• ଓଡ଼ିଆ ଅଫିସର୍ ଚଣ୍ଡିପ୍ରସାଦ ମହାନ୍ତି ହେବେ ଭାରତୀୟ ସେନାର ଉପମୁଖ୍ୟ
  • ବାଣୀବିହାରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ
  • ଦିନକ ବ୍ୟବଧାନ ପରେ ପୁଣି ଆରମ୍ଭ ହୋଇଛି କରୋନା ଟିକାକରଣ
  • ରାଜଧାନୀର କିଡନୀ କେଳେଙ୍କାରୀ ମାମଲାରେ ଘରୋଇ ହସ୍ପିଟାଲର କର୍ମଚାରୀ
  • କେନ୍ଦୁଝରରେ ଗାଡି ଉପରକୁ ଆକ୍ରମଣ ଘଟଣାରେ ବିଜେପିକୁ ଟାର୍ଗେଟ କଲେ ପିସିସି ସଭାପତି
  • କୋଲକାତାରେ ହଙ୍ଗାମା, ବିଜେପି ରାଲିରେ ପଥରମାଡ
  • ବ୍ରିସବେନ ଟେଷ୍ଟରେ ଭାରତକୁ ୩୨୮ ରନର ବିଜୟ ଲକ୍ଷ୍ୟ
  • ଚାଷୀଙ୍କ ଟ୍ରାକ୍ଟର ପରେଡ୍ ନେଇ ଆସନ୍ତା ବୁଧବାର ଶୁଣାଣି କରିବେ ସୁପ୍ରିମକୋର୍ଟ

କୋରୋନା ଭ୍ୟାକ୍ସିନକୁ ନେଇ ବହୁତ ବଡ଼ ଖରାପ ଖବର ଦେଲା WHO

ସ୍ୱାମୀନାଥନ୍ କହିଛନ୍ତି ଯେ, "WHO ର କୋଭାକସ୍ ପଦକ୍ଷେପ ଅନୁଯାୟୀ ଆୟର ବିଭିନ୍ନ ସ୍ତରର ଥିବା ଦେଶରେ ନ୍ୟାୟ ସଙ୍ଗତ ଭାବେ ଟୀକା ପହଞ୍ଚାଇବାର କାର୍ଯ୍ୟ କରାଯିବ । ଏଥିପାଇଁ ଆସନ୍ତା ବର୍ଷ ମଧ୍ୟଭାଗରେ କୋଟି କୋଟି କୋରୋନା ଟୀକା ଡୋଜ୍ ପ୍ରସ୍ତୁତ କରିବାକୁ ପଡିବ ।

| Sep 21, 2020, 17:24 PM IST
1/9

ନୂଆଦିଲ୍ଲୀ: କୋରୋନା ଭୂତାଣୁର ଏକ ପ୍ରଭାବଶାଳୀ ଟୀକା (Coronavirus Vaccine) ପାଇବା ପାଇଁ ସମଗ୍ର ବିଶ୍ୱ ଉତ୍ସାହର ସହିତ ଅପେକ୍ଷା କରିଛି । ଏହି ସମୟରେ ମିଳିତ ଜାତିସଂଘର ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ର ମୁଖ୍ୟ ବୈଜ୍ଞାନିକ ସୌମ୍ୟା ସ୍ୱାମୀନାଥନଙ୍କ ଏକ ବୟାନରୁ ଲୋକଙ୍କ ଆଶାକୁ ବଡ଼ ଝଟକା ଲାଗିଛି । ମଙ୍ଗଳବାର ସେ ଏକ ବୟାନରେ କହିଛନ୍ତି ଯେ, ସାମାନ୍ୟ ଜୀବନକୁ ଫେରିବା ପାଇଁ ୨୦୨୨ ପୂର୍ବରୁ ପର୍ଯ୍ୟାନ୍ତ ମାତ୍ରାରେ କୋଭିଡ-19 ଭ୍ୟାକ୍ସିନ (COVID-19 Vaccine) ମିଳିବା କଷ୍ଟକର ହେବ ।

 

