ଫିକର ନଟ୍, ଏବେ ମାତ୍ର ୪୫ ମିନିଟରେ ହୋଇପାରିବ କୋରୋନା ଚିହ୍ନଟ

ନୂଆଦିଲ୍ଲୀ: ଏହି ସମୟରେ ସମଗ୍ର ବିଶ୍ୱ ପାଇଁ କରୋନା ଭୂତାଣୁ ମୃତ୍ୟୁର ଅନ୍ୟ ଏକ ନାମ ପାଲଟିଛି । ଏହି ମାରାତ୍ମକ ଭୂତାଣୁ ଯୋଗୁଁ ଏପର୍ଯ୍ୟନ୍ତ ୧୩ ହଜାର ଲୋକଙ୍କ ମୃତ୍ୟୁ ଘଟିଛି, ସେମାନଙ୍କ ମଧ୍ୟରେ ଭାରତର ୭ ଜଣ ମଧ୍ୟ ଅଛନ୍ତି ।  କୋରୋନାର ଅଧିକାଂଶ ମାମଲାରେ ଦେଖାଯାଇଛି ଯେ ଲୋକମାନେ ସଂକ୍ରମିତ ହେବା ପରେ ପରୀକ୍ଷାରେ ବିଳମ୍ବ ଯୋଗୁଁ ଏହା ବିସ୍ତାର କରିବାରେ ସାହାଯ୍ୟ କରେ । କିନ୍ତୁ ବର୍ତ୍ତମାନ ଆମେରିକା ଏହାର ସମାଧାନ ବାଟ ବାହାର କରିଛି ।

ଆମେରିକାର ଖାଦ୍ୟ ଏବଂ ଔଷଧ ବିଭାଗ ମାତ୍ର 45 ମିନିଟରେ କୋରୋନା ଭାଇରସ୍ ଡାଇଗ୍ନୋଷ୍ଟିକ୍ ପରୀକ୍ଷାକୁ ଅନୁମୋଦନ କରିଛି । ସନ୍ଦିଗ୍ଧ ରୋଗୀ ବିଷୟରେ 45 ମିନିଟରେ ଜଣାପଡ଼ି ଯିବ ଯେ ସେ ସଂକ୍ରମିତ ଅଛନ୍ତି କି ନାହିଁ । ବର୍ତ୍ତମାନ ଏହି ଭୂତାଣୁ ପରୀକ୍ଷା ପାଇଁ ବହୁତ ସମୟ ଲାଗିଥାଏ । ଏହି ଟେକ୍ନୋଲୋଜି ବିକଶିତ କରିଥିବା କାଲିଫର୍ନିଆ ସ୍ଥିତ ମଲିକୁଲାର ଡାଇଗ୍ନୋଷ୍ଟିକ୍ କମ୍ପାନୀ ସେଫେଡ୍ କହିଛି ଯେ ଏହାର ପରୀକ୍ଷା ପାଇଁ ଶନିବାର ଏଫଡିଏ ଅନୁମୋଦନ କରିଛି । ବର୍ତ୍ତମାନ ଏହା ଡାକ୍ତରଖାନା ଏବଂ ଜରୁରୀକାଳୀନ ସେବାରେ ବ୍ୟବହୃତ ହେବ । ଆସନ୍ତା ସପ୍ତାହରେ ମଧ୍ୟ ପରିବହନ ମାଧ୍ୟମରେ ଏହି ଟେକ୍ନୋଲୋଜିକୁ ଅନ୍ୟ ରାଜ୍ୟକୁ ବିତରଣ କରିବାକୁ କମ୍ପାନୀ ଯୋଜନା କରିଛି ।

ଏହାର ଅନୁମୋଦନକୁ ନିଶ୍ଚିତ କରି FDA ଏକ ଅଲଗା ବୟାନ ଜାରି କରିଛି । ବୟାନରେ କୁହାଯାଇଛି ଯେ କମ୍ପାନୀ ଏହାର ପରୀକ୍ଷଣର ଉପଲବ୍ଧତାକୁ 30 ମାର୍ଚ୍ଚ ସୁଦ୍ଧା କାର୍ଯ୍ୟକାରୀ କରିବାକୁ ଚାହୁଁଛି । ବର୍ତ୍ତମାନର ପରୀକ୍ଷା ସରକାରୀ ନିର୍ଦ୍ଦେଶରେ ହେବ ଏବଂ ନମୁନାଗୁଡିକ ଏକ କେନ୍ଦ୍ରୀୟ ଲାବୋରେଟୋରୀକୁ ପଠାଯିବା ସୁନିଶ୍ଚିତ କରାଯାଇଛି, ଯେଉଁଠାରୁ ଏହାର ରିପୋର୍ଟ ସାର୍ବଜନୀନ କରାଯିବ । ସ୍ୱାସ୍ଥ୍ୟ ଏବଂ ମାନବ ସେବା ସଚିବ ଆଲେକ୍ସ ଆଜାର ଶନିବାର କହିଛନ୍ତି ଯେ ଆମେ ସତର୍କତା ଏବଂ ଯତ୍ନ ଭଳି ଡାଇଗ୍ନୋଷ୍ଟିକ୍ ସହିତ ପରୀକ୍ଷା ଏବଂ ଉପକରଣ ସହ ଏକ ନୂଆ ଫେସ ଆଗକୁ ବଢୁଛୁ, ଯେଉଁଠାରେ ଆମେରିକାର ଲୋକଙ୍କୁ ତୁରନ୍ତ ଯାଞ୍ଚ କରିବା ସହଜ ହେବ । '

ଏଠାରେ କହି ରଖୁଛୁ ଯେ, କୋରୋନୋ ଭୂତାଣୁ ପରୀକ୍ଷା ପାଇଁ ଘରୋଇ ଚାହିଦା ମଧ୍ୟ ଆମେରିକା ପୂରଣ କରିବାରେ ଅସମର୍ଥ । ଅନେକ ଡାକ୍ତରୀ ବିଶେଷଜ୍ଞ ପୂର୍ବାନୁମାନ କରିଛନ୍ତି ଯେ ପରୀକ୍ଷଣରେ ବିଳମ୍ବ ଏବଂ ବିଶୃଙ୍ଖଳା ହେତୁ ଲୋକଙ୍କ ଜୀବନ ଉପରେ ବିପଦ ବୃଦ୍ଧି ପାଇବ ଏବଂ ସମ୍ଭବତଃ ଡାକ୍ତର ଏବଂ ନର୍ସ ମଧ୍ୟ ପ୍ରଭାବିତ ହେବେ ।