ଆଶ୍ୱସ୍ତିକର ଖବର ! ଏହି ଔଷଧରୁ ସୁସ୍ଥ ହେଉଛନ୍ତି କୋରୋନା ଆକ୍ରାନ୍ତ

ୱାଶିଂଟନ: ଗତ ଚାରିମାସ ଧରି କୋରୋନା ଭାଇରସ୍ ସାରା ବିଶ୍ୱରେ ଏକ ଘୋର ସଙ୍କଟ ସୃଷ୍ଟି କରିଛି । ଅନେକ ଦେଶର ବୈଜ୍ଞାନିକମାନେ ଏଥିପାଇଁ ଔଷଧ ପ୍ରସ୍ତୁତ କରିବା ପାଇଁ ନିରନ୍ତର ଅନୁସନ୍ଧାନ କରୁଛନ୍ତି । ଏହି ସମୟରେ ଆମେରିକୀୟ କମ୍ପାନୀ ଗିଲିଆଡ୍ ସାଇସେନ୍ସ(Gilead Scienece) ଏକ ବଡ଼ ଘୋଷଣା କରିଛି । କମ୍ପାନୀ କହିଛି ଯେ, ସେ ଏକ ଔଷଧ ପ୍ରସ୍ତୁତ କରିଛି, ଯାହା କରୋନା ଭୂତାଣୁ ରୋଗୀଙ୍କ ଉପରେ ଏହାର ପ୍ରଭାବ ଦେଖାଇବା ଆରମ୍ଭ କରିଛି ।

ନ୍ୟୁ ଇଂଲଣ୍ଡ ଜେନେରାଲ୍ ଅଫ୍ ମେଡିସିନ୍ରେ ପ୍ରକାଶିତ ଏହି ରିପୋର୍ଟ ଅନୁଯାୟୀ, ଗିଲିୟଡ୍ ସାଇନ୍ସର ଏହି ଔଷଧର କ୍ଲିନିକାଲ୍ ପରୀକ୍ଷା କରାଯାଇଥିଲା । ଏହା ଅଧୀନରେ ଏହିପରି ୫୩ ରୋଗୀଙ୍କୁ ଚୟନ କରାଯାଇଥିଲା, ଯେଉଁମାନେ କୋରୋନା ଭୂତାଣୁ ଯୋଗୁଁ ଗୁରୁତର ଅସୁସ୍ଥ ଥିଲେ । ଏହି  ଔଷଧ ଦେବା ମାତ୍ରେ ଅଧା ରୋଗୀଙ୍କୁ ଭେଣ୍ଟିଲେଟରରୁ ବାହାର କରାଯାଇଥିଲାବେଳେ ୪୭ ପ୍ରତିଶୋଧ ରୋଗୀ ପରେ ଡାକ୍ତରଖାନାରୁ ଡିସଚାର୍ଜ ହୋଇଥିଲେ । ଏହି ପରୀକ୍ଷା ଅଧୀନରେ ଆମେରିକା, ୟୁରୋପ, କାନାଡା ଏବଂ ଜାପାନର ରୋଗୀ ସମେତ ବିଭିନ୍ନ ଦେଶର ରୋଗୀଙ୍କୁ ଔଷଧର ମାତ୍ରା ଭିନ୍ନ ଭିନ୍ନ ଦିଆଯାଇଥିଲା ।

ଏଭଳି ପରିସ୍ଥିତିରେ ଏହି ଔଷଧ ଦ୍ୱାରା ବିଶ୍ୱବ୍ୟାପୀ ଆଶା ଜାଗ୍ରତ ହୋଇଛି । ତେବେ କମ୍ପାନୀ କହିଛି ଯେ, ଏହି ଔଷଧ ଦ୍ୱାରା କୋରୋନା ରୋଗୀମାନେ ଆରୋଗ୍ୟ ହେବେ, ତାହା ସଠିକ ଭାବେ କହି ହେବନାହିଁ । ପ୍ରକୃତରେ,  ବିଜ୍ଞାନର ଭାଷାରେ ଏହା ନିୟନ୍ତ୍ରିତ ଉପାୟରେ ଚେଷ୍ଟା କରାଯାଇନଥିଲା । ଅର୍ଥାତ ଯଦି ରୋଗୀଙ୍କୁ ଏହି ଔଷଧ ଦିଆ ନ ଯାଇଥାନ୍ତା ତେବେ କ'ଣ ସେ ସୁସ୍ଥ ହୋଇପାରିଥାନ୍ତା କି ନା ନାହିଁ । ବର୍ତ୍ତମାନ ସମୟରେ ବୈଜ୍ଞାନିକମାନେ କହିଛନ୍ତି ଯେ ବର୍ତ୍ତମାନ କିଛି କୁହାଯାଇପାରିବ ନାହିଁ, କିନ୍ତୁ ଆଶା ନିଶ୍ଚିତ ଭାବରେ ଜାଗ୍ରତ ହୋଇଛି ।

ଏହି ସମୟରେ ଆମେରିକୀୟ କମ୍ପାନୀ କହିଛି ଯେ ସେମାନେ ଅନ୍ୟାନ୍ୟ ସ୍ଥାନରେ ଔଷଧ ପରୀକ୍ଷା କରୁଛନ୍ତି ଏବଂ ମେ ମାସରେ କିଛି ଭଲ ଫଳାଫଳ ଆସିପାରେ । ଏଠାରେ କହି ରଖୁଛୁ ଯେ, ବିଶ୍ୱର ଅନେକ ଦେଶରେ ମ୍ୟାଲେରିଆ ଔଷଧ ସମେତ ବିଭିନ୍ନ ଔଷଧ ଉପରେ ଗବେଷଣା କରାଯାଉଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ମ୍ୟାଲେରିଆ ଔଷଧ ବିଶ୍ୱ ପାଇଁ ଏକ ଗେମ୍ ଚେଞ୍ଜର ବୋଲି ପ୍ରମାଣିତ ହୋଇପାରେ ।