ସଚିନ ପାଇଲଟଙ୍କୁ ନେଇ ବଡ଼ ବୟାନ ଦେଲେ ଅଶୋକ ଗେହଲଟ

ନୂଆଦିଲ୍ଲୀ: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ପୁଣି ଥରେ ସଚିନ ପାଇଲଟଙ୍କ ଉପରେ  ବର୍ଷିଛନ୍ତି । ସୋମବାର ଅଶୋକ ଗେହଲଟ୍ କହିଛନ୍ତି ଯେ, ସଚିନ ପାଇଲଟ କଂଗ୍ରେସ ପିଠିରେ ଛୁରାମାଡ଼ କରିଛନ୍ତି । ତାଙ୍କୁ ବହୁତ କମ୍ ବୟସରେ ବହୁତ କିଛି ମିଳିଛି । ଜାଣିଥିଲି ଯେ ସଚିନ୍ କୌଣସି କାମର ନୁହଁନ୍ତି ।

ଏହାପୂର୍ବରୁ ମଧ୍ୟ ପାଇଲଟଙ୍କୁ ରାଜସ୍ଥାନର ସିଏମ ଟାର୍ଗେଟ କରିସାରିଛନ୍ତି । ବର୍ତ୍ତମାନ ସୋମବାର ଗେହଲଟ୍ କହିଛନ୍ତି ଯେ, ଆମେ ସଚିନ ପାଇଲଟଙ୍କୁ କେବେ ପ୍ରଶ୍ନ କରିନାହୁଁ । ୭ ବର୍ଷ ମଧ୍ୟରେ ରାଜସ୍ଥାନ ହେଉଛି ଏକମାତ୍ର ରାଜ୍ୟ ଯେଉଁଠାରେ ରାଜ୍ୟ କଂଗ୍ରେସ ଅଧ୍ୟକ୍ଷଙ୍କ ପରିବର୍ତ୍ତନ କରିବାର କୌଣସି ଦାବି କରାଯାଇ ନାହିଁ । ଆମେ ଜାଣିଥିଲୁ ସେ ଅପାରଗ, ଅକ୍ଷମ ଥିଲେ । କିନ୍ତୁ ମୁଁ ଏଠାକୁ ବାଇଗଣ ବିକ୍ରୟ କରିବାକୁ ଆସି ନାହିଁ, ମୁଁ ମୁଖ୍ୟମନ୍ତ୍ରୀ ଭାବରେ ଆସିଛି । ଆମେ ଚାହୁଁନାହୁଁ ଯେ ସେମାନଙ୍କ ବିରୁଦ୍ଧରେ କେହି କିଛି କୁହନ୍ତୁ, ସମସ୍ତେ ସେମାନଙ୍କୁ ସମ୍ମାନ ଦେଇଛନ୍ତି ।

ଗେହଲଟଙ୍କ ଅଭିଯୋଗ- ବିଜେପି କରୁଛି ଘୋଡ଼ା ବ୍ୟାପାର

ପୂର୍ବତନ ଡେପୁଟି ସିଏମ୍ ଉପରେ ସିଏମ୍ ଗେହଲଟ୍ ଅଭିଯୋଗ ଆଣିଛନ୍ତି ଯେ, ବର୍ତ୍ତମାନ ଯେଉଁ ଖେଳ ହୋଇଛି, ତାହା ମାର୍ଚ୍ଚ ୧୦ରେ ହେବାର ଥିଲା । ମାର୍ଚ୍ଚ ୧୦ରେ ମାନସର ଗାଡ଼ି ଗମନ କରିଥିଲା, କିନ୍ତୁ ତା’ପରେ ଆମେ ସେହି ମାମଲାକୁ ସମସ୍ତଙ୍କ ସାମ୍ନାକୁ ଆଣିଥିଲୁ । ସେ କଂଗ୍ରେସର ଅଧ୍ୟକ୍ଷ ହେବାକୁ ଚାହୁଁଥିଲେ, ବଡ ବଡ କର୍ପୋରେଟରମାନେ ତାଙ୍କୁ ଅର୍ଥ ପ୍ରଦାନ କରୁଛନ୍ତି । ବିଜେପି ପକ୍ଷରୁ ଅର୍ଥ ପ୍ରଦାନ କରାଯାଉଛି, କିନ୍ତୁ ଆମେ ପୁରା ଷଡଯନ୍ତ୍ରକୁ ବିଫଳ କରି ଦେଇଛୁ ।

ରାଜସ୍ଥାନର ମୁଖ୍ୟମନ୍ତ୍ରୀ କହିଛନ୍ତି ଯେ, ଆଜି ଦେଶରେ ଗୁଣ୍ଡାଗିରି ଜାରି ରହିଛି, ଇଚ୍ଛା ଅନୁଯାୟୀ ଚଢ଼ାଉ କରାଯାଉଛି । ଦୁଇ ଦିନ ପୂର୍ବରୁ ମୋତେ ସୂଚନା ମିଳିଥିଲା ଯେ ମୋର ଘନିଷ୍ଠ ଲୋକଙ୍କ ଉପରେ ଚଢ଼ାଉ କରାଯିବ । ଅଶୋକ ଗେହଲଟ୍ ଦାବି କରିଛନ୍ତି ଯେ, ଆଜି ସଚିନ ପାଇଲଟଙ୍କ ସମର୍ଥନରେ ଯେମିକି ଓକିଲ କେସ୍ ଲଢ଼ୁଛନ୍ତି । ସମସ୍ତେ ମୋଟା ଅଙ୍କର ଫିସ୍ ଆଦାୟ କରନ୍ତି । ତେବେ ସେମାନଙ୍କ ପାଇଁ ଟଙ୍କା କାହା ପାଖରୁ ଆସୁଛି । କଣ ସଚିନ୍ ସମସ୍ତଙ୍କୁ ଟଙ୍କା ଦେଉଛନ୍ତି ?