ପୁଣି ବଢିଲା ତୈଳ ଦର

ନୂଆଦିଲ୍ଲୀ: ପୁଣି ଥରେ ବଢିଲା ତୈଳଦର। ଲଗାତାର ଭାବେ ଚତୁର୍ଥ ଦିନ ପାଇଁ ତୈଳ ଦର ଦେଶରେ ବୃଦ୍ଧି ପାଇଛି। ବୁଧବାର ପେଟ୍ରୋଲ ପିଛା ୪୦ ପଇସା ଓ ଡିଜେଲ ଲିଟର ପିଛା ୪୫ ପଇସା ବୃଦ୍ଧି ପାଇଛି। ଦେଶର ରାଜଧାନୀରେ ଦିଲ୍ଲୀରେ ପେଟ୍ରୋଲ ଦର ୭୩।୪୦ ଟଙ୍କା ରହିଥିବା ବେଳେ ଡିଜେଲ ଲିଟର ପିଛା ୭୧।୬୧ ଟଙ୍କାରେ ପହଞ୍ଚିଛି। ଲଗାତାର ୩ ଦିନ ମଧ୍ୟରେ ଦିଲ୍ଲୀରେ ପ୍ରାୟ ୨।୨୩ ଟଙ୍କା ବୃଦ୍ଧି ପାଇଛି। 

ମିଳିଥିବା ସୂଚନା ମୁତାବକ ଦିଲ୍ଲୀ, କୋଲକାତା, ମୁମ୍ବାଇ ଓ ଚେନ୍ନାଇରେ ତୈଳ ଦରରେ ବୃଦ୍ଧି ଘଟିଛି। ଏହି ଚାରିଟି ସହରରେ ଯଥାକ୍ରମେ ୭୩।୪୦, ୭୫।୩୮, ୮୦।୪୧ ଓ ୭୭।୪୮ ଟଙ୍କା ରହିଛି। ସେହିପରି ଡିଜେଲ ଦରରେ ମଧ୍ୟ ବୃଦ୍ଧି ଘଟିଛି। ଡିଜେଲ ଦର ଦିଲ୍ଲୀ, କୋଲକାତା, ମୁମ୍ବାଇ ଓ ଚେନ୍ନାଇରେ ଯଥାକ୍ରମେ ୭୧।୬୨, ୬୭।୮୮, ୭୦।୩୭ ଓ ୭୦।୧୯ ଲିଟର ପିଛା ଦର ରହିଛି। 

ଏଠାରେ କହି ରଖୁଛୁ ଯେ, ଅନ୍ତର୍ଜାତୀୟ ବଜାରେ ମଧ୍ୟ ତୈଳ ଦର ବୃଦ୍ଧି ଘଟିଛି। ବ୍ୟାରେଲ ପିଛା ୧।୦୩ ଆମେରୀକିୟ ଡଲାର ବୃଦ୍ଧି ପାଇ ୪୧।୨୨ ଆମେରିକୀୟ ଡଲାରରେ କାରବାର ଜାରି ରହିଛି।