ରାହୁଲ ଗାନ୍ଧୀଙ୍କ ହମଲା, ପ୍ରଧାନମନ୍ତ୍ରୀ ଚୀନକୁ ସମର୍ପଣ କରିଛନ୍ତି ଭାରତୀୟ କ୍ଷେତ୍ର

ନୂଆଦିଲ୍ଲୀ: ଲଦାଖ ଗଲୱାନ ଘାଟିରେ ଚୀନ ସହ ରକ୍ତାକ୍ତ ସଂଘର୍ଷରେ ୨୦ ଭାରତୀୟ ଯବାନ ଶହୀଦ ହେବା ପରେ ସମଗ୍ର ଦେଶ ଏବେ କ୍ରୋଧରେ ଅଛି । ଆଉ ଏହାରି ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଭିମୁଖ୍ୟକୁ ନେଇ ପ୍ରଶ୍ନ ଉଠାଇଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ଚୀନର ଆକ୍ରମଣରେ ପ୍ରଧାନମନ୍ତ୍ରୀ ଭାରତୀୟ ଅଞ୍ଚଳକୁ ସମର୍ପଣ କରିଥିବା କହିଛନ୍ତି ରାହୁଲ । 

ରାହୁଲ ଗାନ୍ଧୀ ପ୍ରଶ୍ନ କରିଛନ୍ତି, ଯଦି ସେହି ଅଞ୍ଚଳ ଚୀନର ଥିଲା ତେବେ ଭାରତୀୟ ସୈନିକ କାହିଁକି ଶହୀଦ ହେଲେ ? ଆମ ସୈନିକଙ୍କୁ କେଉଁଠାରେ ହତ୍ୟା କରାଯାଇଥିଲା ? 

PM has surrendered Indian territory to Chinese aggression.

Add Zee News as a Preferred Source

If the land was Chinese:
1. Why were our soldiers killed?
2. Where were they killed? pic.twitter.com/vZFVqtu3fD

— Rahul Gandhi (@RahulGandhi) June 20, 2020

ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସର୍ବଦଳୀୟ ବୈଠକ ପରେ ଯେଉଁ ବକ୍ତବ୍ୟ ରଖିଥିଲେ ତାକୁ କାଉଣ୍ଟର କରିଛନ୍ତି ରାହୁଲ । ଆମର ସୀମାକୁ କେହି ପଶିଆସି ନ ଥିବା କହିଥିଲେ ପ୍ରଧାନମନ୍ତ୍ରୀ । ସେହିପରି ଆମର କୌଣସି ବି ପୋଷ୍ଟ ଅନ୍ୟ କାହାର କବଜାରେ ନାହିଁ ବୋଲି ସଫା ସଫା କହିଥିଲେ ମୋଦି । ଲଦାଖରେ ଆମର ୨୦ ଯବାନ ଶଦୀଦ ହୋଇଛନ୍ତି, କିନ୍ତୁ ଯିଏ ଭାରତ ମାତା ଆଡ଼କୁ ଆଖି ଉଠାଇ ଦେଖିଛି, ତାକୁ ସବକ ମଧ୍ୟ ଶିଖାଇ ଦେଇଥିବା ମୋଦି କହିଥିଲେ । 

ତେବେ ରାହୁଲଙ୍କ ପ୍ରଶ୍ନ ଏହା ଯେ, ଭାରତୀୟ ଯବାନ ଶହୀଦ ହୋଇଥିବା ସ୍ଥାନ ଯଦି ଚୀନର ଥିଲା, ତେବେ ଆମ ସୈନିକଙ୍କୁ ମରାଗଲା କାହିଁକି ? ଭାରତୀୟ ସୈନିକଙ୍କୁ କେଉଁଠି ମରାଯାଇଛି ବୋଲି ପ୍ରଶ୍ନ କରିଛନ୍ତି କଂଗ୍ରେସ ନେତା ।