ପଷ୍ଟୀକରଣ ଦେଇ କହିଛନ୍ତି ଯେ ସପ୍ତାହରେ ୪୮ ଘଣ୍ଟା କାମ କରିବାର ନିୟମ ରହିବ । ଯଦି କେହି ଦିନକୁ ୮ ଘଣ୍ଟା କାମ କରନ୍ତି, ତେବେ ତାଙ୍କୁ ସପ୍ତାହରେ ୬ ଦିନ କାମ କରିବାକୁ ପଡିବ ଏବଂ ଗୋଟିଏ ଦିନ ଛୁଟି ମିଳିବ । ଯଦି କୌଣସି କମ୍ପାନୀ ଦିନକୁ ୧୨ ଘଣ୍ଟା କାମକୁ ଆପଣାଉଛି, ତେବେ ଅବଶିଷ୍ଟ ୩ ଦିନ ପାଇଁ କର୍ମଚାରୀଙ୍କୁ ଛୁଟି ଦେବାକୁ ପଡିବ । ଯଦି କାର୍ଯ୍ୟ ସମୟ ବଢେ, ତେବେ କାର୍ଯ୍ୟ ଦିନ ମଧ୍ୟ ୬ ପରିବର୍ତ୍ତେ ୫ କିମ୍ବା ୪ ହେବ । କିନ୍ତୁ ଏଥିପାଇଁ ଉଭୟ କର୍ମଚାରୀ ଓ କମ୍ପାନୀ ମଧ୍ୟରେ ଏକ ଚୁକ୍ତି ହେବା ମଧ୍ୟ ଆବଶ୍ୟକ ।

ଏହା ବି ପଢ଼ନ୍ତୁ:-ଯଦି ଆପଣ ଆଧାର କାର୍ଡରେ ଲାଗିଥିବା ଫଟୋରୁ ଖୁସି ନୁହଁନ୍ତି, ତେବେ ଆଜି ହିଁ କରନ୍ତୁ ପରିବର୍ତ୍ତନ, ଜାଣନ୍ତୁ ପ୍ରକ୍ରିୟା...

ଏହା ବି ପଢ଼ନ୍ତୁ:-ଟିମ୍ ଇଣ୍ଡିଆର ଅନେକ ଦିଗଜଙ୍କ କଟିବ ପତା! ସଙ୍କେତ ଦେଲେ କୋଚ୍ ଦ୍ରାବିଡ

ଏହା ବି ପଢ଼ନ୍ତୁ:-ଶାରୀରିକ ସମ୍ପର୍କ ଗଢ଼ୁଥିବା ବେଳେ ପୁରୁଷଙ୍କୁ ଲାଗିପାରେ ଏପରି ଆଘାତ! ଜାଣନ୍ତୁ ଏହାର କାରଣ ଓ ଲକ୍ଷଣ

ଏହା ବି ପଢ଼ନ୍ତୁ:-କୋରୋନା ସଙ୍କଟ: ଦେଶରେ ଦିନକରେ ଚିହ୍ନଟ ହେଲା ଏତିକି ମାମଲା, ଆଖି ବୁଜିଲେ ୨୧୧ ସଂକ୍ରମିତ

ଏହା ବି ପଢ଼ନ୍ତୁ:-ତୈଳ କମ୍ପାନୀଗୁଡିକ ଜାରି କଲେ ଆଜିର ଡିଜେଲ-ପେଟ୍ରୋଲର ଦାମ୍, Fuel ଭରିବା ପୂର୍ବରୁ ଚେକ୍ କରନ୍ତୁ ରେଟ୍