 "ତାଣ୍ଡବ କରୁଛି କୋରୋନା, ଫ୍ରାନ୍ସ ଓ ବ୍ରିଟେନରେ ଦିନକରେ ରେକର୍ଡ ମାମଲା ଚିହ୍ନଟ; ସାରା ଦୁନିଆରେ ପୁଣି ବଢିବାକୁ ଲାଗିଛି କୋଭିଡ-19 ସଙ୍କଟ")
ନୂଆଦିଲ୍ଲୀ: Omicron Spread In The World:ସମଗ୍ର ବିଶ୍ୱରେ ବଢ଼ୁଥିବା ଓମିକ୍ରନ (Omicron) ର ମାମଲା ପୁଣି ଥରେ ଚିନ୍ତାର ବିଷୟ ପାଲଟିଛି । ଏକ ମାସ ମଧ୍ୟରେ କୋରୋନାର ନୂଆ ଭାରିଆଣ୍ଟ ଓମିକ୍ରନର ବିସ୍ତାର ହେବାର ବେଗକୁ ଦେଖି ଦୁନିଆର ଅନେକ ଦେଶ ପୁନର୍ବାର ଲକଡାଉନ ଘୋଷଣା କରିବା ଆରମ୍ଭ କରିଦେଇଛନ୍ତି । ଏଥି ସହିତ ଅନେକ ଦେଶର ସରକାର ମଧ୍ୟ ପରୀକ୍ଷା ଓ ଟିକାକରଣ ବୃଦ୍ଧି କରିଛନ୍ତି ।
ଓମିକ୍ରନ (Omicron) କୁ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଦ୍ୱାରା 'ଚିନ୍ତାର ପ୍ରକାର'ର ରୂପେ ଚିହ୍ନିତ କରିଛି । ଦକ୍ଷିଣ ଆଫ୍ରିକା, ବ୍ରିଟେନ, ଫ୍ରାନ୍ସ, ଇଟାଲୀ ଏବଂ ଅନ୍ୟାନ୍ୟ ଦେଶରେ ଏହା କୋଭିଡ-19 ର ଏକ ନୂତନ ଲହର ଆରମ୍ଭ କରିଛି ।
ଫ୍ରାନ୍ସ
ୟୁରୋପରେ କୋରୋନା ସଂକ୍ରମଣ ସଂଖ୍ୟା ଏକ ନୂତନ ସ୍ତରରେ ପହଞ୍ଚିଛି । କାରଣ ଫ୍ରାନ୍ସରେ ଗତ ୨୪ ଘଣ୍ଟା ମଧ୍ୟରେ ପ୍ରାୟ ୧,୮୦,୦୦୦ କୋରୋନା ଭାଇରସ ମାମଲା ଚିହ୍ନଟ କରାଯାଇଛି । ଖବର ସବରାହ ସଂସ୍ଥା ସିନ୍ହୁଆ ମଙ୍ଗଳବାର କହିଛି ଯେ, ଗତ ୨୪ ଘଣ୍ଟା ମଧ୍ୟରେ ଫ୍ରାନ୍ସରେ ୧,୭୯,୮୦୭ ନୂତନ କୋରୋନା ଭାଇରସ ମାମଲା ସାମ୍ନାକୁ ଆସିଛି, ଯାହା ମହାମାରୀ ଆରମ୍ଭ ହେବା ପରଠାରୁ ଏହା ଏକ ରେକର୍ଡ ସଂଖ୍ୟା ଅଟେ ।
ଦିନକୁ ଦିନ ବଢୁଥିବା ମାମଲାକୁ ଦୃଷ୍ଟିରେ ରଖି ଫ୍ରାନ୍ସର ସ୍ୱାସ୍ଥ୍ୟମନ୍ତ୍ରୀ ଅଲିଭିଆର ଭେରାନ ବୁଧବାର କହିଛନ୍ତି ଯେ ଡିସେମ୍ବର ଶେଷ ସୁଦ୍ଧା ଏହି ଭୂତାଣୁ ଦେଶରେ ବହୁ ପରିମାଣରେ ବିସ୍ତାର ହେବ । ଏଥି ସହିତ ଦେଶରେ ଟିକାକରଣ ସ୍ଥିତିକୁ ନେଇ ନ୍ୟୁଜ୍ ଏଜେନ୍ସି ସିନ୍ହୁଆ କହିଛି ଯେ ସୋମବାର ସୁଦ୍ଧା ଫ୍ରାନ୍ସର ୭୭ ପ୍ରତିଶତ ଲୋକଙ୍କୁ କୋରୋନା ବିରୁଦ୍ଧରେ ସମ୍ପୂର୍ଣ୍ଣ ଟିକା ଲଗାଯାଇଛି । ଆପଣଙ୍କୁ କହିରଖୁଛୁ ଯେ ଗତ ଏକ ସପ୍ତାହ ମଧ୍ୟରେ ଫ୍ରାନ୍ସରେ ଭାଇରସ୍ ଯୋଗୁଁ ୧୦୦୦ରୁ ଅଧିକ ଲୋକଙ୍କର ମୃତ୍ୟୁ ଘଟିଛି ଓ ଦେଶରେ ମୋଟ ମୃତ୍ୟୁ ସଂଖ୍ୟା ୧,୨୨,୦୦୦ରୁ ଅଧିକ ହୋଇଯାଇଛି ।
ବ୍ରିଟେନ୍
ମଙ୍ଗଳବାର ବ୍ରିଟେନରେ ୧,୨୯,୪୭୧ ନୂଆ କୋରୋନା ମାମଲା ରିପୋର୍ଟ ହୋଇଛି, ଯାହା ଦେଶରେ ଏପର୍ଯ୍ୟନ୍ତ ଚିହ୍ନଟ ହୋଇଥିବା କୋରୋନାର ସର୍ବାଧିକ ମାମଲା । ସେପଟେ ବ୍ରିଟେନର ପ୍ରଧାନମନ୍ତ୍ରୀ ବୋରିସ୍ ଜନସନ ନାଗରିକମାନଙ୍କୁ ଟିକା ଲଗାଇବାକୁ ଅନୁରୋଧ କରିବା ପରେ ଏତେ ସଂଖ୍ୟାରେ ମାମଲା ସାମ୍ନାକୁ ଆସିଛି ।
ଏହା ବି ପଢ଼ନ୍ତୁ:-ହରିଶ ରାୱତ ବିଜେପିକୁ ଦେଲେ ଝଟକା! କଂଗ୍ରେସରେ ଯୋଗଦେଲେ ଅନେକ ନେତା
ବ୍ରାଜିଲ
ଦେଶର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ବ୍ରାଜିଲରେ ମଙ୍ଗଳବାର ୮,୪୩୦ କରୋନା ମାମଲା ଚିହ୍ନଟ ହୋଇଛି । ରିପୋର୍ଟ ଅନୁଯାୟୀ, ଏହି ଭୂତାଣୁ ଯୋଗୁଁ ୧୭୧ ସଂକ୍ରମିତଙ୍କ ମୃତ୍ୟୁ ଘଟିଛି । ଏଥି ସହିତ ଦକ୍ଷିଣ ଆମେରିକୀୟ ଦେଶରେ ଏହି ଭୂତାଣୁ ଯୋଗୁଁ ମୋଟ ୬,୧୮,୭୦୫ ସଂକ୍ରମିତଙ୍କ ମୃତ୍ୟୁ ଘଟିଛି ।
)