କୋଭିଡ୍ ୧୯ ପୂର୍ବରୁ ଯେଉଁ ଟିକେଟ କରାଯାଇଛି, ସବୁ ହେବ ବାତିଲ

ଶାନ୍ତସ୍ୱରୂପ ରାଉତ, ଭୁବନେଶ୍ୱର: ଯେଉଁ ଟ୍ରେନ ଗୁଡ଼ିକ ୩୦ ଜୁନ ୨୦୨୦ ମଧ୍ୟରାତ୍ରୀ ପର୍ଯ୍ୟନ୍ତ ବାତିଲ ହୋଇଥିଲା, ତାହା ପୁନର୍ବାର ୧୨ ଅଗଷ୍ଟ ୨୦୨୦ ପର୍ଯ୍ୟନ୍ତ ବାତିଲ କରାଯାଇଛି । ଅର୍ଥାତ ଜୁଲାଇ ୧ରୁ ସ୍ୱାଭାବିକ ହେବ ନାହିଁ ଟ୍ରେନ ଚଳାଚଳ । କେବଳ ସମସ୍ତ ସ୍ୱତନ୍ତ୍ର ଟ୍ରେନ ହିଁ ଚଳାଚଳ କରିବ । ଅନ୍ୟ ସମସ୍ତ ନିୟମିତ ମେଲ/ଏକ୍ସପ୍ରେସ ଟ୍ରେନ, ପ୍ରିମିୟମ ଟ୍ରେନ, ଇଣ୍ଟରସିଟି ଓ ଲୋକାଲ ପେସେଞ୍ଜର ଟ୍ରେନକୁ ପୁନର୍ବାର ବାତିଲ କରାଯାଇଛି । 

ତେବେ ଯେଉଁ ସବୁ ଟିକେଟ ନିୟମିତ ଟାଇମ ଟେବୁଲ ଟ୍ରେନରେ ୧୨ ଅଗଷ୍ଟ ୨୦୨୦ ପର୍ଯ୍ୟନ୍ତ କରାଯାଇଛି, ଟାହାର ସମ୍ପୂର୍ଣ୍ଣ ଟଙ୍କା ଫେରସ୍ତ କରାଯିବ । ରେଳ ବିଭାଗର ଯେଉଁ ନିୟମ ରହିଛି, ସେହି ଅନୁସାରେ ଯାତ୍ରୀ ଟଙ୍କା ଫେରିପାଇବେ । କେବଳ ସେତିକି ନୁହେଁ, କୋଭିଡ ୧୯ ପୂର୍ବରୁ ଯେତିକି ଟିକେଟ କରାଯାଇଛି, ସେସବୁ ବାତିଲ ହୋଇଯିବ । ରେଳପଥ ଦ୍ୱାରା ବାତିଲର ସମ୍ପୂର୍ଣ୍ଣ ଦେୟ ଫେରସ୍ତ ହେବ । ରେଳ ବିଭାଗ ପକ୍ଷରୁ ଏନେଇ ସୂଚନା ଦିଆଯାଇଛି । 

ସେହିପରି ଯେଉଁସବୁ ଟ୍ରେନ ୧୨ ମଇ ୨୦୨୦ ଏବଂ ଜୁନ ପହିଲାରୁ ସ୍ୱତନ୍ତ୍ର ରୁଟ ଓ ଟାଇମ ଟେବୁଲ ଦେଇ ଚଳାଚଳ କରୁଛି, ତାହା ସେହିପରି ଚଳାଚଳ କରିବ । ଆଗକୁ କୌଣସି ପରିବର୍ତ୍ତନ ନହେବା ପର୍ଯ୍ୟନ୍ତ ଏହା ଚାଲୁ ରହିବ । ଲକଡାଉନ ପରେ ଏହି ଗୁଡ଼ିକରେ ଯାତ୍ରା ନେଇ ଯେଉଁମାନେ ଟିକେଟ କରିଛନ୍ତି, ତାହା ଭ୍ୟାଲିଡ ରହିବ ବୋଲି କୁହାଯାଇଛି । 

Add Zee News as a Preferred Source