Rajsthan Politics: ଓହରିଲେ କପିଲ, କହିଲେ ଆବଶ୍ୟକ ଅନୁଯାୟୀ ସୁପ୍ରିମକୋର୍ଟର ଦ୍ୱାରସ୍ଥ ହେବେ

Rajsthan Politics: ଓହରିଲେ କପିଲ, କହିଲେ ଆବଶ୍ୟକ ଅନୁଯାୟୀ ସୁପ୍ରିମକୋର୍ଟ ଦ୍ୱାରସ୍ଥ ହେବେ 

ନୂଆଦିଲ୍ଲୀ: ରାଜସ୍ଥାନ ରାଜନୀତିରେ ଘଡ଼ିକେ ଘୋଡ଼ା ଛୁଟୁଛି। ପୂର୍ବରୁ ୧୯ ବିଧାୟକଙ୍କ ସଦସ୍ୟତା ତଥା ଅଯୋଗ୍ୟ ଘୋଷଣାକୁ ନେଇ ଯେଉଁ  ଆବେଦନ କରାଯାଇଥିଲା, ସେଥିରୁ ଓହରି ଯାଇଛି ବାଚସ୍ପତି ସିପି ଯୋଶୀ। ଆଜି ଏହି ମାମଲା ଉପରେ ଶୁଣାଣି ହେବା ନେଇ ତାରିଖ ଧାର୍ଯ୍ୟ ହୋଇଥିଲା। ମାତ୍ର ଶୁଣାଣି ଆରମ୍ଭ ହେବା ପୂର୍ବରୁ ବାଚସ୍ପତିଙ୍କ ଓକିଲ ତଥା ବରିଷ୍ଠ ଆଇନଜୀବୀ କପିଲ ସିବଲ। 

ଶୁଣାଣି ଆରମ୍ଭ ପୂର୍ବରୁ କପିଲ ସିବଲ ଏହି ଆବେଦନରୁ ଓହରି ଯିବା ପାଇଁ ପ୍ରସ୍ତାବ ଦେଇଥିଲେ। କପିଲଙ୍କ ଏହି ପ୍ରସ୍ତାବ ଉପରେ ସୁପ୍ରିମକୋର୍ଟ ମୋହର ମଧ୍ୟ ଲଗାଇଥିଲେ। କପିଲ ସିବଲ କହିଥିଲେ ଯେ ବର୍ତ୍ତମାନ ରାଜସ୍ଥାନ ହାଇକୋର୍ଟରେ ଦଶମ ସିଡ୍ୟୁଲକୁ ଚ୍ୟାଲେଞ୍ଜ କରି ଶୁଣାଣି ଆରମ୍ଭ ହୋଇଛି। ଆମେ ପୂର୍ବରୁ ଆଣିଥିବା ପ୍ରସଙ୍ଗଠାରୁ ଅଧିକ ଶୁଣାଣି ଚାଲିଛି | ଆବଶ୍ୟକ ଅନୁଯାୟୀ ଆମେ ସୁପ୍ରିମକୋର୍ଟର ଦ୍ୱାରସ୍ଥ ହେବୁ। ବିଚାରପତିମାନେ ଆବେଦନକୁ ପ୍ରତ୍ୟାହାର କରିବା ପାଇଁ ସେ ଅନୁମତି ମାଗିଥିଲେ। ସିବଲ କହିଛନ୍ତି, ୨୪ ଜୁଲାଇରେ ହାଇକୋର୍ଟ ଏକ ଆଦେଶ ଦେଇଛନ୍ତି ଯେଉଁଥିରେ ଅନେକ ମାମଲା ରୁଜୁ ହୋଇଥିଲା ଏବଂ ଆମକୁ ଆମର ଆଇନଗତ ବିକଳ୍ପ ଉପରେ ବିଚାର କରିବାକୁ ପଡ଼ିବ।

ରବିବାର ଦିନ ବାହୁଜନ ସମାଜ ପାର୍ଟି (BSP) ବିଧାନସଭାରେ ପାୱାର ଟେଷ୍ଟ ସମୟରେ ଶାସକ ଦଳ କଂଗ୍ରେସ ବିରୋଧରେ ଭୋଟ୍ ଦେବା ପାଇଁ ଗତବର୍ଷ କଂଗ୍ରେସରେ ଯୋଗଦେବାକୁ ଛାଡିଥିବା ୬ ବିଧାୟକଙ୍କୁ ଏକ ହ୍ୱିପ ଜାରି କରିଥିଲା। ବିଏସପି ସାଧାରଣ ସମ୍ପାଦକ ସତୀଶ ଚନ୍ଦ୍ର ମିଶ୍ର ଏକ ବିବୃତ୍ତିରେ କହିଛନ୍ତି, 'ସମ୍ବିଧାନର ଦଶମ ଅନୁଚ୍ଛେଦ ଚତୁର୍ଥ ଧାରା ଅନୁଯାୟୀ ବିଏସପି ଏକ ସ୍ୱୀକୃତିପ୍ରାପ୍ତ ଜାତୀୟ ଦଳ ଏବଂ ସମଗ୍ର ଦେଶରେ ଏକ ବିଜ୍ଞପ୍ତି ପ୍ରକାଶ କରି ସମସ୍ତ ୬ ଜଣ ବିଧାୟକଙ୍କୁ ଭିନ୍ନ ନୋଟିସ ଜାରି କରାଯାଇଥିଲା। ଦଳ (BSP) ର ମିଶ୍ରଣ ନକରି ରାଜ୍ୟସ୍ତରରେ ମିଶ୍ରଣ ହୋଇପାରିବ ନାହିଁ ବୋଲି ସେ ସୂଚନା ଦେଇଛନ୍ତି।