ଓମିକ୍ରନ ଓ କୋରୋନାର ବଢ଼ୁଥିବା ମାମଲା ମଧ୍ୟରେ ରାଜଧାନୀରେ ଲାଗୁ ହେଲା ନୂଆ ପ୍ରତିବନ୍ଧକ, ଜାରି ହେଲା ୟଲୋ ଆଲର୍ଟ

ନୂଆଦିଲ୍ଲୀ: Omicron in Delhi: ସାରା ଦେଶରେ କୋରୋନାର ନୂଆ ଭାରିଆଣ୍ଟ ଓମିକ୍ରନ (COVID-19 New Variant Omicron) ଦ୍ରୁତ ଗତିରେ ବ୍ୟାପିବାରେ ଲାଗିଛି । ଯାହା ଫଳରେ ପୁଣିଥରେ ଦେଶର ବିଭିନ୍ନ ମହାନଗରରେ କୋରୋନା ମାମଲା (Coronavirus Cases) ବଢ଼ିବାରେ ଲାଗିଛି । ଏହି ସମୟରେ କୋରୋନାର ବଢ଼ୁଥିବା ବିପଦକୁ ଦୃଷ୍ଟିରେ ରଖି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ (Delhi CM Arvind Kejriwal) କହିଛନ୍ତି ଯେ ଭୟଭୀତ ହେବାର ଆବଶ୍ୟକତା ନାହିଁ, କିନ୍ତୁ ମାସ୍କ ପିନ୍ଧନ୍ତୁ । ଏହି ସମୟରେ ବଜାରରେ ବହୁତ ଭିଡ଼ ଅଛି କିନ୍ତୁ ଲୋକମାନେ ମାସ୍କ ପିନ୍ଧୁନ୍ତାହାଁନ୍ତି । 

କେଜ୍ରିୱାଲ (Arvind Kejriwal) ଆଗକୁ କହିଛନ୍ତି ଯେ ଏଥର ଆମେ କୋରୋନା ସହ ମୁକାବିଲା କରିବାକୁ ୧୦ ଗୁଣା ପ୍ରସ୍ତୁତ ଓ ଦିଲ୍ଲୀରେ ଗ୍ରେଡେଡ ରେସପନ୍ସ ଆକ୍ସନ ପ୍ଲାନ (GRAP) କାର୍ଯ୍ୟକାରୀ ହେବ । ଓମିକ୍ରନ୍ (Omicron) ବିଷୟରେ ଚିନ୍ତା କରିବାର କିଛି ନାହିଁ ।

ମୁଖ୍ୟମନ୍ତ୍ରୀ କହିଛନ୍ତି ଯେ, ଗତ କିଛି ଦିନ ମଧ୍ୟରେ ଦିଲ୍ଲୀର ୦.୫ ପ୍ରତିଶତ ପଜିଟିଭିଟି ହାର ରହିଛି ଓ ଆମେ ଗ୍ରେଡ୍ ରେସପନ୍ସ ଆକ୍ସନ ପ୍ଲାନର ଲେଭଲ୍-1 ଅର୍ଥାତ ୟଲୋ ଆଲର୍ଟ ଲାଗୁ କରୁଛୁ । ପ୍ରତିବନ୍ଧକଗୁଡିକର ଏକ ବିସ୍ତୃତ ଆଦେଶ ଶୀଘ୍ର ଜାରି କରାଯିବ ଓ କାର୍ଯ୍ୟକାରୀ ହେବ । ସେ କହିଛନ୍ତି ଯେ ସଂକ୍ରମଣ କ୍ଷେତ୍ରରେ ବୃଦ୍ଧି ସତ୍ତ୍ୱେ କୋଭିଡର ମାମଲା ସାମାନ୍ୟ ରହିଛି, ଅମ୍ଳଜାନ କିମ୍ବା ଭେଣ୍ଟିଲେଟରର ବ୍ୟବହାର ବୃଦ୍ଧି ପାଇନାହିଁ ।

ଏହା ବି ପଢ଼ନ୍ତୁ:-ଚୀନକୁ ଲାଗିବ ଜୋରଦାର ଝଟକା, ଭାରତ ଗସ୍ତ ପୂର୍ବରୁ ବଡ଼ ଘୋଷଣା କରିବେ ନେପାଳର ପ୍ରଧାନମନ୍ତ୍ରୀ!

ଏହା ବି ପଢ଼ନ୍ତୁ:-ଶୀତଳ ଯୁଦ୍ଧକୁ ନେଇ ଆମେରିକାକୁ ଧମକ ଦେଲା ଚୀନ, ଜାଣନ୍ତୁ କହିଲା ଡ୍ରାଗନ୍

ଏହା ବି ପଢ଼ନ୍ତୁ:-ସୋଭିଏତ ସଂଘ ପରି ଶୀତଳ ଯୁଦ୍ଧରେ ହାରିବ ନାହିଁ ଚୀନ, ଆମେରିକାକୁ ଧମକ ଦେଲା ଡ୍ରାଗନ୍

କ୍ରମାଗତ ଦୁଇ ଦିନ ପାଇଁ କୋଭିଡ ସଂକ୍ରମଣ ହାର ୦.୫ ପ୍ରତିଶତରୁ ଅଧିକ ରହିଲେ 'ୟଲୋ' ଆଲର୍ଟ ଜାରି କରାଯାଇଥାଏ । ଏଥିରେ ରାତ୍ରି କର୍ଫ୍ୟୁ ଲାଗୁ, ବିଦ୍ୟାଳୟ ଓ କଲେଜ ବନ୍ଦ, ଅତ୍ୟାବଶ୍ୟକ ସାମଗ୍ରୀ ଦୋକାନ ଅଡ-ଇଭେନ୍ ଆଧାରରେ ଖୋଲିବା ଓ ମେଟ୍ରୋ ଟ୍ରେନ୍ ଏବଂ ସର୍ବସାଧାରଣ ପରିବହନ ବସରେ ଯାତ୍ରୀଙ୍କ ବସିବା କ୍ଷମତା ହ୍ରାସ ଭଳି ପଦକ୍ଷେପ ଅନ୍ତର୍ଭୁକ୍ତ ରହିଛି । ସକାଳ ୧୦ରୁ ରାତି ୮ଟା ପର୍ଯ୍ୟନ୍ତ ଖୋଲିବ ଦୋକାନ । ଏହାସହ ଗୋଟିଏ ମୁନସିପାଲଟିରେ କେବଳ ଗୋଟିଏ ହିଁ ସାପ୍ତାହିକ ବଜାର ଖୋଲିବ ।  କୋଭିଡ-19ର ବଢ଼ୁଥିବା ମାମଲାକୁ ଦୃଷ୍ଟିରେ ରଖି ଦିଲ୍ଲୀ ବିପର୍ଯ୍ୟୟ ପରିଚାଳନା ପ୍ରାଧିକରଣ (DDMA) ରାତ୍ରି କର୍ଫ୍ୟୁ ଲାଗୁ କରିଛି ଯାହାକି ରାତି ୧୧ଟାରୁ ୫ଟା ପର୍ଯ୍ୟନ୍ତ ଜାରି ରହିବ ।

ଭାରତର ୨୧ଟି ରାଜ୍ୟ ତଥା କେନ୍ଦ୍ର ଶାସିତ ଅଞ୍ଚଳରେ ଓମିକ୍ରନର ୬୫୩ଟି ମାମଲା ରହିଛି, ସେଥିମଧ୍ୟରୁ ୧୮୬ ଜଣ ଲୋକ ଆରୋଗ୍ୟ ଲାଭ କରିଛନ୍ତି କିମ୍ବା ବିଦେଶକୁ ଯାଇଛନ୍ତି । ମହାରାଷ୍ଟ୍ରରେ ଓମିକ୍ରନ୍‌ର ସର୍ବାଧିକ ୧୬୭ ମାମଲା ରହିଛି । ଏହା ପରେ ଦିଲ୍ଲୀରେ ୧୬୫, କେରଳରେ ୫୭, ତେଲେଙ୍ଗାନାରେ ୫୫, ଗୁଜୁରାଟରେ ୪୯ ଏବଂ ରାଜସ୍ଥାନରେ ୪୬ଟି ମାମଲା ଚିହ୍ନଟ ହୋଇଛି । ଦେଶରେ ଗତ ୨୪ ଘଣ୍ଟା ମଧ୍ୟରେ ୬,୩୫୮ କୋରୋନା ମାମଲା ଚିହ୍ନଟ ହୋଇଛି । ଏହାସହ ୨୯୩ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି ।