ଆରମ୍ଭ ହୋଇଗଲା 'ଅମ୍ଫାନ' ପ୍ରାକ୍ ପ୍ରଭାବ

ନୂଆଦିଲ୍ଲୀ: ମାଡ଼ି ଆସୁଛି ମହାବାତ୍ୟା 'ଅମ୍ଫାନ' । ଆଉ ଏହାରି ପ୍ରାକ୍ ପ୍ରଭାବ ମଧ୍ୟ ପଶ୍ଚିମବଙ୍ଗରେ ଆରମ୍ଭ ହୋଇଯାଇଛି । ଉତ୍ତର ଓ ଦକ୍ଷିଣ ୨୪ ପଗଗନା ଜିଲ୍ଲା, ହାୱାଡା, ହୁଗୁଳି, ପୂର୍ବ ଓ ପଶ୍ଚିମ ମେଦିନାପୁର ଇତ୍ୟାଦି ସ୍ଥାନରେ ବର୍ଷା ହେବା ଆରମ୍ଭ ହୋଇଯାଇଛି । ରାଜଧାନୀ କୋଲକାତାରେ ମଧ୍ୟ ସାମାନ୍ୟ ହାଲକା ବର୍ଷା ସହିତ ପବନ ବୋହିବା ଆରମ୍ଭ କରିଛି । ଆଉ କିଛି ସମୟ ପରେ ପ୍ରବଳ ବର୍ଷା ହେବ ବୋଲି ପୂର୍ବାନୁମାନ କରାଯାଉଛି । 

ତେବେ 'ଅମ୍ଫାନ' ଓଡ଼ିଶାରେ ମଧ୍ୟ ପ୍ରଭାବ ପକାଇବ । ରାଜ୍ୟର ୧୨ ଜିଲ୍ଲାରେ ଏହାର ପ୍ରଭାବ ଅନୁଭୂତ ହେବ । କଟକ, ଯାଜପୁର, ଜଗତସିଂହପୁର, କେନ୍ଦ୍ରାପଡ଼ା, ପୁରୀ, ଖୋର୍ଦ୍ଧା, ନୟାଗଡ୍, ଗଞ୍ଜାମ, ଗଜପତି, ବାଲେଶ୍ୱର, ଭଦ୍ରକ, ମୟୂରଭଞ୍ଜ ଇତ୍ୟାଦି ଜିଲ୍ଲାକୁ ହାଇଆଲର୍ଟରେ ରଖାଯାଇଛି । 

ତେବେ 'ଅମ୍ଫାନ' ଆସନ୍ତାକାଲି ଅର୍ଥାତ ୨୦ ତାରିଖ ଅପରାହ୍ନ କିମ୍ବା ସନ୍ଧ୍ୟାରେ ଲ୍ୟାଣ୍ଡଫଲ କରିବ । ଏନେଇ ଭାରତୀୟ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି । ୨୦୧୯ରେ ବୁଲବୁଲ ଯେଉଁ ରାସ୍ତାରେ ଆସିଥିଲା, ସମାନ ରାସ୍ତାରେ 'ଅମ୍ଫାନ' ମଧ୍ୟ ଆସୁଛି ।