2/9

ସ୍ୱାମୀନାଥନ୍ କହିଛନ୍ତି ଯେ, "WHO ର କୋଭାକସ୍ ପଦକ୍ଷେପ ଅନୁଯାୟୀ ଆୟର ବିଭିନ୍ନ ସ୍ତରର ଥିବା ଦେଶରେ ନ୍ୟାୟ ସଙ୍ଗତ ଭାବେ ଟୀକା ପହଞ୍ଚାଇବାର କାର୍ଯ୍ୟ କରାଯିବ । ଏଥିପାଇଁ ଆସନ୍ତା ବର୍ଷ ମଧ୍ୟଭାଗରେ କୋଟି କୋଟି କୋରୋନା ଟୀକା ଡୋଜ୍ ପ୍ରସ୍ତୁତ କରିବାକୁ ପଡିବ । ଏହାର ଅର୍ଥ ହେଉଛି ଏହା ସହିତ ଜଡ଼ିତ ୧୭୦ଟି ଦେଶ କିମ୍ବା ଅର୍ଥବ୍ୟବସ୍ଥାକୁ କିଛି ନା କିଛି ନିଶ୍ଚିୟ ମିଳିବ ।"

3/9

ତଥାପି, ଯେପର୍ଯ୍ୟନ୍ତ ଟୀକା ଉତ୍ପାଦନ ବୃଦ୍ଧି ନହେବ, ସେପର୍ଯ୍ୟନ୍ତ ମାସ୍କ ପିନ୍ଧିବା ଓ ସାମାଜିକ ଦୂରତାର ଆବଶ୍ୟକତାକୁ ବଦଳାଇବା ପାଇଁ କେବଳ ଅଳ୍ପ ସଂଖ୍ୟକ ଡୋଜ୍ ଉପଲବ୍ଧ ହେବ । ୨୦୨୧ ଶେଷ ସୁଦ୍ଧା ୨ ବିଲିୟନ ଡୋଜ ଟୀକା ହାସଲ କରିବାକୁ ଲକ୍ଷ୍ୟ ରଖାଯିବ ।

4/9

ସେ କହିଛନ୍ତି ଯେ, ଲୋକମାନେ ଅନୁଭବ କରୁଛନ୍ତି ଯେ ଆସନ୍ତା ବର୍ଷ ଜାନୁଆରୀରେ ସମଗ୍ର ବିଶ୍ୱ ଟୀକା ପାଇବ ଏବଂ ସେମାନେ ପୁଣି ସାଧାରଣ ଜୀବନକୁ ଫେରିବେ । ବାସ୍ତବରେ ଏପରି ହେବ ନାହିଁ । ୨୦୨୧ର ମଧ୍ୟଭାଗରେ ଆମେ ଟୀକା ରୋଲଆଉଟର ସଠିକ୍ ମୂଲ୍ୟାଙ୍କନ କରିବାକୁ ସକ୍ଷମ ହେବୁ । କାରଣ ୨୦୨୧ ଆରମ୍ଭ ସୁଦ୍ଧା ଆପଣ ଏହି ଟୀକାର ଫଳାଫଳ ଦେଖିବା ଆରମ୍ଭ କରିବେ ।

ଅଧିକ ପଢ଼ନ୍ତୁ:-ମହାକାଶରୁ ମାଡ଼ି ଆସୁଛି ଆଉ ଏକ ବଡ଼ ସଙ୍କଟ !

5/9

ତେବେ ଏହି କ୍ଷେତ୍ରରେ ଚୀନ୍ ଅତ୍ୟଧିକ ଆକ୍ରାମକତା ସହ ଆଗକୁ ବଢ଼ୁଛି । ଚାଇନାର ରୋଗ ଏବଂ ପ୍ରତିରୋଧ କେନ୍ଦ୍ରର ୱୁ ଗିଜିନ୍ ମଙ୍ଗଳବାର କହିଛନ୍ତି ଯେ, ନଭେମ୍ବର-ଡିସେମ୍ବର ସୁଦ୍ଧା ଚୀନକୁ ସ୍ଥାନୀୟ ଭାବରେ ଏହି ଟୀକା ବିକଶିତ କରିବାର ଅନୁମତି ମିଳିଯିବ । ଅନ୍ୟପକ୍ଷରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଚାରି ସପ୍ତାହ ମଧ୍ୟରେ କୋରୋନା ଟୀକା ଦେବାର ଦାବି କରିଛନ୍ତି । ରାଜନୈତିକ ଚାପରେ ଫାର୍ମାସ୍ୟୁଟିକାଲ୍ କମ୍ପାନୀଗୁଡିକ ମଧ୍ୟ ଜରୁରୀକାଳୀନ ସମୟରେ ଟୀକା ବ୍ୟବହାର କରିବାକୁ ଲାଇସେନ୍ସ ପ୍ରଦାନ କରିପାରେ ।

