 "Omicron ର ବିପଦ! ସ୍ଥଗିତ ହେଲା ୧୫ ଡିସେମ୍ବରରୁ ଆରମ୍ଭ ହେବାକୁ ଥିବା ଆନ୍ତର୍ଜାତୀୟ ବିମାନ ସେବା")
ନୂଆଦିଲ୍ଲୀ: କୋରୋନା ଭାଇରସର ନୂଆ ଓମିକ୍ରନ୍ ଭାରିଆଣ୍ଟର (Coronavirus Omicron Variant) ବିପଦକୁ ଦୃଷ୍ଟିରେ ରଖି ଭାରତ ସରକାର ସାଧାରଣ ଅନ୍ତର୍ଜାତୀୟ ବିମାନ ଉଡ଼ାଣ ଆରମ୍ଭ କରିବାକୁ ଧାର୍ଯ୍ୟ କରିଥିବା ୧୫ ଡିସେମ୍ବର ତାରିଖକୁ ସ୍ଥଗିତ ରଖିଛନ୍ତି । ବେସାମରିକ ବିମାନ ଚଳାଚଳର ମହାନିର୍ଦ୍ଦେଶକ ବୁଧବାର ଏହି ସୂଚନା ଦେଇଛନ୍ତି । ଡିଜିସିଏ ଏକ ଆଦେଶ ଜାରି କରି କହିଛି ଯେ ବାଣିଜ୍ୟିକ ଆନ୍ତର୍ଜାତୀୟ ଯାତ୍ରୀବାହୀ ବିମାନ ସେବା (Commercial International Flights) ପୁନଃ ଆରମ୍ଭ ହେବା ଦିନ ଏହାର ନିଷ୍ପତ୍ତି ଉପରେ ପୁନର୍ବିଚାର କରିବ । ଡିଜିଓସି କହିଛି ଯେ କୋରୋନା ଭାଇରସର ନୂତନ ଭାରିଆଣ୍ଟ ଯୋଗୁଁ ଏହା ଏହି ନିଷ୍ପତ୍ତି ନେଇଛି । ତେବେ ବିମାନଗୁଡ଼ିକର ସାଧାରଣ କାର୍ଯ୍ୟ କେବେ ଆରମ୍ଭ ହେବ ସେନେଇ ଡିଜିସିଏ (DGCA) ପକ୍ଷରୁ କୌଣସି ସୂଚନା ଦିଆଯାଇ ନାହିଁ ।
କହି ରଖୁଛୁ ଯେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ୨୬ ନଭେମ୍ବରରେ ଏକ ନିର୍ଦ୍ଦେଶ ଜାରି କରି କହିଥିଲା ଯେ ଭାରତରୁ ଏବଂ ଭାରତକୁ ଆସୁଥିବା ସମସ୍ତ ଅନ୍ତର୍ଜାତୀୟ ବିମାନ ଉଡ଼ାଣ ୧୫ ଡିସେମ୍ବରରୁ ସାଧାରଣ ଭାବରେ ଚାଲିବ । କିନ୍ତୁ ସମଗ୍ର ବିଶ୍ୱରେ ଓମିକ୍ରନ୍ ଭାରିଆଣ୍ଟସ୍ ବୃଦ୍ଧି ହେବାର ଭୟ ଥିବାରୁ ଭାରତ ସରକାର ଏହାର ନିଷ୍ପତ୍ତିକୁ ସ୍ଥଗିତ ରଖିଛନ୍ତି । ଏହା ସହିତ କେନ୍ଦ୍ର ସରକାର ମଧ୍ୟ ଅନ୍ତର୍ଜାତୀୟ ବିମାନ ଯୋଗେ ଭାରତକୁ ଆସୁଥିବା ଲୋକଙ୍କ ପାଇଁ ନିର୍ଦ୍ଦେଶନାମା ଜାରି କରିଛନ୍ତି, ଯାହା ୧ ଡିସେମ୍ବର ମଧ୍ୟରାତ୍ରିରୁ କାର୍ଯ୍ୟକାରୀ ହୋଇଛି ।
Directorate General of Civil Aviation says it will notify its decision in due course on date of resumption of scheduled commercial international passengers airline services to/from India. It also says that situation being watched closely in view of emergence of new COVID variant. pic.twitter.com/5poCWXL8jP
— ANI (@ANI) December 1, 2021
ଭାରତ ସରକାର ଜାରି କରିଛନ୍ତି ନୂଆ ଗାଇଡ଼ଲାଇନ
ସ୍ୱାସ୍ଥ୍ୟ ମନ୍ତ୍ରଣାଳୟର ସଂଶୋଧିତ ନିର୍ଦ୍ଦେଶାବଳୀ ଅନୁଯାୟୀ, 'ଡେଞ୍ଜର କେଟେଗୋରି' ଦେଶରୁ ଆସୁଥିବା କିମ୍ବା ସେହି ଦେଶ ଦେଇ ଭାରତରେ ପହଞ୍ଚୁଥିବା ଯାତ୍ରୀମାନଙ୍କ ପାଇଁ RT-PCR ପରୀକ୍ଷା ବାଧ୍ୟତାମୂଳକ କରାଯାଇଛି । ଆହୁରି ମଧ୍ୟ, ଯାତ୍ରୀଙ୍କୁ ବିମାନ ବନ୍ଦର ଛାଡିବା ପୂର୍ବରୁ କିମ୍ବା ଟେଷ୍ଟ ରିପୋର୍ଟ ନ ଦେଖାଇବା ପର୍ଯ୍ୟନ୍ତ ବିମାନରେ ଯିବାକୁ ଅନୁମତି ଦିଆଯିବ ନାହିଁ ।
ମନ୍ତ୍ରଣାଳୟ କହିଛି ଯେ 'ଡେଞ୍ଜର କେଟେଗୋରି' ଦେଶ ବ୍ୟତୀତ ଅନ୍ୟ ଦେଶରୁ ଆସୁଥିବା ଲୋକଙ୍କୁ ବିମାନବନ୍ଦର ଛାଡିବାକୁ ଅନୁମତି ଦିଆଯିବ, ଯଦିଓ ଏହିପରି ଯାତ୍ରୀଙ୍କୁ ୧୪ ଦିନ ପର୍ଯ୍ୟନ୍ତ ସେମାନଙ୍କ ସ୍ୱାସ୍ଥ୍ୟ ଉପରେ ନଜର ରଖାଯିବ ।
ମନ୍ତ୍ରଣାଳୟ କହିଛି ଯେ ଅନ୍ୟ ଦେଶରୁ ଆସୁଥିବା ଯାତ୍ରୀମାନଙ୍କ ମଧ୍ୟରୁ ପାଞ୍ଚ ପ୍ରତିଶତଯାଞ୍ଚ କରାଯିବ ଏବଂ ସଂପୃକ୍ତ ବିମାନ ଚଳାଚଳ କରୁଥିବା ପ୍ରତ୍ୟେକ ବିମାନରେ ଆସୁଥିବା ଯାତ୍ରୀମାନଙ୍କ ମଧ୍ୟରୁ ପାଞ୍ଚ ପ୍ରତିଶତ ଯାତ୍ରୀଙ୍କୁ ଚିହ୍ନଟ କରିବାକୁ ପଡ଼ିବ । ଯଦିଓ ସେମାନଙ୍କର ନମୁନା ପରୀକ୍ଷା ପାଇଁ ମନ୍ତ୍ରଣାଳୟ ଖର୍ଚ୍ଚ ବହନ କରିବ ।
)