Handawa Encounter: ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି ଦେଲେ ପିଏମ ମୋଦି

ନୂଆଦିଲ୍ଲୀ: ଜମ୍ମୁ କାଶ୍ମୀରର ହନ୍ଦୱାରା ଠାରେ ସୁରକ୍ଷା ବାହିନୀ ଏବଂ ଆତଙ୍କୀଙ୍କ ମଧ୍ୟରେ ହୋଇଥିବା ଏନକାଉଣ୍ଟରରେ ୨ ସେନା ଅଧିକାରୀଙ୍କ ସମେତ ୫ ଜଣ ଯବାନ ଶହୀଦ ହୋଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ଟ୍ୱିଟ୍ କରି ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ସେ ତାଙ୍କ ଟ୍ୱିଟରେ ଲେଖିଛନ୍ତ,  "ହନ୍ଦୱାରାରେ ଶହୀଦ ହୋଇଥିବା ଆମର ସୈନିକ ତଥା ସୁରକ୍ଷା କର୍ମୀଙ୍କୁ ଶ୍ରଦ୍ଧାଞ୍ଜଳି । ସେମାନଙ୍କର ବୀରତ୍ୱ ଏବଂ ବଳିଦାନ କେବେ ଭୁଲି ହେବନାହିଁ । ସେମାନେ ବହୁତ ସମର୍ପଣ ଭାବରେ ଦେଶର ସେବା କରିଛନ୍ତି । ଆମ ନାଗରିକଙ୍କ ସୁରକ୍ଷା ପାଇଁ ନିରନ୍ତର କାର୍ଯ୍ୟ କରିଥିଲେ । ତାଙ୍କ ପରିବାର ଏବଂ ବନ୍ଧୁମାନଙ୍କୁ ମୋର ସମବେଦନା । "

Tributes to our courageous soldiers and security personnel martyred in Handwara. Their valour and sacrifice will never be forgotten. They served the nation with utmost dedication and worked tirelessly to protect our citizens. Condolences to their families and friends.

— Narendra Modi (@narendramodi) May 3, 2020

Add Zee News as a Preferred Source

ଜମ୍ମୁ କାଶ୍ମୀରର ହନ୍ଦୱାରା ଠାରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଶନିବାର ବିଳମ୍ବିତ ରାତି ପର୍ଯ୍ୟନ୍ତ ଏକ ଏନକାଉଣ୍ଟର ହୋଇଥିଲା । ଏହି ଏନକାଉଣ୍ଟରରେ ଜଣେ ସେନା କର୍ଣ୍ଣେଲ, ଜଣେ ମେଜର ସମେତ ୪ ଜଣ ଯବାନ ଶହୀଦ ହୋଇଛନ୍ତି । ଏହାସହ ଜମ୍ମୁ କଶ୍ମୀର ପୋଲିସର ଜଣେ ଅଧିକାରୀ ଶହୀଦ ହୋଇଛନ୍ତି । ଶହୀଦ ହୋଇଥିବା ବ୍ୟକ୍ତିଙ୍କ ମଧ୍ୟରେ ରାଷ୍ଟ୍ରୀୟ ରାଇଫଲ୍ସର କର୍ଣ୍ଣେଲ ଆଶୁତୋଷ ଶର୍ମା, ମେଜର ଅନୁଜ ସୁଦ ଏବଂ ପୋଲିସର ସବ-ଇନ୍ସପେକ୍ଟର ଶକିଲ କାଜୀ ସାମିଲ ଅଛନ୍ତି । ଏଥିସହ ଏହି ଏନକାଉଣ୍ଟରରେ ଦୁଇ ଆତଙ୍କବାଦୀ ମଧ୍ୟ ନିହତ ହୋଇଛନ୍ତି ।

ପ୍ରଧାନମନ୍ତ୍ରୀ ମୋଦୀଙ୍କ ପୂର୍ବରୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ସେ ଟ୍ୱିଟରେ ଲେଖିଛନ୍ତି- ହନ୍ଦୱାରାରେ ସୈନିକ ଏବଂ ସୁରକ୍ଷା କର୍ମୀଙ୍କ ଶହୀଦ ଦୁଃଖଦାୟକ ଏବଂ ବିବ୍ରତ କରୁଛି । ଆତଙ୍କବାଦୀଙ୍କ ମୁକାବିଲାରେ ସେମାନେ ଅଦମ୍ୟ ସାହସ ଦେଖାଇ ବହୁତ ବଡ଼ ବଳିଦାନ ଦେଇଛନ୍ତି । ସେମାନଙ୍କର ବଳିଦାନ ଏବଂ ସାହସ କେବେବି ଭୁଲି ହେବନାହିଁ ।