ଦିଶାଙ୍କ ପୁରୁଷ ବନ୍ଧୁ ରୋହନ କେଉଁଠି

ନୂଆଦିଲ୍ଲୀ: ଦିଶାଙ୍କ ମୃତ୍ୟୁ ପରଠାରୁ, କେଉଁଆଡେ ଗଲେ ଦିଶାଙ୍କ ବଏଫ୍ରେଣ୍ଡ୍ ? ସୁଶାନ୍ତଙ୍କ ମୃତ୍ୟୁର ରହସ୍ୟ ଦିଶାଙ୍କ ବଏଫ୍ରେଣ୍ଡଙ୍କ ଠାରୁ ବାହାରିବ । ଜୁନ ୮ରେ କ'ଣ ଘଟିଥିଲା ? ଜୁନ ୮ ପାର୍ଟିର ସତ୍ୟତା କଣ? ଜୁନ ୮ରେ ଦିଶାଙ୍କ ମୃତ୍ୟୁ କେମିତି ଘଟିଲା ? ସୁଶାନ୍ତଙ୍କ ମୃତ୍ୟୁ ଦିଶାଙ୍କ ମୃତ୍ୟୁ ସହ କିପରି ଜଡ଼ିତ? ଏହି ସମସ୍ତ ପ୍ରଶ୍ନର ଉତ୍ତର ଯାହାକୁ ଜଣାଥାଇପାରେ, ସେ ଗାୟବ ଅଛି । ବିଜେପି ନେତା ନୀତିଶ ରାଣେଙ୍କ ଏହା ହେଉଛି ଦାବି । ସୁଶାନ୍ତଙ୍କ ମୃତ୍ୟୁ ସହ ଯେପରି ଦିଶାଙ୍କ ମୃତ୍ୟୁ ଜଡିତ ରହିଛି, ସେହିପରି ଦିଶାଙ୍କ ରହସ୍ୟ ଜାଣିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । 

ଦିଶାଙ୍କ ମୃତ୍ୟୁ ସୁଇସାଇଡ ହେଉ ଅବା ମର୍ଡର, ଏହାର ଯାଞ୍ଚ ଜରୁରୀ । କାରଣ ଦିଶାଙ୍କ ମୃତ୍ୟୁ ପରେ ଦିଶାଙ୍କ ବଏଫ୍ରେଣ୍ଡଙ୍କ କୌଣସି ଖୋଜ ଖବର ହିଁ ନାହିଁ । ରୋହନ ରାୟ ଦିଶା ସାଲିଆନଙ୍କ ବଏଫ୍ରେଣ୍ଡ । ଯାହା ସହ ଦିଶା ବିବାହ ମଧ୍ୟ କରିବାକୁ ଚାହୁଁଥିଲେ ।  ଦିଶା ଏବଂ ରୋହନଙ୍କ ଅନେକ ଫଟୋ ସୋସିଆଲ ମିଡିଆରେ ରହିଛି ।  ଦୁଇ ଜଣଙ୍କ ସମ୍ପର୍କରେ ଦିଶାଙ୍କ ମାଆ ମଧ୍ୟ କହିଛନ୍ତି ।  ହେଲେ ଦିଶାଙ୍କ ମୃତ୍ୟୁ ପରେ ରୋହନ ରାୟ, ନା ତ ସୋସିଆଲ ମିଡିଆରେ ଆକ୍ଟିଭ୍ ଅଛନ୍ତି, ନା ତ ମିଡିଆ ସାମ୍ନାକୁ ଆସି ଜୁନ ୮ର ଘଟଣାକୁ ନେଇ କିଛି କହିଛନ୍ତି । 

ଏବେ ଆକଳନ କରାଯାଉଛି ଯେ, ରୋହନ ରାୟ ଗାୟବ ହୋଇଯାଇଛନ୍ତି ଏବଂ ଦିଶା ଓ ସୁଶାନ୍ତଙ୍କ ମୃତ୍ୟୁ ରହସ୍ୟ ଯଦି କେହି ଖୋଲିପାରେ, ଦୁନିଆ ସାମ୍ନାକୁ ସତ୍ୟତା ଆଣିପାରେ, ତେବେ ସେ ଆଉ କେହି ନୁହେଁ, ସେ ହେଉଛି ଦିଶାଙ୍କ ବଏଫ୍ରେଣ୍ଡ ।  କାରଣ ଦିଶାଙ୍କ ମୃତ୍ୟୁ ସମୟରେ ରୋହନ ସେହି ଫ୍ଲାଟରେ ଉପସ୍ଥିତ ଥିଲେ ।  ଯେଉଁଠୁ ଦିଶା ତଳକୁ ଖସିପଡିଥିଲେ । ଏତିକି ନୁହେଁ, ରୋହନ ରାୟଙ୍କୁ ନେଇ ଯେଉଁ ପ୍ରକାର ମିଷ୍ଟ୍ରୀ ରହିଛି  ତାଙ୍କ ଉପରେ ଲଗାତାର ପ୍ରଶ୍ନ ସୃଷ୍ଟି ହେଉଥିବା ବେଳେ  ସେପଟେ ଦିଶାଙ୍କ ମାମଲାରେ ମୁମ୍ବାଇ ପୋଲିସର ଭୂମିକା ଉପରେ ମଧ୍ୟ ପ୍ରଶ୍ନ ସୃଷ୍ଟି ହୋଇଛି ।  କାରଣ ଦିଶା ମାମଲାରେ ଯାଞ୍ଚ୍ କରୁଥିବା ଅନୁସନ୍ଧାନକାରୀ ଅଧିକାରୀଙ୍କୁ ବଦଳି କରିଦିଆଯାଇଛି । 

ଦିଶାଙ୍କ ମୃତ୍ୟୁ ଏବଂ ସୁଶାନ୍ତଙ୍କ ମୃତ୍ୟୁରେ ହୋଇଥିବା ଯାଞ୍ଚ ନେଇ ଗମ୍ଭୀର ପ୍ରଶ୍ନ ସୃଷ୍ଟି ହୋଇଛି । ସୁଶାନ୍ତଙ୍କ ମାମଲାରେ ସିବିଆଇ ଏଣ୍ଟ୍ରୀ କରି ଯାଞ୍ଚକୁ ନୂଆ ଦିଶା ଦେଇଥିଲା । ହେଲେ ଯେପର୍ଯ୍ୟନ୍ତ ଦିଶାଙ୍କ ମୃତ୍ୟୁର ଅସଲ କାରଣ ଜଣା ନପଡେ, ସେପର୍ଯ୍ୟନ୍ତ ସୁଶାନ୍ତଙ୍କ ମୃତ୍ୟୁ ନେଇ ମଧ୍ୟ କୌଣସି ରହସ୍ୟ ଖୋଲି ପାରିବ ନାହିଁ ବୋଲି ତାଙ୍କ ଶୁଭଚିନ୍ତକ କହିଛନ୍ତି । ସେପଟେ ଦିଶା ମାମଲାରେ ରୋହନ ରାୟଙ୍କ ବୟାନ ଗୁରୁତ୍ୱପୂର୍ଣ୍ଣ । ଏମିତିରେ ରୋହନ ରାୟ ସତରେ ଗାୟବ ଅଛନ୍ତି ନା  ଲୁଚିଛନ୍ତି,  ଦିଶାଙ୍କ ମୃତ୍ୟୁ ପରେ ରୋହନ କାହିଁକି ଚୁପ୍ ଅଛନ୍ତି ? ଏହାକୁ ପ୍ରଶ୍ନ ସୃଷ୍ଟି ହୋଇଛି ।