ପାକିସ୍ତାନକୁ ମିଳିଲା ଉଚିତ ଜବାବ, ରାଜସ୍ଥାନରେ ଖସାଗଲା ୧୦ଟି ଡ୍ରୋନ, ଆକ୍ରମଣ ବିଫଳ

Pakistan Drone Attack: ରାଜସ୍ଥାନର ଜୈସଲମେର ଅଞ୍ଚଳରେ ପାକିସ୍ତାନର ୯ଟି ଡ୍ରୋନକୁ ଗୁଳି କରି ଖସାଇ ଦିଆଯାଇଛି। ବାରମେରର କଲେକ୍ଟର ଏକ ଡ୍ରୋନକୁ ଖସାଇ ଦିଆଯାଇଥିବାର ନିଶ୍ଚିତ କରିଛନ୍ତି। ପଞ୍ଜାବର ଫିରୋଜପୁରରେ ପାକିସ୍ତାନ ଦ୍ୱାରା ପଠାଯାଇଥିବା ଡ୍ରୋନକୁ ଭାରତର ବାୟୁ ପ୍ରତିରକ୍ଷା ପ୍ରଣାଳୀ ଦ୍ୱାରା ସଫଳତାର ସହ ନିଷ୍କ୍ରିୟ କରାଯାଇଛି । ଏକ ନିଷ୍କ୍ରିୟ ପାକିସ୍ତାନୀ ଡ୍ରୋନରୁ ବିସ୍ଫୋରକ ସାମଗ୍ରୀ ଏକ ଘର ଉପରେ ପଡ଼ିବା କାରଣରୁ ହଠାତ୍ ନିଆଁ ଉଠିଥିବା ଦେଖିବାକୁ ମିଳିଥିଲା। ସ୍ଥାନୀୟ ଲୋକେ ପାଣି ଢାଳି ନିଆଁ ଲିଭାଇଥିଲେ।

Pakistan Drone Attack: ଆଜି ସନ୍ଧ୍ୟାରେ ଜମ୍ମୁ-କାଶ୍ମୀରର ଅନେକ ଅଞ୍ଚଳରେ ଗୁଳିମାଡ଼ ହୋଇଛି । ସୂଚନା ଅନୁଯାୟୀ, ଉରି ସେକ୍ଟରରେ ପ୍ରବଳ ଗୁଳି ବର୍ଷା କରିଛି ପାକିସ୍ତାନ । ଫଳରେ ସୀମାବର୍ତ୍ତୀ ଅଞ୍ଚଳରେ ଆତଙ୍କର ବାତାବରଣ ଦେଖିବାକୁ ମିଳିଛି । କେବଳ ସେତିକି ନୁହେଁ, ଏହା ପରେ ପୁଞ୍ଚ ଏବଂ କୁପୱାଡା ସେକ୍ଟରରେ ମଧ୍ୟ ଗୁଳି ଚଳାଇଥିଲା ପାକିସ୍ତାନ। ସୀମା ଆରପାରିରୁ ମୋର୍ଟାର ମାଡ଼ କରାଯାଇଛି। ନୌଗାମ ହଣ୍ଡୱାରା ସେକ୍ଟରରେ ମଧ୍ୟ ପାକିସ୍ତାନ ପକ୍ଷରୁ ଗୁଳି ବର୍ଷଣ ହୋଇଥିଲା।

ରାଜସ୍ଥାନର ଜୈସଲମେର ଅଞ୍ଚଳରେ ପାକିସ୍ତାନର ୯ଟି ଡ୍ରୋନକୁ ଗୁଳି କରି ଖସାଇ ଦିଆଯାଇଛି। ବାରମେରର କଲେକ୍ଟର ଏକ ଡ୍ରୋନକୁ ଖସାଇ ଦିଆଯାଇଥିବାର ନିଶ୍ଚିତ କରିଛନ୍ତି। ପଞ୍ଜାବର ଫିରୋଜପୁରରେ ପାକିସ୍ତାନ ଦ୍ୱାରା ପଠାଯାଇଥିବା ଡ୍ରୋନକୁ ଭାରତର ବାୟୁ ପ୍ରତିରକ୍ଷା ପ୍ରଣାଳୀ ଦ୍ୱାରା ସଫଳତାର ସହ ନିଷ୍କ୍ରିୟ କରାଯାଇଛି । ଏକ ନିଷ୍କ୍ରିୟ ପାକିସ୍ତାନୀ ଡ୍ରୋନରୁ ବିସ୍ଫୋରକ ସାମଗ୍ରୀ ଏକ ଘର ଉପରେ ପଡ଼ିବା କାରଣରୁ ହଠାତ୍ ନିଆଁ ଉଠିଥିବା ଦେଖିବାକୁ ମିଳିଥିଲା। ସ୍ଥାନୀୟ ଲୋକେ ପାଣି ଢାଳି ନିଆଁ ଲିଭାଇଥିଲେ।

ପାକିସ୍ତାନ ଅବନ୍ତିପୋରା ବାୟୁସେନା ଘାଟି ଉପରେ ମଧ୍ୟ ଡ୍ରୋନ୍ ଆକ୍ରମଣ କରିବାକୁ ଚେଷ୍ଟା କରିଥିଲା। ଭାରତର ବାୟୁ ପ୍ରତିରକ୍ଷା ପ୍ରଣାଳୀ ଦ୍ୱାରା ଆକାଶରେ ହିଁ ତାହାକୁ ଧ୍ୱଂସ କରାଯାଇଥିଲା। ପାକିସ୍ତାନୀ ଡ୍ରୋନକୁ ଖସାଇ ଦେବା ସମୟରେ କିଛି ବିସ୍ଫୋରଣ ଶବ୍ଦ ଶୁଣିବାକୁ ମିଳିଥିଲା। ତେବେ ଘଟଣାରେ କୌଣସି ଧନ ଜୀବନ କ୍ଷତି ହୋଇଥିବାର ଖବର ଆସିନାହିଁ।