6/9

ସ୍ୱାମୀନାଥନ୍ କହିଛନ୍ତି, ସମସ୍ତ ଟ୍ରାୟଲ ଯାହା ଚାଲୁଛି, ତାହା ଅତି କମରେ ଶେଷ ହେବାକୁ ୧୨ ମାସ ଲାଗିବ । ଏହା ଏପରି ସମୟ ହେବ ଯେତେବେଳେ ଆପଣ ଦେଖିବେ ଯେ ପ୍ରଥମ ସପ୍ତାହରେ ଟୀକାକରଣର କୌଣସି ପାର୍ଶ୍ୱ ପ୍ରତିକ୍ରିୟା ତ ନାହିଁ । ଯେହେତୁ ଏହା ଏକ ମହାମାରୀ, ଅନେକ ନିୟାମକ ଜରୁରୀକାଳୀନ ବ୍ୟବହାରର ଏକ ତାଲିକା ପ୍ରସ୍ତୁତ କରିବାକୁ ହେବ । କିନ୍ତୁ ଏଥିପାଇଁ ମଧ୍ୟ ମାନଦଣ୍ଡ ସ୍ଥିର କରିବା ଆବଶ୍ୟକ ।

7/9

ସେ କହିଛନ୍ତି ଯେ, ଆମେ କେବଳ ଟୀକାକରଣର ପ୍ରଭାବ ଦେଖିବାକୁ ଚାହୁଁଛୁ । ଅନ୍ୟପକ୍ଷେ ମୁଁ ଭାବୁଛି ଲୋକଙ୍କ ପାଇଁ ସୁରକ୍ଷା ଅଧିକ ଗୁରୁତ୍ୱପୂର୍ଣ୍ଣ । ଆମେରିକାର ଫୁଡ ଆଣ୍ଡ ଡ୍ରଗ୍ସ ଆଡମିନିଷ୍ଟ୍ରେଶନ (FDA) ଖୁବ୍ ଶୀଘ୍ର ଟୀକାର ଜରୁରୀକାଳୀନ ବ୍ୟବହାର ପାଇଁ ଏକ ଗାଇଡଲାଇନ ଜାରି କରିବ ।

 

8/9

ଚୀନ୍ ଏହାର ଅଧିକାରୀଙ୍କ ଉପରେ ଜୁଲାଇରୁ ଜରୁରୀକାଳୀନ ବ୍ୟବହାର ପ୍ରାଧିକରଣ ଅଧୀନରେ ତିନୋଟି ଟୀକା ବ୍ୟବହାର କରୁଛି । ଜୁନ୍ ମାସରୁ ସୈନିକମାନଙ୍କ ଉପରେ ଏକ ଟୀକା ବ୍ୟବହାର କରାଯାଉଛି । ଚୀନର ଏକ ଔଷଧ କମ୍ପାନୀର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ବର୍ତ୍ତମାନ ପର୍ଯ୍ୟନ୍ତ ଦେଶରେ ଲକ୍ଷ ଲକ୍ଷ ଲୋକଙ୍କୁ ଟୀକାକରଣ କରାଯାଇଛି ।

ଅଧିକ ପଢ଼ନ୍ତୁ:-ଜାଣନ୍ତୁ ଭାରତକୁ କେବେ ମିଳିବ କୋରୋନା ଭ୍ୟାକ୍ସିନ

9/9

ଯେତେବେଳେ ଚୀନ୍ ଓ ଆମେରିକାର ସ୍ଥିତି ବିଷୟରେ ସ୍ୱାମୀନାଥନଙ୍କୁ ପଚରାଗଲା, ସେ କହିଛନ୍ତି ଯେ ନେଶନାଲ ରେଗୁଲେଟର୍ସଙ୍କୁ ସେମାନଙ୍କ ସୀମା ମଧ୍ୟରେ ଏହା କରିବାର ଅଧିକାର ଅଛି । ତଥାପି ସେ ଆହୁରି ମଧ୍ୟ କହିଛନ୍ତି ଯେ ରେଗୁଲେଟର୍ସମାନେ ତଥ୍ୟ ପାଇଁ କମ୍ପାନୀମାନଙ୍କୁ ସମୟସୀମା ଦେବା ଉଚିତ୍ । ପରୀକ୍ଷଣର ଶେଷ ପର୍ଯ୍ୟାୟରେ ଯଦି ଆବଶ୍ୟକ ସର୍ତ୍ତ ପୂରଣ ହୋଇନାହିଁ, ତେବେ ଜରୁରୀକାଳୀନ ଲାଇସେନ୍ସ ବାତିଲ କରାଯାଇପାରିବ ।