ଏବେ ଦିନ ମଜୁରିଆଙ୍କୁ ମିଳିବ Pension! ଜାଣନ୍ତୁ କଣ ରହିବ ନିୟମ

ନୂଆଦିଲ୍ଲୀ: PM Shram Yogi Man Dhan Yojana ଅସଂଗଠିତ କ୍ଷେତ୍ରର ଶ୍ରମିକମାନଙ୍କ ପାଇଁ ଏକ ଉତ୍ତମ ଯୋଜନା। ଏହା ଅଧୀନରେ, ରାସ୍ତାଘାଟରେ କାମ କରୁଥିବା , ରିକ୍ସା ଚାଳକ, ନିର୍ମାଣ ଶ୍ରମିକ ଏବଂ ଅସଂଗଠିତ କ୍ଷେତ୍ର ସହିତ ଜଡିତ ଲୋକଙ୍କୁ ସେମାନଙ୍କର ବୃଦ୍ଧାବସ୍ଥାକୁ ସୁରକ୍ଷିତ ରଖିବାରେ ସାହାଯ୍ୟ କରାଯିବ । ଏହି ଯୋଜନା ଅନ୍ତର୍ଗତ ଶ୍ରମିକମାନଙ୍କୁ ସରକାର ପେନସନ ଗ୍ୟାରେଣ୍ଟି ଦେଇଛନ୍ତି। ଏହି ଯୋଜନାରେ ଦିନକୁ ମାତ୍ର ୨ ଟଙ୍କା ସଞ୍ଚୟ କରି ଆପଣ ବାର୍ଷିକ ୩୬ ହଜାର ଟଙ୍କା ପେନସନ ପାଇପାରିବେ ।

ଏହି ଯୋଜନା ଆରମ୍ଭ କରିବା ସମୟରେ ଆପଣଙ୍କୁ ପ୍ରତି ମାସରେ ୫୫ ଟଙ୍କା ଜମା କରିବାକୁ ପଡିବ । ଅର୍ଥାତ୍ ୧୮  ବର୍ଷ ବୟସରେ ଦିନକୁ ପ୍ରାୟ ୨ ଟଙ୍କା ସଞ୍ଚୟ କରି ଆପଣ ବାର୍ଷିକ ୩୬ ହଜାର ଟଙ୍କା ପେନସନ ପାଇପାରିବେ । ଯଦି ଜଣେ ବ୍ୟକ୍ତି ୪୦ ବର୍ଷ ବୟସରୁ ଏହି ଯୋଜନା ଆରମ୍ଭ କରନ୍ତି, ତେବେ ତାଙ୍କୁ ପ୍ରତି ମାସରେ ୨୦୦ ଟଙ୍କା ଜମା କରିବାକୁ ପଡିବ । ଆପଣଙ୍କ ୬୦ ବର୍ଷ ବୟସ ପରେ ପେନସନ (Pension) ପାଇବା ଆରମ୍ଭ କରିବେ । ୬୦ ବର୍ଷ ପରେ, ଆପଣ ପ୍ରତି ମାସରେ ୩ହଜାର ଟଙ୍କା ଅର୍ଥାତ୍ ବାର୍ଷିକ ୩୬ ହଜାର ଟଙ୍କା ପେନସନ ପାଇବେ ।

ଏହି ଯୋଜନାର ଲାଭ ଉଠାଇବାକୁ ହେଲେ ଆପଣଙ୍କ ପାଖରେ ଏକ ସେଭିଂ ବ୍ୟାଙ୍କ ଆକାଉଣ୍ଟ ଏବଂ ଆଧାର କାର୍ଡ ଥିବା ଆବଶ୍ୟକ । ଉକ୍ତ ବ୍ୟକ୍ତିଙ୍କ ବୟସ ୧୮ ବର୍ଷରୁ କମ୍ ଏବଂ ୪୦ ବର୍ଷରୁ ଅଧିକ ହେବା ଉଚିତ୍ ନୁହେଁ ।
ଏଥିପାଇଁ ଆପଣଙ୍କୁ ସାଧାରଣ ସେବା କେନ୍ଦ୍ର (CSC) ରେ ଏହି ଯୋଜନା ପାଇଁ ପଞ୍ଜିକରଣ କରିବାକୁ ପଡିବ। ଶ୍ରମିକମାନେ CSC କେନ୍ଦ୍ରରେ ପୋର୍ଟାଲରେ ନିଜକୁ ପଞ୍ଜୀକୃତ କରିପାରିବେ । ଏହି ଯୋଜନା ପାଇଁ ସରକାର ଏକ ୱେବ୍ ପୋର୍ଟାଲ୍ ମଧ୍ୟ ସୃଷ୍ଟି କରିଛନ୍ତି। ଏହି କେନ୍ଦ୍ରଗୁଡ଼ିକ ମାଧ୍ୟମରେ ଅନଲାଇନ (Online) ରେ ଥିବା ସମସ୍ତ ତଥ୍ୟ ଭାରତ ସରକାରଙ୍କ ନିକଟକୁ ଯିବ ।

ପଞ୍ଜୀକରଣ ପାଇଁ, ଆପଣଙ୍କ ଆଧାର କାର୍ଡ, ସଞ୍ଚୟ କିମ୍ବା ଜନ ଧନ ବ୍ୟାଙ୍କ ଆକାଉଣ୍ଟ ପାସବୁକ୍, ମୋବାଇଲ୍ ନମ୍ବର ଜରୁରୀ । ଏହା ବ୍ୟତୀତ ସମ୍ମତି ପତ୍ର ପ୍ରଦାନ କରିବାକୁ ପଡିବ ଯାହା ବ୍ୟାଙ୍କ ଶାଖାରେ ମଧ୍ୟ ଦେବାକୁ ପଡିବ ଯେଉଁଠାରେ ଶ୍ରମିକଙ୍କର ବ୍ୟାଙ୍କ ଆକାଉଣ୍ଟ ରହିବ, ଯାହାଫଳରେ ତାଙ୍କ ବ୍ୟାଙ୍କ ଆକାଉଣ୍ଟରୁ ପେନ୍‌ସନ୍‌ ପାଇଁ ଟଙ୍କା କଟାଯାଇପାରିବ ।

PM Shram Yogi Man Dhan Yojana  ଅଧୀନରେ ଯେକୌଣସି ଅସଂଗଠିତ କ୍ଷେତ୍ରର କର୍ମଚାରୀ, ଯାହାଙ୍କ ବୟସ ୪୦ ବର୍ଷରୁ କମ୍ ଏବଂ କୌଣସି ସରକାରୀ ଯୋଜନାର ଲାଭ ଉଠାଉନଥିବେ ସେମାନେ ହିଁ ଏହାର ଲାଭ ଉଠାଇ ପାରିବେ । ତେବେ ସବୁଠାରୁ ବଡ଼ ଏବଂ ଗୁରୁତ୍ୱପୂର୍ଣ୍ଣ କଥା ଯେ, ଏହି ଯୋଜନା ପାଇଁ ଆବେଦନ କରୁଥିବା ବ୍ୟକ୍ତିଙ୍କ ମାସିକ ଆୟ ୧୫ ହଜାର ଟଙ୍କାରୁ କମ୍ ହେବା ଉଚିତ୍ ।