ସାମ୍ନାକୁ ଆସିଲା ଓମିକ୍ରନର ଏକ ନୂତନ ରୂପ, ଜାଣନ୍ତୁ ଏହାକୁ ନେଇ କ'ଣ କହିଲେ ବୈଜ୍ଞାନିକ

ନୂଆଦିଲ୍ଲୀ: Omicron Variant: କୋରୋନା ଭୂତାଣୁର ନୂଆ ଭାରିଆଣ୍ଟ ଓମିକ୍ରନର ସବୁଠାରୁ ପ୍ରଥମ ମାମଲା ଦକ୍ଷିଣ ଆଫ୍ରିକାରେ ମିଳିଥିଲା । ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (WHO) ଓମିକ୍ରନ୍ (B.1.1.529) କୁ ଭାରିଆଣ୍ଟ ଆଫ୍ କନ୍ସର୍ନର ତାଲିକାଭୁକ୍ତ କରିଛି । ବର୍ତ୍ତମାନ ଏହି ପ୍ରକାର ବା ଭାରିଆଣ୍ଟ ବିଷୟରେ ଏକ ବଡ଼ କଥା ସାମ୍ନାକୁ ଆସିଛି । B.1.1.529 ଭାରିଆଣ୍ଟ ଦୁଇଟି ବଂଶ BA.1 ଓ BA.2 ରେ ବିଭାଜିତ ହୋଇଯାଇଛି । ଭାଇରୋଲୋଜିଷ୍ଟମାନେ କହିଛନ୍ତି ଯେ ଦକ୍ଷିଣ ଆଫ୍ରିକା, ଅଷ୍ଟ୍ରେଲିଆ ଏବଂ କାନାଡାରେ ଓମିକ୍ରନ୍ ର ନୂତନ ବଂଶ BA.2 ର ଅନେକ ମାମଲା ଦେଖିବାକୁ ମିଳିଛି । ବୈଜ୍ଞାନିକମାନେ କହିଛନ୍ତି ଯେ ନୂତନ ପ୍ରକାରର ଓମିକ୍ରନ୍ (Omicron Variant) ଚିହ୍ନଟ କରିବା ଅଧିକ କଷ୍ଟକର ।

ଓମିକ୍ରନ (Omicron Variant) ରେ ୫୦ରୁ ଅଧିକ ମ୍ୟୁଟେସନ୍ ଅଛି । ଏହାର ପ୍ରଥମ ମାମଲା ନଭେମ୍ବର ୮ରେ ଦକ୍ଷିଣ ଆଫ୍ରିକାରେ ମିଳିଥିଲା । ସେବେଠାରୁ ଏହା ଭାରତ ସମେତ ୩୪ଟି ଦେଶରେ ବ୍ୟାପି ସାରିଛି । ବିଶେଷଜ୍ଞ କୁହନ୍ତି ଯେ, ଓମିକ୍ରନକୁ ବଂଶାନୁକ୍ରମିକ ବିଭାଜନ ବୈଜ୍ଞାନିକମାନଙ୍କ ପାଇଁ ଅଧିକ ଆଗ୍ରହର ବିଷୟ ଅଟେ, କାରଣ ଏହା ମହାମାରୀକୁ ଭଲ ଭାବରେ ବୁଝିବାରେ ସାହାଯ୍ୟ କରିବ । ସାଧାରଣ ଲୋକଙ୍କ ପାଇଁ ଚିନ୍ତା କରିବାର କିଛି ନାହିଁ ।

