Dr. Subbanna Ayyappan: ବିଶିଷ୍ଟ କୃଷି ବୈଜ୍ଞାନିକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ଶ୍ରୀରଙ୍ଗପାଟନା ପୋଲିସ ଏକ ମାମଲା ରୁଜୁ କରି ମୃତ୍ୟୁର କାରଣ ତଦନ୍ତ ଆରମ୍ଭ କରିଛି। ଶନିବାର ସନ୍ଧ୍ୟାରେ ନଦୀରେ ଏକ ଅଜଣା ମୃତଦେହ ଭାସୁଥିବା ନେଇ ପୋଲିସ ସୂଚନା ପାଇଥିଲା। ମୃତଦେହଟିକୁ ଉଦ୍ଧାର କରିବା ପରେ ସେତେବେଳେ ବୈଜ୍ଞାନିକଙ୍କୁ ଚିହ୍ନଟ କରାଯାଇଥିଲା। 

ଆୟାପ୍ପାନଙ୍କ ସ୍କୁଟରଟି ନଦୀ କୂଳରେ ମିଳିଥିଲା। ପ୍ରାରମ୍ଭିକ ତଦନ୍ତରେ ପୋଲିସ ଅନୁମାନ କରୁଛି ଯେ ସେ ଆତ୍ମହତ୍ୟା କରିଛନ୍ତି।

କିଏ ଏହି ସୁବାନ୍ନା ଆୟପ୍ପନ ସୁବାନ୍ନା ଆୟାପନ କର୍ଣ୍ଣାଟକର। ତାଙ୍କର ଜନ୍ମ ୧୦ ଡିସେମ୍ବର ୧୯୫୫ରେ ଚାମରାଜନଗର ଜିଲ୍ଲାର ୟାଲାନ୍ଦୁରରେ ହୋଇଥିଲା। 

ଆୟାପନ୍ ମତ୍ସ୍ୟ ବିଜ୍ଞାନରେ ସ୍ନାତକ ହାସଲ କରିଥିଲେ। ଏହି ବିଷୟରେ ସେ ମାଷ୍ଟର୍ସ କରିଥିଲେ। ବାଙ୍ଗାଲୋରର କୃଷି ବିଶ୍ୱବିଦ୍ୟାଳୟରୁ ପିଏଚଡି କରିଛନ୍ତି। 

ସେ ତାଙ୍କ ଜୀବନକାଳ ମଧ୍ୟରେ ଅନେକ ପଦବୀରେ ରହି ଦେଶ ସେବା କରିଥିଲେ। ଦେଶରେ ନୀଳ ବିପ୍ଳବ (ନୀଳ ବିପ୍ଳବ - ମତ୍ସ୍ୟଚାଷ)ର ଶ୍ରେୟ ଆୟାପ୍ପାନଙ୍କୁ ଯାଏ। ୨୦୨୨ ମସିହାରେ, ତାଙ୍କୁ ଦେଶର ଚତୁର୍ଥ ସର୍ବୋଚ୍ଚ ସମ୍ମାନ ପଦ୍ମଶ୍ରୀ ପୁରସ୍କାରରେ ସମ୍ମାନିତ କରାଯାଇଥିଲା।