'ବଙ୍ଗଳାର ଝିଅ', ରିଆଙ୍କ ସମର୍ଥନରେ ପଶ୍ଚିମବଙ୍ଗର ରାସ୍ତାରେ ଓହ୍ଲାଇଲା କଂଗ୍ରେସ

କୋଲକାତା: ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲା (Sushant Singh Rajput death case) ରେ ଡ୍ରଗ୍ସ କନେଶନ ଅଭିଯୋଗରେ ଗିରଫ ହୋଇଥିବା ଅଭିନେତ୍ରୀ ରିୟା ଚକ୍ରବର୍ତ୍ତୀ (Rhea Chakraborty) ଙ୍କୁ ସମର୍ଥନ କରି କଂଗ୍ରେସ (Congress) ଶନିବାର କୋଲକାତାରେ ଏକ ରାଲିର ଆୟଜନ କରିଛି । ରିୟା ଚକ୍ରବର୍ତ୍ତୀ ହେଉଛନ୍ତି ପଶ୍ଚିମବଙ୍ଗର ବାସିନ୍ଦା । ପଶ୍ଚିମବଙ୍ଗ ରାଜ୍ୟ କଂଗ୍ରେସ କମିଟି ଏହି ବିରୋଧ ପ୍ରଦର୍ଶନର ଆୟୋଜନ କରିଥିଲା । କଂଗ୍ରେସ ରିୟାଙ୍କୁ ବଙ୍ଗଳାର ଝିଅ ବୋଲି ଟ୍ୱିଟ୍ କରି କହିଛି ଯେ ତାଙ୍କ ବିରୋଧରେ ପ୍ରତିଶୋଧ ପରାୟଣତାକୁ ବରଦାସ୍ତ କରାଯିବ ନାହିଁ । 

ରିୟା (Rhea Chakraborty) ଙ୍କୁ ସମର୍ଥନ କରି କଂଗ୍ରେସ (Congress) ଦ୍ୱାରା ହୋଇଥିବା ବିରୋଧ ପ୍ରଦର୍ଶନ ରାଜନୀତିର ଆଉ ଦିଗ କହିଲେ ଅତୁକ୍ତ ହେବ ନାହିଁ । ସୁଶାନ୍ତଙ୍କ ପରିବାର ପାଟନାରେ ରିୟା ଚକ୍ରବର୍ତ୍ତୀଙ୍କ ବିରୋଧରେ ଏଫ୍ଆଇଆର୍ ଦାଖଲ କରିବା ପରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର କେନ୍ଦ୍ରକୁ ଏହି ମାମଲାକୁ ମୁମ୍ବାଇରୁ ସିବିଆଇକୁ ହସ୍ତାନ୍ତର କରିବାକୁ କହିଥିଲେ ।

ଅଧିକ ପଢ଼ନ୍ତୁ:-କଙ୍ଗନାଙ୍କୁ ଆଉ ଏକ ବଡ଼ ଝଟକା ଦେଲା ବିଏମସି !

ମହାରାଷ୍ଟ୍ରରେ ଯେଉଁଠାରେ ବିଜେପି ବିରୋଧୀ ଦଳର ଭୂମିକାରେ ରହିଛି । ସେଠାରେ କ୍ଷମତାଧାରୀ ମେଣ୍ଟ ସରକାର ମୁମ୍ବାଇ ପୋଲିସର ତଦନ୍ତକୁ ସମର୍ଥନ କରିଛନ୍ତି । ଅବହେଳା ଅଭିଯୋଗକୁ ଅସ୍ୱୀକାର କରିଛନ୍ତି । କଂଗ୍ରେସ ଶନିବାର ଟ୍ୱିଟ୍ କରି କହିଛି ଯେ, ବଙ୍ଗଳାର ଝିଅ ରିୟା ଚକ୍ରବର୍ତ୍ତୀଙ୍କ ବିରୋଧରେ ରାଜନୈତିକ ଷଡଯନ୍ତ୍ର ଏବଂ ପ୍ରତିଶୋଧ ପରାୟଣତାକୁ ବରଦାସ୍ତ କରାଯିବ ନାହିଁ । ପଶ୍ଚିମବଙ୍ଗ କଂଗ୍ରେସର ଅଧ୍ୟକ୍ଷ ଅଧୀର ରଂଜନ ଚୌଧୁରୀଙ୍କ ନିର୍ଦ୍ଦେଶରେ ପ୍ରାଦେଶିକ କଂଗ୍ରେସ କାର୍ଯ୍ୟାଳୟରୁ ୱେଲିଙ୍ଗଟନ୍ ଜଙ୍କସନକୁ ଏକ ବିରୋଧ ରାଲି ବାହାର କରାଯାଇଛି । 

ଅଧିକ ପଢ଼ନ୍ତୁ:-'ଭାରତ ଆମର ଶତ୍ରୁ କିନ୍ତୁ ବିରାଟ ଓ ରୋହିତଙ୍କ ସମାଲୋଚନା କରିପାରିବି ନାହିଁ'

ରିୟା ଚକ୍ରବର୍ତ୍ତୀ ବର୍ତ୍ତମାନ ମୁମ୍ବାଇର ଭାୟଖଲା ଜେଲରେ ଅଛନ୍ତି । ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ର ଯୁକ୍ତି ଶୁଣିବା ପରେ କୋର୍ଟ ଶୁକ୍ରବାର ରିୟାଙ୍କ ଜାମିନକୁ ପ୍ରତ୍ୟାଖ୍ୟାନ କରିଛନ୍ତି ।