 "Road Accident: ବସକୁ ଧକ୍କା ଦେଇ କାରରେ ଲାଗିଲା ନିଆଁ, ଜିଅନ୍ତା ଜଳିଗଲେ ୫ଯାତ୍ରୀ")
Road Accident: ଅଶୁଭ ସୋମବାର! ଜୀବନ୍ତ ଜଳିଗଲେ ୫ ଯାତ୍ରୀ। ଉତ୍ତରପ୍ରଦେଶର ଯମୁନା ଏକ୍ସପ୍ରେସଓ୍ବେରେ ଭୟଙ୍କର ସଡକ ଦୁର୍ଘଟଣା ଘଟିଛି । ଏକ ଘରୋଇ ଯାତ୍ରୀବାହୀ ବସ୍ ଓ କାର ମଧ୍ୟରେ ହୋଇଛି ଧକ୍କା । ଭୟଙ୍କର ଦୁର୍ଘଟଣାରେ କାର ଓ ବସ୍ ମଧ୍ୟ ଜଳି ଯାଇଛି । ଏହି ଦୁର୍ଘଟଣାରେ ୫ ଜଣଙ୍କର ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଛନ୍ତି । ସମସ୍ତ ଆହତଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରଯାଇଛି । ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଅନ୍ୟପଟେ ପ୍ରାଣ ବିକଳରେ ବସରୁ ଡେଇଁ ପଡିଛନ୍ତି ଏକାଧିକ ଯାତ୍ରୀ ।
ସୂଚନା ଅନୁସାରେ, ଉତ୍ତର ପ୍ରଦେଶର ମଥୁରା ମହାୱନ ଥାନା କ୍ଷେତ୍ରରେ ୧୧୭ ମାଇଲଷ୍ଟୋନ୍ ନିକଟ ଯମୁନା ଏକ୍ସପ୍ରେସ-ୱେ ରେ ଏଭଳି ଏକ ଦୁର୍ଘଟଣା ଘଟିଯାଇଛି । ଆଗ୍ରାରୁ ନୋଏଡା ଅଭିମୁଖେ ଯାଉଥିବା ଏକ ଭେଲଭୋ ବସରେ ଅଚାନକ ନିଆଁ ଲାଗି ଯାଇଥିଲା । ଏହି ସମୟରେ ପଛରୁ ଆସୁଥିବା ଏକ କାର୍ ବସ୍ ଟିକୁ ପ୍ରଥମେ ଧକ୍କା ଦେବା ଫଳରେ ସେଥିରେ ମଧ୍ୟ ନିଆଁ ଲାଗି ଯାଇଛି । ତେବେ ଏହି ଦୁର୍ଘଟଣାରେ ଉଭୟ ବସ୍ ଏବଂ କାର୍ ହୁତୁହୁତୁ ହୋଇ ଜଳି ଯାଇଥିଲା। ଏହା ଦେଖି ସ୍ଥାନୀୟ ଲୋକେ ପୋଲିସ ଓ ଅଗ୍ନିଶମ ବାହିନୀ କୁ ଖବର ଦେଇଥିଲେ। କିନ୍ତୁ ଦମକଳ ଘଟଣାସ୍ଥଳରେ ପହଞ୍ଚିବା ବେଳକୁ ଏହି ଅଗ୍ନିକାଣ୍ଡ ଭୟାବହ ରୂପ ଧାରଣ କରି ସାରିଥିଲା । ବସରେ ନିଆଁ ଲାଗି ଥିବା ଦେଖି କିଛି ଯାତ୍ରୀ ବାହାରକୁ ଡେଇଁ ପଡିଥିଲେ। ଏବଂ କାରରେ ଥିବା ଯାତ୍ରୀ ଅଗ୍ନିକାଣ୍ଡର ଶିକାର ହୋଇଛନ୍ତି । କାରରେ ଥିବା ୫ ଜଣ ଯାତ୍ରୀ ଜୀବନ୍ତ ଦଗ୍ଧ ହୋଇଛନ୍ତି । ଘଟଣାସ୍ଥଳରେ ଉପସ୍ଥିତ କିଛି ଲୋକ ସମସ୍ତଙ୍କୁ ନିଆଁ କବଳରୁ ରକ୍ଷା କରିବାକୁ ଚେଷ୍ଟା କରିଥିଲେ ମଧ୍ୟ କାରରେ ଥିବା ଯାତ୍ରୀମାନଙ୍କୁ ବାହାର କରିପାରି ନଥିଲେ।
)