ପାର୍ବଣ ଋତୁରେ ଗଡ଼ିବ ୮୦ଟି ସ୍ୱତନ୍ତ୍ର ଟ୍ରେନ୍

ନୂଆଦିଲ୍ଲୀ: ଦେଶରେ ସାଧାରଣ ଭାବେ ଯାତ୍ରୀବାହୀ ଟ୍ରେନର ଚଳାଚଳ ଉପରେ ନିଷେଧାଦେଶ ରହିଥିଲେ ମଧ୍ୟ,  ଆସନ୍ତା ଅକ୍ଟୋବର-ନଭେମ୍ବରରେ ପର୍ବ ପର୍ବାଣିକୁ ଦୃଷ୍ଟିରେ ରଖି ସରକାର ସ୍ୱତନ୍ତ୍ର ଟ୍ରେନ୍ ସଂଖ୍ୟା ବୃଦ୍ଧି କରିପାରନ୍ତି। ସୂଚନାନୁସାରେ, ଆସନ୍ତା ମାସରେ ଉତ୍ସବର ଋତୁରେ ଭ୍ରମଣ ଚାହିଦା ସହିତ ଲୋକଙ୍କ ଡିମାଣ୍ଡକୁ ଦୃଷ୍ଟିରେ ରଖି ପ୍ରାୟ ୮୦ ଟି ସ୍ୱତନ୍ତ୍ର ଟ୍ରେନ୍ ଚଳାଇବାକୁ ଘୋଷଣା କରିପାରେ ରେଳ ମନ୍ତ୍ରଣାଳୟ ।

ଅକ୍ଟୋବର-ନଭେମ୍ବରରେ ଦଶହରା, ନବରାତ୍ରୀ, ଦୀପାବଳୀ, ଭାଇ ଦୁଜ୍ ଭଳି ବଡ଼ ପର୍ବ ଅନୁଷ୍ଠିତ ହେବ । ଏହି ସମୟରେ ବିଶେଷ କରି ଉତ୍ତର ଭାରତରେ ଯାତ୍ରା ଚାହିଦା ବୃଦ୍ଧି ପାଇବ । କୁହାଯାଉଛି ଯେ ରେଳ ମନ୍ତ୍ରଣାଳୟ ଚାହିଦା ଅନୁଯାୟୀ ସେହି ରୁଟରେ ସ୍ୱତନ୍ତ୍ର ଟ୍ରେନ୍ ବୃଦ୍ଧି କରିପାରିବ। ଅକ୍ଟୋବରରେ ଅଧିକ ଯାତ୍ରୀବାହି ଟ୍ରେନ୍ ଚଳାଚଳ ନେଇ ଘୋଷଣା କରାଯାଇପାରିବ । ସୂଚନାଯୋଗ୍ୟ ଯେ ସେପ୍ଟେମ୍ବରରେ ରେଳବାଇ ୮୦ ଟି ସ୍ୱତନ୍ତ୍ର ଏବଂ ୪୦ ଟି କ୍ଲୋନ ଟ୍ରେନ୍ ଚଳାଇବାକୁ ନିର୍ଦ୍ଦେଶ ଦେଇଥିଲା।

ରେଲୱେ ବୋର୍ଡର (Railway Board) ଅଧ୍ୟକ୍ଷ ଭି.କେ ଯାଦବ ୮୦ଟି ୟାତ୍ରୀବାହୀ ଟ୍ରେନ୍ ବିଷୟରେ ସୂଚନା ଦେଇଥିଲେ । ଏହି ଟ୍ରେନଗୁଡିକର ସଂରକ୍ଷଣ ୧୦ ସେପ୍ଟେମ୍ବରରୁ ଆରମ୍ଭ ହୋଇଯାଛି । ଏହି ସ୍ୱତନ୍ତ୍ର ଟ୍ରେନ୍ ବ୍ୟତୀତ ପୂର୍ବରୁ ୨୩୦ ଟି ଟ୍ରେନ୍ ଚାଲୁଛି ।

ରେଳ ବୋର୍ଡର ଚେୟାରମ୍ୟାନ୍ କହିଛନ୍ତି ଯେ ଯେତେବେଳେ ବି ଏକ ସ୍ୱତନ୍ତ୍ର ଟ୍ରେନର ଆବଶ୍ୟକତା ଥାଏ, ସେଠାରେ ଅପେକ୍ଷା ତାଲିକା ମଧ୍ୟ ଲମ୍ବା ଥାଏ ।  ଆମେ ମୂଳ ଟ୍ରେନ୍ ପରେ ସମାନ (କ୍ଲୋନ୍) ଟ୍ରେନ୍ ଚଳାଇବୁ  ଯାହାଦ୍ୱାରା ଯାତ୍ରୀମାନେ ସେଠାରେ ଯାତ୍ରା କରିପାରିବେ। ଯାଦବ ଏହା ମଧ୍ୟ କହିଛନ୍ତି ଯେ ପରୀକ୍ଷା କିମ୍ବା ଅନ୍ୟ କୌଣସି ଉଦ୍ଦେଶ୍ୟରେ ରାଜ୍ୟଗୁଡିକର ଅନୁରୋଧ ଅନୁଯାୟୀ ରେଳ ଚଳାଚଳ କାର୍ଯ୍ୟ କରିବ।

ଏହାଠାରେ ଅପଣଙ୍କୁ ଜଣାଇ ଦେଉଛୁ ଯେ ଭାରତୀୟ ରେଳବାଇ ମଧ୍ୟ ଇଞ୍ଜିନିୟରିଂ ଏବଂ ମେଡିକାଲ ପ୍ରବେଶିକା ପରୀକ୍ଷା ପାଇଁ ସ୍ୱତନ୍ତ୍ର ଟ୍ରେନ୍ ଚଳାଉଛି। ବିହାରରେ ପ୍ରବେଶିକା ପରୀକ୍ଷା ପାଇଁ ସ୍ୱତନ୍ତ୍ର ଟ୍ରେନର ବ୍ୟବସ୍ଥା କରାଯାଇଛି...