 "ଭାରତ ଆଡ଼କୁ ଆଖି ଉଠାଇଲେ ପାକିସ୍ତାନର ହେବ ମହାବିନାଶ- ପ୍ରଧାନମନ୍ତ୍ରୀ ମୋଦୀ")
PM Narendra Modi at AFS Adampur: ସେନାବାହିନୀଙ୍କୁ ସାକ୍ଷାତ କରିବା ଅବସରରେ ଆଜି ପ୍ରଧାନମନ୍ତ୍ରୀ ମୋଦୀ ନିଜର ଅଭିଭାଷଣ ଦେଇଛନ୍ତି । ମୋଦୀ କହିଛନ୍ତି ଯେ, ଭାରତ ମାତାର ଜୟ କେବଳ ଏକ ସ୍ଳୋଗାନ ନୁହେଁ ଏହା ଦେଶ ଏବଂ ସୈନିକମାନଙ୍କର ଶପଥ ଯିଏ ଦେଶ ପାଇଁ ନିଜ ଜୀବନ ଉତ୍ସର୍ଗ କରିବାକୁ ପ୍ରସ୍ତୁତ । ଯେତେବେଳେ ସୈନିକ ଭାରତ ମାତାର ଜୟ କୁହନ୍ତି ସେତେବେଳେ ଶତ୍ରୁର କଲିଜା ଧରିଯାଏ । ଆପଣ ସମସ୍ତେ କୋଟି କୋଟି ଭାରତୀୟଙ୍କ ଛାତି ଗର୍ବରେ କୁଣ୍ଢେମୋଟ କରିଦେଇଛନ୍ତି । ଯେତେବେଳେ ବୀରର ପାଦ ମାଟିରେ ପଡିଥାଏ ସେତେବେଳେ ମାଟି ଧନ୍ୟ ହୋଇଯାଏ ।
ପହଲଗାମ ଆକ୍ରମଣ ପରେ ପାକିସ୍ତାନ ବିରୁଦ୍ଧରେ ଭାରତର ଆକ୍ରମଣ ବିଷୟରେ ମୋଦୀ କହିଥିଲେ, "ଆପଣ ସମସ୍ତେ ନିଜ ଲକ୍ଷ୍ୟ ବହୁତ ଭଲ ଭାବରେ ହାସଲ କରିଛ।" ପାକିସ୍ତାନରେ ଥିବା ଆତଙ୍କବାଦୀ ଶିବିର ଏବଂ ସେମାନଙ୍କର ବିମାନବନ୍ଦରଗୁଡ଼ିକୁ କେବଳ ଧ୍ୱଂସ କରାଯାଇ ନଥିଲା, ବରଂ ସେମାନଙ୍କର ଘୃଣ୍ୟ ଯୋଜନା ଏବଂ ସାହସକୁ ମଧ୍ୟ ପରାଜିତ କରାଯାଇଥିଲା।"
ଭାଷଣରେ ପ୍ରଧାନମନ୍ତ୍ରୀ କହିଥିଲେ ଯେ, "ଭାରତ ମାତା କି ଜୟ ସ୍ଲୋଗାନର ଶକ୍ତି ସମଗ୍ର ବିଶ୍ୱ ଦେଖିଛି। ଏହା କେବଳ ଏକ ସ୍ଲୋଗାନ ନୁହେଁ ବରଂ ଏହି ଭୂମିକୁ ସୁରକ୍ଷା ଦେବା ପାଇଁ ନିଜର ସର୍ବସ୍ୱ ଦେଉଥିବା ଦେଶର ପ୍ରତ୍ୟେକ ସୈନିକଙ୍କ ପ୍ରତିଜ୍ଞା।" "ଅପରେସନ୍ ସିନ୍ଦୂର ପରେ ବିଚଳିତ ହୋଇ ଶତ୍ରୁ ଆମର ଅନେକ ବାୟୁସେନା ଘାଟି ଉପରେ ଅନେକ ଥର ଆକ୍ରମଣ କରିବାକୁ ଚେଷ୍ଟା କରିଥିଲା। ସେମାନେ ଆମକୁ ବାରମ୍ବାର ଟାର୍ଗେଟ କରିଥିଲେ କିନ୍ତୁ ପାକିସ୍ତାନର ଘୃଣ୍ୟ ଯୋଜନା ପ୍ରତ୍ୟେକ ଥର ବିଫଳ ହୋଇଥିଲା,"
ମୋଦୀ କହିଛନ୍ତି, "ଭାରତ ଗୌତମ ବୁଦ୍ଧ ଏବଂ ଗୁରୁ ଗୋବିନ୍ଦ ସିଂହଙ୍କ ଭୂମି । ଆମର ଶତ୍ରୁମାନେ ଭୁଲିଯାଇଛନ୍ତି ଯେ, ସେମାନେ ଭାରତର ସଶସ୍ତ୍ର ବାହିନୀକୁ ଚ୍ୟାଲେଞ୍ଜ କରିଛନ୍ତି। ଆତଙ୍କବାଦର ଗଡଫାଦରମାନେ ବୁଝିସାରିଛନ୍ତି ଯେ, ଭାରତ ଉପରେ ଖରାପ ନଜର ପକାଇବା ଦ୍ୱାରା କେବଳ ସେମାନଙ୍କର ବିନାଶ ହେବ," । "ପାକିସ୍ତାନର ଡ୍ରୋନ୍, ସେମାନଙ୍କର UAV, ବିମାନ ଏବଂ କ୍ଷେପଣାସ୍ତ୍ର - ଆମର ସକ୍ଷମ ବାୟୁ ପ୍ରତିରକ୍ଷା ସମ୍ମୁଖରେ ବିଫଳ ହୋଇଛି। ମୁଁ ଦେଶର ସମସ୍ତ ବାୟୁ ଯୋଦ୍ଧାଙ୍କ ନେତୃତ୍ୱ ଏବଂ ଭାରତୀୟ ବାୟୁସେନାର ପ୍ରତ୍ୟେକ ବାୟୁ ଯୋଦ୍ଧାଙ୍କ ପ୍ରତି ମୋର ହୃଦୟର ସହ କୃତଜ୍ଞତା ପ୍ରକାଶ କରୁଛି। ଆପଣମାନେ ପ୍ରକୃତରେ ଏକ ଚମତ୍କାର କାମ କରିଛନ୍ତି," ମୋଦି କହିଛନ୍ତି।
ମୋଦି କହିଥିଲେ, "ଆପଣ ସମସ୍ତେ (ସୈନିକମାନେ) ଆମକୁ ଗର୍ବିତ କରିବା ସହ ଇତିହାସ ସୃଷ୍ଟି କରିଛ। ମୁଁ ଆଜି ସକାଳେ ଆପଣଙ୍କ ପରି ସାହସୀ ସୈନିକଙ୍କୁ ଭେଟିବା ପାଇଁ ଏଠାକୁ ଆସିଛି। ଦଶନ୍ଧି ପରେ ମଧ୍ୟ, ଯେତେବେଳେ ଏହି ଘଟଣା ବିଷୟରେ ଆଲୋଚନା କରାଯିବ, ସେତେବେଳେ ଆପଣମାନେ ହିଁ ଏହାର ପ୍ରଥମ ଅଧ୍ୟାୟରେ ରହିବେ। ଏହା ପରବର୍ତ୍ତୀ ପିଢ଼ି ପାଇଁ ଏକ ପ୍ରେରଣା ହେବ।" ମୋଦୀ କହିଥିଲେ, "ଅପରେସନ୍ ସିନ୍ଦୂର ମାଧ୍ୟମରେ, ଆପଣମାନେ ଭାରତର ଆତ୍ମବିଶ୍ୱାସ ଏବଂ ଲୋକଙ୍କ ମଧ୍ୟରେ ଏକତା ବୃଦ୍ଧି କରିଛନ୍ତି। ଭାରତୀୟ ବାୟୁସେନା ପାକିସ୍ତାନ ଭିତରେ ଥିବା ଆତଙ୍କବାଦୀ ଆଡ୍ଡାଗୁଡ଼ିକୁ ଏତେ ଦ୍ରୁତ ଏବଂ ସଠିକ ଭାବରେ ଟାର୍ଗେଟ କରିଥିଲା ଯେ ଶତ୍ରୁମାନେ ଆଶ୍ଚର୍ଯ୍ୟ ହୋଇଗଲେ।"
ଭାରତୀୟ ସ୍ଥଳ ସେନା,ବାୟୁସେନା ଏବଂ ନୌସେନା ପାକିସ୍ତାନୀ ସେନାକୁ ପରାସ୍ତ କରିଛନ୍ତି। ଆମେ ସେମାନଙ୍କୁ ଏକ ବାର୍ତ୍ତା ଦେଇଛୁ ଯେ, ପାକିସ୍ତାନରେ ଏପରି କୌଣସି ସ୍ଥାନ ନାହିଁ ଯେଉଁଠାରେ ଆତଙ୍କବାଦୀମାନେ ଶାନ୍ତିରେ ରହିପାରିବେ। 'ହମ୍ ଘର ମେ ଘୁସ୍ କେ ମାରେଙ୍ଗେ' (ଆମେ ସେମାନଙ୍କୁ ସେମାନଙ୍କ ଘରେ ପଶି ମାରିବୁ)," ମୋଦୀ କହିଥିଲେ।
ମୋଦୀ ଏକଥା ମଧ୍ୟ କହିଥିଲେ ଯେ, "ସେମାନେ କାପୁରୁଷଙ୍କ ପରି ଆସିଥିଲେ, କିନ୍ତୁ ସେମାନେ ଭୁଲିଯାଇଥିଲେ ଯେ, ସେମାନଙ୍କୁ 'ହିନ୍ଦୁସ୍ତାନର ସେନା'ର ସମ୍ମୁଖୀନ ହେବାକୁ ପଡ଼ିବ। ନଅଟି ଆତଙ୍କବାଦୀ ଆଡ୍ଡା ନଷ୍ଟ କରାଯାଇଥିଲା। ୧୦୦ ରୁ ଅଧିକ ଆତଙ୍କବାଦୀ ନିହତ ହୋଇଥିଲେ। ଏବେ ସେମାନେ ବୁଝିପାରିଛନ୍ତି ଯେ, ଯଦି ସେମାନେ ଭାରତ ଆଡ଼କୁ ଆଖି ଉଠାଇବେ, ତେବେ ପରିଣାମ 'ଭୟଙ୍କର' ହେବ। ସେମାନେ ଜାଣନ୍ତି ଯେ ଯଦି ସେମାନେ ଆମ ଦେଶର ନିର୍ଦ୍ଦୋଷ ନାଗରିକଙ୍କୁ ହତ୍ୟା କରନ୍ତି, ତେବେ ତାହାର ଏକମାତ୍ର ସମାଧାନ ହେଉଛି 'ମହାବିନାଶ' ।
)