• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

କୋରୋନା ଟୀକା ବଣ୍ଟନକୁ ନେଇ ବହୁତ ବଡ଼ ଖୁସି ଖବର ଦେଲେ ପିଏମ ମୋଦି

ଏକ ଇଂରାଜୀ ଖବରକାଗଜକୁ ଦେଇଥିବା ଏକ ସାକ୍ଷାତକାରରେ ପ୍ରଧାନମନ୍ତ୍ରୀ କୋରୋନା ଟୀକା ଉପରେ ଚର୍ଚ୍ଚା କରିଛନ୍ତି । 

ତମାଲ ବାକଚି | Oct 29, 2020, 11:09 AM IST
1/8

ନୂଆଦିଲ୍ଲୀ: ସମଗ୍ର ବିଶ୍ୱ ସମେତ ଭାରତରେ କୋରୋନା ଭୂତାଣୁ (Coronavirus) ସଙ୍କଟ ଜାରି ରହିଛି । ଏହି ସମୟରେ କୋରୋନା ଭ୍ୟାକ୍ସିନ ବା ଟୀକା (Coronavirus Vaccine) ପ୍ରସ୍ତୁତି ପାଇଁ ଦିନରାତି କାର୍ଯ୍ୟରେ ଲାଗିଛନ୍ତି ବୈଜ୍ଞାନିକମାନେ । ବର୍ତ୍ତମାନ ଭାରତରେ ମଧ୍ୟ କୋରୋନାର ଅନେକ ଟୀକା ଉପରେ ପରୀକ୍ଷା ଚାଲିଛି । ଏସବୁ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Modi) ଏକ ବଡ଼ ବୟାନ ଦେଇଛନ୍ତି । ପିଏମ ମୋଦି କହିଛନ୍ତି ଯେ ଯେତେବେଳେ ଭାରତରେ କୋଭିଡ-19 ଟୀକା (COVID-19 Vaccine) ଉପଲବ୍ଧ ହେବ ସେତେବେଳେ ପ୍ରତ୍ୟେକ ନାଗରିକଙ୍କୁ ଏହି ଟୀକା ଦିଆଯିବ । ଏଥିରୁ କାହାକୁ ବାଦ୍ ଦିଆଯିବ ନାହିଁ ।

2/8

ଏକ ଇଂରାଜୀ ଖବରକାଗଜକୁ ଦେଇଥିବା ଏକ ସାକ୍ଷାତକାରରେ ପ୍ରଧାନମନ୍ତ୍ରୀ କୋରୋନା ଟୀକା ଉପରେ ଚର୍ଚ୍ଚା କରିଛନ୍ତି । ଟୀକା ପ୍ରଶ୍ନ ଉପରେ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, "ମୁଁ ଦେଶକୁ ନିଶ୍ଚିତ କରିବାକୁ ଚାହୁଁଛି ଯେ ଦେଶରେ ଏହି ଟୀକା ଉପଲବ୍ଧ ହେବା ମାତ୍ରେ ସମସ୍ତଙ୍କୁ ଦିଆଯିବ । କାହାକୁ ବାଦ୍ ଦିଆଯିବ ନାହିଁ ।"

3/8

କୋରୋନା ସଙ୍କଟକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ, ଭାରତ ସରକାର ଠିକ୍ ସମୟରେ ନେଇଥିବା ନିଷ୍ପତ୍ତି ଏବଂ ଲୋକଙ୍କ ସାହାଯ୍ୟରେ ଅନେକ ଜୀବନ ରକ୍ଷା କରାଯାଇପାରିଛି । ଲକଡାଉନ୍ ଲଗାଇବା ଏବଂ ତା’ପରେ ଅନଲକ୍ ପ୍ରକ୍ରିୟାରେ ଯିବା ସମ୍ପୂର୍ଣ୍ଣ ସଠିକ୍ ସମୟ ଥିଲା ।

4/8

ସାକ୍ଷାତକାରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ, କୋରୋନା ଭାଇରସ ସଙ୍କଟ ଏବେ ବି ଜାରି ରହିଛି, ଏଭଳି ପରିସ୍ଥିତିରେ ଲୋକମାନେ ସତର୍କ ରହିବା ଉଚିତ । ପର୍ବ ଦିନରେ ଲୋକମାନେ ଅଧିକ ସଜାଗ ରହିବା ଉଚିତ । ଏହି ସମୟରେ କୌଣସି ପ୍ରକାରର ଅବସାବଧାନତା ଅବଲମ୍ୱନ କରିବା ଅନୁଚିତ । 

