ଖାଉଟିଙ୍କ ମୁଣ୍ଡରେ ଚଡକ! ତେଲ ଓ ଗ୍ୟାସକୁ ନେଇ ଅର୍ଥମନ୍ତ୍ରୀ ଦେଲେ ଏହି ବଡ ବୟାନ

ନୂଆଦିଲ୍ଲୀ: ଦେଶରେ ବର୍ଦ୍ଧିତ ତୈଳ ଓ ଗ୍ୟାସ ଦରକୁ ଚିନ୍ତାରେ ଖାଉଟି। ଏହାରି ମଧ୍ୟରେ ଇନ୍ଧନକୁ ନେଇ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ବଡ ବୟାନ ଦେଇଛନ୍ତି। ପେଟ୍ରୋଲ, ଡିଜେଲ, ଇନ୍ଧନ ଗ୍ୟାସ ଓ ATF ଉପରେ GST ଲଗାଯିବା ପାଇଁ ବର୍ତ୍ତମାନ କୌଣସି ପ୍ରସ୍ତାବ ନାହିଁ ବୋଲି ସେ ସୋମବାର କହିଛନ୍ତି। 

ଅର୍ଥମନ୍ତ୍ରୀ ନିର୍ମଳା ସୀତାରମଣ (Nirmala Sitharaman) କହିଛନ୍ତି ଯେ, ପେଟ୍ରୋଲ, ଡିଜେଲ, ଇନ୍ଧନ ଗ୍ୟାସ ଓ ATF ଉପରେ GST ଲଗାଯିବା ନେଇ ବର୍ତ୍ତମାନ ସୁଦ୍ଧା କୌଣସି ପ୍ରସ୍ତାବ ନାହିଁ। ଯେତେବେଳେ ଆବଶ୍ୟକ ପଡିବ ସେତେବେଳେ GST ପରିଷଦ ଏହାରି ଉପରେ ବିଚାର କରିବ। ଯଦି ଏପରି ହୁଏ ତେବେ ରାଜସ୍ୱ ଓ ଅନ୍ୟାନ୍ୟ ବ୍ୟବସ୍ଥା ଉପରେ ଏହାର ପ୍ରଭାବ ପଡିପାରେ ବୋଲି ମନ୍ତ୍ରୀ କହିଛନ୍ତି।

Also Read: ବାଚସ୍ପତିଙ୍କୁ ରୁଚିଲା ନାହିଁ ବିଧାୟକଙ୍କ ପୋଷାକ

ଗତ ସପ୍ତାହରେ ଦିଲ୍ଲୀ ବିଧାନସଭା (Delhi assembly)  ରେ ତୈଳ ଓ ଗ୍ୟାସ ଦର ବୃଦ୍ଧି (petrol prices) ପ୍ରସଙ୍ଗ ଉଠିଥିଲା। ଦଲ୍ଲୀ ଗୃହମନ୍ତ୍ରୀ ସତେନ୍ଦ୍ର ଜୈନ ଇନ୍ଧନକୁ GST ଅନ୍ତର୍ଭୁକ୍ତ କରିବା ପ୍ରସ୍ତାବ ସପକ୍ଷରେ ମତ ରଖିଥିଲେ। ବିରୋଧି ଦଳ ନେତା ରାମବିର ସିଂହ ବାହାଦୂରୀଙ୍କ କହିବା ଅନୁସାରେ, ଯଦି ପେଟ୍ରୋଲ, ଡିଜେଲ GST ଅନ୍ତର୍ଭୁକ୍ତ ହୁଏ, ତେବେ ପ୍ରତ୍ୟେକର ଦର ୨୫ ଟଙ୍କା ଲେଖାଏଁ ହ୍ରାସ ହେବ।

ସୂଚନାଯୋଗ୍ୟ ଗତ ୧୬ ଦିନ ହେଲା ଦିଲ୍ଲୀରେ ତୈଳଦର ଅପରିବର୍ତ୍ତୀତ ଥିଲା। ଜାତୀୟ ରାଜଧାନୀରେ ସୋମବାର ପେଟ୍ରୋଲ ଲିଟର ପିଛା ୯୧ ଟଙ୍କା ୧୭ ପଇସା ଓ ଡିଜେଲ ୮୧ ଟଙ୍କା ୪୭ ପଇସା ଥିଲା। ସେହିପରି ମାୟାନଗରୀ ମୁମ୍ବାଇରେ ତୈଳ ଦର ପରିବର୍ତ୍ତନା ହୋଇନାହିଁ। କିନ୍ତୁ ପେଟ୍ରୋଲ ଲିଟର ପିଛା ୯୭ ଟଙ୍କା ୫୦ ପଇସା ଟପିଛି।