 "ଜେଡି ଭାନ୍ସଙ୍କ ସହ ପ୍ରଧାନମନ୍ତ୍ରୀଙ୍କ ବାର୍ତ୍ତାଳାପ, ପାକିସ୍ତାନର ଗୁଳିକୁ ଗୋଳାରେ ଜବାବ ଦେବୁ...")
PM Narendra Modi: ନ୍ୟୁୟର୍କ ଟାଇମ୍ସ ରିପୋର୍ଟ ଅନୁଯାୟୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆମେରିକାର ଉପରାଷ୍ଟ୍ରପତି ଜେଡି ଭାନ୍ସଙ୍କ ସହ ଆଲୋଚନା କରିଛନ୍ତି । ମୋଦୀ ସ୍ପଷ୍ଟ ଭାବରେ କହିଛନ୍ତି ଯେ, ଯଦି ପାକିସ୍ତାନ କିଛି କରେ ତେବେ ଆମର ଜବାବ ଆହୁରି କଠୋର ହେବ। ପାକିସ୍ତାନ ଭାରତର ୨୬ଟି ସ୍ଥାନରେ ଆକ୍ରମଣ କରିଥିଲା ଏବଂ ଏହାର କଡ଼ା ଜବାବ ଦେଇଥିଲା ଭାରତୀୟ ସେନା। ସେମାନଙ୍କର ଆଡ୍ଡା ଉପରେ ଆକ୍ରମଣ କରାଯାଇଥିଲା।
ସୂତ୍ର ଅନୁସାରେ, ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ, କାଶ୍ମୀର ଉପରେ ଆମର ସ୍ଥିତି ବହୁତ ସ୍ପଷ୍ଟ, ଏବେ କେବଳ ଗୋଟିଏ ପ୍ରସଙ୍ଗ ବାକି ଅଛି - ପାକିସ୍ତାନ ଅଧିକୃତ କାଶ୍ମୀର (POK) ଫେରସ୍ତ। ଏହା ବ୍ୟତୀତ ଆଉ କିଛି ନାହିଁ। ଯଦି ସେମାନେ ଆତଙ୍କବାଦୀମାନଙ୍କୁ ହସ୍ତାନ୍ତର କରିବା ବିଷୟରେ କଥା ହୁଅନ୍ତି, ତେବେ ଆମେ ଆଲୋଚନା କରିବୁ। ଅନ୍ୟ କୌଣସି ବିଷୟରେ କଥା ହେବାର ମୋର କୌଣସି ଉଦ୍ଦେଶ୍ୟ ନାହିଁ। ଏ ଘଟଣାରେ ଅନ୍ୟ କେହି ମଧ୍ୟସ୍ଥତା କରନ୍ତୁ ବୋଲି ଆମେ ଚାହୁଁନାହୁଁ। ଆମକୁ ମଧ୍ୟ ଅନ୍ୟ କାହାର ମଧ୍ୟସ୍ଥତାର ଆବଶ୍ୟକତା ନାହିଁ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜେଡି ଭାନ୍ସଙ୍କ ସହ କଥାବାର୍ତ୍ତାରେ ଏହା ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି ଯେ, 'ସେଠାରୁ ଗୁଳି ଫୁଟିଲେ, ଏଠାରୁ ଗୋଳା ଫୁଟିବ'। ପ୍ରତ୍ୟେକ ପର୍ଯ୍ୟାୟରେ ପାକିସ୍ତାନ ପାଇଁ ପରିସ୍ଥିତି ଆହୁରି ଖରାପ ହେବାକୁ ଲାଗିଛି । ଯୁଦ୍ଧର ପ୍ରତ୍ୟେକ ପର୍ଯ୍ୟାୟରେ ସେମାନେ ଭାରତ ଦ୍ୱାରା ପରାସ୍ତ ହୋଇଥିଲେ। ପାକିସ୍ତାନ ବାୟୁସେନା ଘାଟି ଉପରେ ଆମର ଆକ୍ରମଣ ପରେ, ପାକିସ୍ତାନ ଅନୁଭବ କରିଛି ଯେ, ସେମାନେ ଏହି ସ୍ତରରେ ନାହାନ୍ତି।
ସୂତ୍ର ଅନୁସାରେ, ପ୍ରଧାନମନ୍ତ୍ରୀ ମୋଦୀ ଜେଡି ଭାନ୍ସଙ୍କ ସହ ଆଲୋଚନା କରିବା ସମୟରେ କହିଥିଲେ ଯେ, ପ୍ରଯୁକ୍ତିବିଦ୍ୟା ଏବଂ ସାମରିକ ବ୍ୟବହାରରେ ପାର୍ଥକ୍ୟ ଥିଲା, ଭାରତ ଏବଂ ପାକିସ୍ତାନ ମଧ୍ୟରେ ବହୁତ ପାର୍ଥକ୍ୟ ରହିଛି । ପାକିସ୍ତାନ ଅନୁଭବ କରିଛି ଯେ, ସେମାନେ ସେହି ବର୍ଗରେ ନାହାନ୍ତି। ଭାରତ ପକ୍ଷରୁ ଆକ୍ରମଣ କରାଯାଇ ପାକିସ୍ତାନର ଅଧିକାଂଶ ଆକ୍ରମଣକୁ ପଣ୍ଡ କରାଯାଇଛି।
ଅପରେସନରେ ସିନ୍ଦୂରରେ ୩ଟି ଲକ୍ଷ୍ୟ ପୂରଣ ହୋଇଛି ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି । ବାହାୱଲପୁର, ମୁର୍ଦ୍ଦିକେ, ମୁଜାଫରବାଦ କ୍ୟାମ୍ପ ମାଟିରେ ମିଶିଛି । ସିନ୍ଧୁ ନଦୀ ଚୁକ୍ତି ସହ ସୀମା ପାର୍ ଆତଙ୍କବାଦ ଜଡ଼ିତ
। ତେଣୁ ସୀମା ପାର୍ ଆତଙ୍କବାଦ ବନ୍ଦ ନ ହେବା ପର୍ଯ୍ୟନ୍ତ ଚୁକ୍ତି ବାତିଲ୍ କାଏମ୍ ରଖାଯାଇଛି ।
ସୂଚନାଯୋଗ୍ୟ, ଜାତୀୟ ଟେକ୍ନୋନୋଜି ଦିବସରେ ଲକ୍ଷ୍ନୌରେ ଉଦଘାଟିତ ହୋଇଛି ବ୍ରହ୍ମୋସ ଉତ୍ପାଦନ କେନ୍ଦ୍ର। ଭିଡିଓ କନଫରେନ୍ସିଂ ଜରିଆରେ ପ୍ରତିରକ୍ଷା ମନ୍ତ୍ରୀ ଉଦଘାଟନ କରିଛନ୍ତି । ଏହି ଅବସରରେ ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ, ଆଜି ପରମାଣୁ ବୋମା ପରୀକ୍ଷଣ ହୋଇଥିଲା ଏବଂ ଆଜି ବି ବ୍ରହ୍ମୋସ ୟୁନିଟ୍ ଉଦଘାଟିତ ହେଲା । ଏହା ଆମ ପାଇଁ ସ୍ମରଣୀୟ ଦିନ ବୋଲି ରାଜନାଥ କହିଛନ୍ତି ।
)