ଆସନ୍ତାକାଲି ଓଡ଼ିଶା-ପଶ୍ଚିମବଙ୍ଗ ଆସୁଛନ୍ତି ପିଏମ ମୋଦି

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଆଜି ଅର୍ଥାତ ଗୁରୁବାର ପ୍ରଧାନମନ୍ତ୍ରୀ ମୋଦିଙ୍କୁ ରାଜ୍ୟ ଗସ୍ତ କରିବାକୁ ନିବେଦନ କରିଥିଲେ । ସିଏମ ମମତାଙ୍କ ଆବେଦନକୁ ଗ୍ରହଣ କରି ପ୍ରଧାନମନ୍ତ୍ରୀ ମୋଦି ବେଙ୍ଗଲ ଗସ୍ତରେ ଯାଇ ପରିସ୍ଥିତିର ଅନୁଧ୍ୟାନ କରିବେ ।

ଆସନ୍ତାକାଲି ଓଡ଼ିଶା-ପଶ୍ଚିମବଙ୍ଗ ଆସୁଛନ୍ତି ପିଏମ ମୋଦି

ନୂଆଦିଲ୍ଲୀ: ଓଡ଼ିଶା-ପଶ୍ଚିମବଙ୍ଗକୁ ଆସୁଛନ୍ତି ପିଏମ ମୋଦି । ଆସନ୍ତାକାଲି(ଶୁକ୍ରବାର) ବାତ୍ୟା ପ୍ରଭାବିତ ଅଞ୍ଚଳର ପରିଦର୍ଶନ କରିବେ ମୋଦି । ଓଡ଼ିଶା ସମେତ ପଶ୍ଚିମବଙ୍ଗ ଆସି ଅମ୍ଫାନ ଯୋଗୁଁ ରାଜ୍ୟରେ ହୋଇଥିବା କ୍ଷୟକ୍ଷତିର ଆକଳନ କରିବେ । ପ୍ରଧାନମନ୍ତ୍ରୀ ମୋଦି ଆସନ୍ତାକାଲି ସକାଳ ୧୦.୩୦ରେ କୋଲକାତା ବିମାନବନ୍ଦରରେ ପହଞ୍ଚିବେ । ଏହା ପରେ ପ୍ରଧାନମନ୍ତ୍ରୀ ମୋଦି ଓ ମମତା ବାନାର୍ଜୀ କୋଲକାତା ସମେତ ଉତ୍ତର ଓ ଦକ୍ଷିଣ ୨୪ ପରଗନାର ପ୍ରଭାବିତ ଅଞ୍ଚଳ ଉପରେ ଏକ ବିମାନ ସର୍ଭେ କରିବେ ।

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଆଜି ଅର୍ଥାତ ଗୁରୁବାର ପ୍ରଧାନମନ୍ତ୍ରୀ ମୋଦିଙ୍କୁ ରାଜ୍ୟ ଗସ୍ତ କରିବାକୁ ନିବେଦନ କରିଥିଲେ । ସିଏମ ମମତାଙ୍କ ଆବେଦନକୁ ଗ୍ରହଣ କରି ପ୍ରଧାନମନ୍ତ୍ରୀ ମୋଦି ବେଙ୍ଗଲ ଗସ୍ତରେ ଯାଇ ପରିସ୍ଥିତିର ଅନୁଧ୍ୟାନ କରିବେ ।

ପ୍ରଧାନମନ୍ତ୍ରୀ ମୋଦି ନିଜେ ଅମ୍ଫାନ ଦ୍ୱାରା ପ୍ରଭାବିତ ରାଜ୍ୟ ଉପରେ ନଜର ରଖିଛନ୍ତି । ସେ ଟ୍ୱିଟ୍ କରି କହିଛନ୍ତି ଯେ, ଅମ୍ଫାନ ଯୋଗୁଁ ପଶ୍ଚିମବଙ୍ଗରେ ହୋଇଥିବା ବିନାଶର ଚିତ୍ର ମୁଁ ଦେଖୁଛି । ଏହା ଅତ୍ୟନ୍ତ କଷ୍ଟକର ସମୟ । ସମଗ୍ର ଦେଶ ଏହି ସମୟରେ ପଶ୍ଚିମବଙ୍ଗ ସହିତ କାନ୍ଧରେ କାନ୍ଧ ଦେଇ ଛିଡା ହୋଇଛି । ଆମେ ରାଜ୍ୟବାସୀଙ୍କ ଭଲ ପାଇଁ କାମନା କରୁଛୁ । ପରିସ୍ଥିତିକୁ ସ୍ୱାଭାବିକ କରିବାକୁ ଚେଷ୍ଟା ଚାଲିଛି ।