Add Zee News as a Preferred Source

ବର୍ତ୍ତମାନ, ଦେଶର ସାତଟିରୁ ଅଧିକ ସମ୍ବେଦନଶୀଳ ସ୍ଥାନରେ ସାମରିକ କାର୍ଯ୍ୟକଳାପ ତୀବ୍ର ହୋଇଛି। ସାମ୍ବା, ଜମ୍ମୁ ଏବଂ ପଠାଣକୋଟରେ ଡ୍ରୋନ୍ କାର୍ଯ୍ୟକଳାପ ସହିତ ଗୁଳିବର୍ଷା ଏବଂ ବ୍ଲାକଆଉଟ୍ ହୋଇଥିବା ରିପୋର୍ଟ ଆସିଛି। ଉତ୍ତର କାଶ୍ମୀରର କୁପୱାରା, ଉରି, ନୌଗାମ-ହାଣ୍ଡୱାରା ସେକ୍ଟର ଏବଂ ପୁଞ୍ଚରେ ନିୟନ୍ତ୍ରଣ ରେଖା ନିକଟରେ ପ୍ରବଳ ଗୁଳିଗୋଳା ବର୍ଷଣ ଜାରି ରହିଛି। ଭାରତର ସୁରକ୍ଷା ବାହିନୀ ପୂର୍ଣ୍ଣ ସତର୍କତାର ସହିତ ପ୍ରତ୍ୟେକ ମୋର୍ଚ୍ଚାରେ ପ୍ରତିଶୋଧମୂଳକ କାର୍ଯ୍ୟାନୁଷ୍ଠାନରେ ନିୟୋଜିତ ଅଛନ୍ତି। ଜମ୍ମୁ, ସାମ୍ବା ଏବଂ ପଠାଣକୋଟରେ ମଧ୍ୟ ଡ୍ରୋନ୍ ଦେଖାଯାଇଥିବା ନିଶ୍ଚିତ କରାଯାଇଛି। ସୁରକ୍ଷା ବାହିନୀ ଏହି ଡ୍ରୋନକୁ ଟାର୍ଗେଟ୍ କରି ସେଗୁଡ଼ିକୁ ନିଷ୍କ୍ରିୟ କରିବାରେ ସଫଳ ହୋଇଥିବା ଖବର ଆସିଛି । ସମଗ୍ର ଅଞ୍ଚଳରେ ହାଇ ଆଲର୍ଟ ଘୋଷଣା କରାଯାଇଛି।

ପାକିସ୍ତାନ ପକ୍ଷରୁ ହୋଇଥିବା ଡ୍ରୋନ୍ ଆକ୍ରମଣର ଏକ ଭିଡିଓ ମଧ୍ୟ ସାମ୍ନାକୁ ଆସିଛି ଯେଉଁଥିରେ ରାତିର ଅନ୍ଧାରରେ ଆକାଶରେ ଡ୍ରୋନ୍ ଦ୍ରୁତ ଗତିରେ ଉଡ଼ୁଥିବା ସ୍ପଷ୍ଟ ଭାବରେ ଦୃଶ୍ୟମାନ ହେଉଛି। ସୁରକ୍ଷା ବାହିନୀ ତୁରନ୍ତ ଏହାର ଜବାବ ଦେଇଥିଲେ ।

ଅନ୍ୟପଟେ, ଜମ୍ମୁ ବିମାନବନ୍ଦରର ସାଇରନ୍ ବାଜିଛି । ଫଳରେ ସ୍ଥାନୀୟ ଲୋକମାନେ ସତର୍କ ହୋଇ ଦୋକାନ ବନ୍ଦ କରି ସୁରକ୍ଷିତ ସ୍ଥାନକୁ ଚାଲିଯାଇଥିଲେ । ସତର୍କତାମୂଳକ ପଦକ୍ଷେପ ସ୍ୱରୂପ ରାଜୌରୀ ଜିଲ୍ଲାର ସମସ୍ତ ଦୋକାନ ବନ୍ଦ କରିଦିଆଯାଇଛି। ଲୋକଙ୍କୁ ଘରେ ରହିବାକୁ ପରାମର୍ଶ ଦିଆଯାଇଛି। ସାମରିକ ସୂତ୍ର ଅନୁଯାୟୀ, ପୁଞ୍ଚରେ ଦୁଇଟି ତୋପ ସେଲ୍ ପଡ଼ିଥିବା ରିପୋର୍ଟ ହୋଇଛି। ପାକିସ୍ତାନ ସେନା ପକ୍ଷରୁ ୧୦ ରୁ ୧୨ ରାଉଣ୍ଡ ପ୍ରବଳ ଗୁଳିବର୍ଷା କରାଯିବା ପରେ ପୁଞ୍ଚ ସେକ୍ଟରରେ ପରିସ୍ଥିତି ଉତ୍ତେଜନାପୂର୍ଣ୍ଣ ହୋଇଯାଇଥିଲା।