ଅଧିକ ପଢ଼ନ୍ତୁ:-ରାଜଧାନୀ ଦିଲ୍ଲୀରେ କୋରୋନାର ତାଣ୍ଡବ, ଗୋଟିଏ ଦିନରେ ରେକର୍ଡ ସଂଖ୍ୟକ ସଂକ୍ରମିତ ଚିହ୍ନଟ

5/8

ଟୀକା ବଣ୍ଟନ ପାଇଁ ବର୍ତ୍ତମାନ ଭାରତ ସରକାର ପ୍ରସ୍ତୁତ କରୁଛନ୍ତି । ଯାହାଫଳରେ ସମୟ ଆସିଲେ ସମଗ୍ର ଦେଶରେ ଏହି ଟୀକା ଉପଲବ୍ଧ ହୋଇପାରିବ । ଏକ ଆକଳନ ଅନୁଯାୟୀ, ସମସ୍ତ ଦେଶବାସୀଙ୍କୁ ଟୀକା ଯୋଗାଇବା ପାଇଁ ସରକାର ପ୍ରଥମେ ୫୦  ହଜାର କୋଟି ଟଙ୍କା ପର୍ଯ୍ୟନ୍ତ ବଜେଟ୍ ରଖିଛନ୍ତି । ଜଣେ ବ୍ୟକ୍ତିଙ୍କୁ ଟୀକା ଦେବା ପାଇଁ ୩୮୫ ଟଙ୍କା ଖର୍ଚ୍ଚ ହେବ ।

ଅଧିକ ପଢ଼ନ୍ତୁ:-ଯିଏ ଦେଇଛି ସମଗ୍ର ଦୁନିଆକୁ କୋରୋନା, ସେ ହିଁ ଦେବ ପ୍ରଥମ ଟୀକା !

6/8

ତେବେ ଏହା ଏପର୍ଯ୍ୟନ୍ତ ସରକାରୀ ଭାବେ ଘୋଷଣା କରାଯାଇ ନାହିଁ କିମ୍ବା ଭାରତ ସରକାରଙ୍କ ଦ୍ୱାରା କୌଣସି ସରକାରୀ ଯୋଜନା ଘୋଷଣା କରାଯାଇ ନାହିଁ । କିନ୍ତୁ ଦେଶର ବୈଜ୍ଞାନିକମାନେ ଏହି ଟୀକା ପ୍ରସ୍ତୁତ କରିବା ପାଇଁ ନିରନ୍ତର କାର୍ଯ୍ୟ କରୁଛନ୍ତି । ଏବଂ ଟୀକା ପରୀକ୍ଷା ବର୍ତ୍ତମାନ ପରବର୍ତ୍ତୀ ପର୍ଯ୍ୟାୟରେ ପହଞ୍ଚିଛି ।

7/8

ବାସ୍ତବରେ, ବିହାର ବିଧାନସଭା ନିର୍ବାଚନରେ ​​ଭାରତୀୟ ଜନତା ପାର୍ଟି ନିଜର ଘୋଷଣାପତ୍ରରେ ଘୋଷଣା କରିଛି ଯେ କ୍ଷମତାକୁ ଆସିବା ପରେ କୋଭିଡ-19 ଭ୍ୟାକ୍ସିନ ସମସ୍ତ ବିହାରୀଙ୍କୁ ମାଗଣାରେ ପ୍ରଦାନ କରିବ । ଯାହା ପରେ ଅନେକ ପ୍ରକାରର ପ୍ରଶ୍ନ ଆରମ୍ଭ ହୋଇଥିଲା । ରାଜନୈତିକ ଦଳମାନେ ସରକାରଙ୍କ କୋଭିଡ ଟୀକା ଯୋଜନାକୁ ଟାର୍ଗେଟ କରି ଏହାକୁ ନିର୍ବାଚନ ସୁବିଧା ସହ ଯୋଡିଥିଲେ ।

ଅଧିକ ପଢ଼ନ୍ତୁ:-ଭାରତର ଏହି ୫ଟି ରାଜ୍ୟରେ କୋରୋନା ଭୂତାଣୁର ବିପଦ ସବୁଠାରୁ ଅଧିକ, ଚେତାବନୀ ଜାରି କଲା ସ୍ୱାସ୍ଥ୍ୟ ମନ୍ତ୍ରଣାଳୟ

8/8

ତେବେ ବିଜେପି ସଫେଇ ଦେଇଥିଲା ଯେ, ଭାରତ ସରକାର ତରଫରୁ ଯେପରି ରାଜ୍ୟ ସରକାରଙ୍କୁ ଭ୍ୟାକ୍ସିନ ଦିଆଯିବ, ଏହା ପରେ ବିଜେପିର ସରକାର ରାଜ୍ୟ ସରକାର ସ୍ତରରେ ଲୋକଙ୍କୁ ମାଗଣାରେ ଯୋଗାଇ ଦେବେ ।