ବିମାନ ଦୁର୍ଘଟଣା ହେବା ପୂର୍ବରୁ କଣ୍ଟ୍ରୋଲ ରୁମକୁ କ'ଣ କହିଥିଲେ ପାଇଲଟ୍ ?

ନୂଆଦିଲ୍ଲୀ: ପାକିସ୍ତାନ ଇଣ୍ଟରନ୍ୟାସନାଲ ଏୟାରଲାଇନ୍ସର ବିମାନ ଦୁର୍ଘଟଣାକୁ ନେଇ ଏବେ ଗୋଟିଏ ପରେ ଗୋଟିଏ ତଥ୍ୟ ଆସୁଛି । କେମିତି ହୋଇଥିଲା ବିମାନ ଦୁର୍ଘଟଣା ? ଦୁର୍ଘଟଣା ପୂର୍ବରୁ କଣ୍ଟ୍ରୋଲ ରୁମକୁ କ'ଣ କହିଥିଲେ ପାଇଲଟ ? ଏନେଇ ଏକ ଅଡ଼ିଓ କ୍ଲିପ ଏବେ ସାମ୍ନାକୁ ଆସିଛି । ବିମାନ ଦୁର୍ଘଟଣା ପୂର୍ବରୁ କଣ୍ଟ୍ରୋଲ ରୁମ ସହ ଯୋଗାଯୋଗ କରିଥିଲେ ପାଇଲଟ । 

 liveatc.net  ୱେବସାଇଟ ପକ୍ଷରୁ ଏହି ଅଡ଼ିଓ କ୍ଲିପ ଜାରି କରାଯାଇଛି । ଦୁର୍ଘଟଣାଗ୍ରସ୍ତ ବିମାନ PK 8303ର ପାଇଲଟ ବିମାନରେ ଯାନ୍ତ୍ରିକ ତ୍ରୁଟ ଦେଖାଦେଇଥିବା ନେଇ କଣ୍ଟ୍ରୋଲ ରୁମକୁ ଜଣାଇଥିଲେ । ଏପରିକି ପାଇଲଟଙ୍କ ପକ୍ଷରୁ 'Mayday, Mayday, Mayday' ବାର୍ତ୍ତା ମଧ୍ୟ ପଠାଯାଇଥିଲା । ଜରୁରୀକାଳୀନ ସମୟରେ ଏହି ବାର୍ତ୍ତା ବ୍ୟବହାର ହୋଇଥାଏ । ଏହାକୁ International distress message କୁହାଯାଏ । 

ଟ୍ରାଫିକ କଣ୍ଟ୍ରୋଲ ଏବଂ ପାଇଲଟଙ୍କ ମଧ୍ୟରେ ଏମିତି ହୋଇଥିଲା ବାର୍ତ୍ତାଳାପ

ପାଇଲଟ: PK 8303 ଆସୁଛି । 
ATC: ଜୀ ସାର୍

ପାଇଲଟ: ଆମକୁ ବାମକୁ ବୁଲିବାକୁ ପଡ଼ିବ ? 
ATC: ଜୀ

ପାଇଲଟ: ଆମେ ସିଧା ଅବତରଣ କରୁଛୁ, କାହିଁକିନା ଆମର ଉଭୟ ଇଞ୍ଜିନ୍ ଖରାପ ହୋଇଯାଇଛି ।
ATC: ନିଶ୍ଚିତ କରନ୍ତୁ, ଆପଣ Belly landing(ଗିୟର ବିନା ଅବତରଣ) କରୁଛନ୍ତି ?

ପାଇଲଟ: କିଛି ନିଶ୍ଚିତ ନୁହେଁ...
ATC: ୨ ୫ରେ ଅବତରଣ କରିବା ପାଇଁ ରନୱେ ଉପଲବ୍ଧ ଅଛି ।

ପାଇଲଟ: Roger
ପାଇଲଟ: ସାର୍, Mayday, Mayday, Mayday, Pakistan 8303
ATC: Pakistan 8303, Roger sir, ଉଭୟ ରନୱେ ଅବତରଣ ପାଇଁ ଉପଲବ୍ଧ ଅଛି । 

#Breaking : "We have lost Engines and may day", were the last Words from Pilot Flying #PIA Plane From #Lahore To #Karachi.
Listen the conversation between Pilot of #PIA #Airbus320 And control tower before it crashed near #Karachi. pic.twitter.com/TKuozE15i1

— Ravinder Singh Robin ਰਵਿੰਦਰ ਸਿੰਘ راویندرسنگھ روبن (@rsrobin1) May 22, 2020

ଆଉ ଏହାପରେ ଅଡିଓ କଟିଯାଏ । ଆଉ କିଛି ସମୟ ପରେ କରାଚିରେ ହୁଏ ବଡ଼ ଧରଣର ବିମାନ ଦୁର୍ଘଟଣା । ବିମାନରେ କ୍ରୁ ମେମ୍ବରଙ୍କ ସହ ସମୁଦାୟ ୯୯ ଜଣ ଯାତ୍ରୀ ଥିଲେ । ତେବେ ସେମାନଙ୍କ ମଧ୍ୟରୁ ୯୭ ଜଣଙ୍କ ମୃତ୍ୟୁ ହୋଇଛି । ଅନ୍ୟ ଦୁଇ ଜଣ ଗୁରୁତର ଅଛନ୍ତି ।