ପୂର୍ବରୁ ଡେଲଟା ଭାରିଆଣ୍ଟ (B.1.617.2) ମଧ୍ୟ ଦୁଇଟିରେ ଓ ପୁଣି ୩ଟି ବଂଶରେ ବିଭାଜିତ ହୋଇଯାଇଥିଲା ଯାହାକି ଡେଲଟା ପ୍ଲସ୍ ମଧ୍ୟ ଅନ୍ତର୍ଭୁକ୍ତ ଥିଲା । ପରେ ଏହାକୁ ପ୍ରାୟ ୧୦୦ ସଂଖ୍ୟାରେ ଅନେକ ପରିବାରରେ ବିଭକ୍ତ କରାଯାଇଥିଲା, କିନ୍ତୁ ଭଲ କଥା ହେଉଛି ଏହା ଲୋକଙ୍କ ପାଇଁ କୌଣସି ବିଶେଷ କ୍ଷତି କରିନଥିଲା । ଦିଲ୍ଲୀର ଇନଷ୍ଟିଚ୍ୟୁଟ୍ ଅଫ୍ ଜେନୋମିକ୍ସ ଆଣ୍ଡ ଇଣ୍ଟିଗ୍ରେଟିଭ୍ ବାୟୋଲୋଜି (IGIB) ର ବରିଷ୍ଠ ବୈଜ୍ଞାନିକ ବିନୋଦ ସ୍କାରିଆ ମଧ୍ୟ ଓମିକ୍ରନ୍ ଭାରିଆଣ୍ଟର ପୃଥକତା ଉପରେ ଟ୍ୱିଟ୍ କରିଛନ୍ତି । ସେ ଲେଖିଛନ୍ତି "B.1.1529 (ଓମିକ୍ରନ୍) ବଂଶ ବର୍ତ୍ତମାନ BA.1 ଓ BA.2 ରେ ବିଭକ୍ତ ହୋଇଛନ୍ତି । ଏଥିରେ BA.1 ରେ ମୂଳ ବଂଶ ଓ BA.2 ବାହ୍ୟ ସହିତ ପ୍ରାୟ ୨୪ଟି ମ୍ୟୁଟେସନ୍ ଅନ୍ତର୍ଭୂକ୍ତ ହେବ ।"

ଓମିକ୍ରନର ଏହି ଦୁଇଟି ବଂଶ ସେମାନଙ୍କ ପରିବର୍ତ୍ତନର ଆଧାରରେ ବିଭକ୍ତ ହୋଇଛି । ଏହି ପରିବର୍ତ୍ତନଗୁଡ଼ିକ ମଧ୍ୟରୁ କେତେକ ଉଭୟ ଭାରିଆଣ୍ଟରେ ସାଧାରଣ କିନ୍ତୁ କିଛି ବଂଶରେ ଭିନ୍ନ । କୌତୁହଳର ବିଷୟ ଏହା ଯେ ବଂଶାନୁକ୍ରମିକ (BA.1) ରେ ଏସ-ଜିନ୍ ମିଳୁ ନାହିଁ, ଯାହାକି ବର୍ତ୍ତମାନର ଓମିକ୍ରନ୍ ପ୍ରକାରକୁ RT-PCR ମାଧ୍ୟମରେ ଚିହ୍ନଟ କରିବାକୁ ସାହାଯ୍ୟ କରିଥାଏ । ଯେତେବେଳେ କି ଦ୍ୱିତୀୟ ବଂଶରେ BA.2 ରେ ଏସଜିନ୍ ର ଅନୁପସ୍ଥିତି ଜଣାପଡ଼େ ନାହିଁ । ଅର୍ଥାତ ଓମିକ୍ରନର ଏହି ନୂତନ ରୂପକୁ ଚିହ୍ନିବା ଅଧିକ କଷ୍ଟସାଧ୍ୟ ହୋଇପାରେ ।

ଏହା ବି ପଢ଼ନ୍ତୁ:-କୋରୋନା ସଙ୍କଟ: ଦେଶରେ ଦିନକରେ ଚିହ୍ନଟ ହେଲା ଏତିକି ମାମଲା, ଆଖି ବୁଜିଲେ ୬୨୪ ସଂକ୍ରମିତ

ଏହା ବି ପଢ଼ନ୍ତୁ:-ଶେଷ ହୋଇଯାଇଛି ଟିମ୍ ଇଣ୍ଡିଆର ଏହି ସବୁ ଘାତକ ଖେଳାଳିଙ୍କ କ୍ୟାରିଅର୍? ଦଳରେ ଫେରିବାର ସମସ୍ତ ରାସ୍ତା ହୋଇସାରିଛି ବନ୍ଦ!

ଏହା ବି ପଢ଼ନ୍ତୁ:-ତୈଳ କମ୍ପାନୀଗୁଡିକ ଜାରି କଲେ ଆଜିର ପେଟ୍ରୋଲ-ଡିଜେଲର ନୂଆ ଦାମ୍, ଗାଡ଼ିରେ ତେଲ ଭରିବା ପୂର୍ବରୁ ଚେକ୍ କରନ୍ତୁ ରେଟ୍