DA Hike: ସରକାର ଦେଲେ ବଡ଼ ଉପହାର, ମହଙ୍ଗା ଭତ୍ତା ଏତିକି ବଢିବା ନେଇ ଘୋଷଣା

ଆପଣଙ୍କୁ କହିରଖୁଛୁ ଯେ, ଶେଷ ଥର ପାଇଁ ୨୦୨୪ ମସିହା ଜୁଲାଇ ମାସରେ ମହଙ୍ଗା ଭତ୍ତା ୫୦ ପ୍ରତିଶତରୁ ୫୩ ପ୍ରତିଶତକୁ ବୃଦ୍ଧି ହୋଇଥିଲା । ଏବେ ୨ ପ୍ରତିଶତ ବୃଦ୍ଧି କରାଯାଇଛି, ଏହା ପରେ କର୍ମଚାରୀଙ୍କ ମୂଳ ଦରମାରେ ଅତିରିକ୍ତ ୨ ପ୍ରତିଶତ ମହଙ୍ଗା ଭତ୍ତା ପାଇବେ । ଏହି ବୃଦ୍ଧି ପିଛିଲା ଭାବେ ୧ ଜାନୁଆରୀ, ୨୦୨୫ ରୁ କାର୍ଯ୍ୟକାରୀ ହେବ ବୋଲି ସୂଚନା ମିଳିଛି । ଏହି ମହଙ୍ଗା ଭତ୍ତା ବୃଦ୍ଧି କାରଣରୁ ଦେଶର କୋଟି କୋଟି ସରକାରୀ କର୍ମଚାରୀ ଏବଂ ପେନସନଭୋଗୀଙ୍କୁ ଲାଭ ପାଇବେ ।

ଦରମା କେତେ ବୃଦ୍ଧି ପାଇବ?

ଯଦି କୌଣସି କେନ୍ଦ୍ରୀୟ ସରକାରୀ କର୍ମଚାରୀଙ୍କ ମୂଳ ଦରମା ୫୦ ହଜାର ଟଙ୍କା ଥାଏ ତେବେ ୫୩% DA ଅନୁଯାୟୀ, ତାଙ୍କୁ ୨୬,୫୦୦ ମହଙ୍ଗା ଭତ୍ତା ମିଳିବ । କିନ୍ତୁ ୫୫% DA ଅନୁଯାୟୀ, ତାଙ୍କୁ ୨୭,୫୦୦ DA ମିଳିବ। ଅର୍ଥାତ୍ କର୍ମଚାରୀଙ୍କ ଦରମାରେ ୧ ହଜାର ଟଙ୍କା ବୃଦ୍ଧି ହେବ ।

ସେହିପରି, ୭୦ ହଜାର ଟଙ୍କା ମୂଳ ଦରମା ଉପରେ, ମହଙ୍ଗା ଭତ୍ତା ୩୭,୧୦୦ ଟଙ୍କା ହେବ, କିନ୍ତୁ ୫୫ ପ୍ରତିଶତ DA ଅନୁଯାୟୀ, ମହଙ୍ଗା ଭତ୍ତା ୩୮,୫୦୦ ଟଙ୍କା ହେବ। ଅର୍ଥାତ୍ ଏପରି କର୍ମଚାରୀଙ୍କ ଦରମା ୧୪ ଶହ ଟଙ୍କା ବଢିବ ।

ଯେଉଁମାନଙ୍କ ମୂଳ ଦରମା ୧ ଲକ୍ଷ ସେମାନେ ୫୩ ପ୍ରତିଶତ DA ହାରରେ ୫୩ ହଜାର ମହଙ୍ଗା ଭତ୍ତା ପାଉଥିଲେ । କିନ୍ତୁ ବର୍ତ୍ତମାନ ସେମାନେ ୫୫ ପ୍ରତିଶତ ହାରରେ ୫୫ ହଜାର ଟଙ୍କା DA ପାଇବେ। ଅର୍ଥାତ୍ ଉକ୍ତ କର୍ମଚାରୀଙ୍କ ଦରମା ପ୍ରତି ମାସରେ ୨ହଜାର ଟଙ୍କା ବଢିବ ।

ସୂଚନାଯୋଗ୍ୟ, ଗତ କିଛି ବର୍ଷ ମଧ୍ୟରେ ମହଙ୍ଗା ଭତ୍ତା ୩ ରୁ ୪ ପ୍ରତିଶତ ବୃଦ୍ଧି କରାଯାଇଥିଲା । କିନ୍ତୁ ୭୮ ମାସ ଅର୍ଥାତ୍ ୬.୬ ବର୍ଷ ମଧ୍ୟରେ ପ୍ରଥମ ଥର ପାଇଁ DA ମାତ୍ର ୨ ପ୍ରତିଶତ ବୃଦ୍ଧି କରାଯାଇଛି। ୨୦୧୮ ପୂର୍ବରୁ ମହଙ୍ଗା ଭତ୍ତା ୨ ପ୍ରତିଶତ ବୃଦ୍ଧି କରାଯାଇଥିଲା। ସେବେଠାରୁ, ନିରନ୍ତର ଭାବେ ୩ କିମ୍ବା ୪ ପ୍ରତିଶତ ବୃଦ୍ଧି ଦେଖାଯାଇଛି।

ସରକାରଙ୍କ ପକ୍ଷରୁ ମାର୍ଚ୍ଚ ମାସରେ ମହଙ୍ଗା ଭତ୍ତା ବୃଦ୍ଧି ଘୋଷଣା ହୋଇଛି । ଏପରି ସ୍ଥିତିରେ, ଦୁଇ ମାସର ବକେୟା ପାଉଣାକୁ ଏକାଠି ମିଶାଇ ମାର୍ଚ୍ଚ ମାସର ଦରମା ସହିତ କର୍ମଚାରୀଙ୍କୁ ପ୍ରଦାନ କରାଯିବ । ଜାନୁଆରୀ ଏବଂ ଫେବୃଆରୀ ସହିତ, ମାର୍ଚ୍ଚ ମାସର ମହଙ୍ଗା ଭତ୍ତା ମଧ୍ୟ ଦରମାରେ ଯୋଡାଯିବ।  ଯଦି କୌଣସି କେନ୍ଦ୍ର ସରକାରୀ କର୍ମଚାରୀଙ୍କ ମୂଳ ଦରମା ୧୯ ହଜାର ଟଙ୍କା ଥାଏ ତେବେ ତାଙ୍କୁ ମହଙ୍ଗା ଭତ୍ତା ଭାବରେ ୧୦,୦୭୦ ଟଙ୍କା ମିଳିବ। ଏବେ ୨ ପ୍ରତିଶତ ବୃଦ୍ଧି ପରେ ଏହି ଭତ୍ତା ୧୦,୪୫୦ ଟଙ୍କା ହେବ ।