କୋରୋନା ମୁକାବିଲା ପାଇଁ ସହାୟତାରେ ହାତ ବଢାଇଲେ 'ହିଟମ୍ୟାନ'

କୋରୋନା ମୁକାବିଲା ପାଇଁ ସଚିନ ତେନ୍ଦୁଲକର, ସୌରଭ ଗାଙ୍ଗୁଲି, ସୁରେଶ ରୈନା, ବିରାଟ କୋହଲି ପରି ଭାରତୀୟ କ୍ରିକେଟର ନିଜର ଯୋଗଦାନ ଦେଇଛନ୍ତି । 

କୋରୋନା ମୁକାବିଲା ପାଇଁ ସହାୟତାରେ ହାତ ବଢାଇଲେ 'ହିଟମ୍ୟାନ'

ନୂଆଦିଲ୍ଲୀ: ଦେଶ ଆଗରେ କୋରୋନା ସଙ୍କଟ ଦେଖା ଦେଇଛି । ଏହାର ମୁକାବିଲା ପାଇଁ ଆଗେଇ ଆସୁଛନ୍ତି ବିଭିନ୍ନ କ୍ଷେତ୍ରର ବ୍ୟକ୍ତିମାନେ । ସେମାନେ ଅର୍ଥ ଦାନ କରି କୋରୋନା ମୁକାବିଲାରେ ସହଯୋଗର ହାତ ବଢ଼ାଉଛନ୍ତି । ଏହି କ୍ରମରେ ଏହି ମହାମାରୀ ମୁକାବିଲା ପାଇଁ ମୈଦାନକୁ ଓହ୍ଲାଇଛନ୍ତି ଭାରତୀୟ କ୍ରିକେଟର ହିଟମ୍ୟାନ ରୋହିତ ଶର୍ମା । ସେ ଏହି କୋଭିଡ-19 ସହ ମୁକାବିଲା ପାଇଁ ନିଜର ଯୋଗଦାନ କରିବାର ଘୋଷଣା କରିଛନ୍ତି । ମଙ୍ଗଳବାର ସୋସିଆଲ ମିଡିଆରେ ଟ୍ୱିଟ୍ କରି ରୋହିତ ଶର୍ମା ଏ ସମ୍ପର୍କରେ ସୂଚନା ଦେଇଛନ୍ତି ।

ରୋହିତ ଟ୍ୱିଟ କରି କହିଛନ୍ତି ଯେ, ଆମ ଦେଶକୁ ପୁଣିଥରେ ଛିଡା କରିବା ଆବଶ୍ୟକ ଏବଂ ଏହା ଆମ ଉପରେ ନିର୍ଭର କରୁଛି । ମୁଁ ପିଏମ କେୟାର ଫଣ୍ଡକୁ ୪୫ ଲକ୍ଷ, ସିଏମ ରିଲିଫ ପାଣ୍ଠି (ମହାରାଷ୍ଟ୍ର) କୁ ୨୫ ଲକ୍ଷ, ଫିଡିଂ ଇଣ୍ଡିଆକୁ ୫ ଲକ୍ଷ ଏବଂ ଷ୍ଟ୍ରେ ଡ୍ରଗ୍ସଙ୍କ କଲ୍ୟାଣ ପାଇଁ ୫ ଲକ୍ଷ ଦାନ କରିବାକୁ ନିଷ୍ପତ୍ତି ନେଇଛି । ଏହିପରି ଭାବରେ ରୋହିତ ଶର୍ମା ମୋଟ ୮୦ ଲକ୍ଷ ଟଙ୍କା ଦାନ କରିଛନ୍ତି ।

ଏହାପୂର୍ବରୁ କୋରୋନା ମୁକାବିଲା ପାଇଁ ସଚିନ ତେନ୍ଦୁଲକର, ସୌରଭ ଗାଙ୍ଗୁଲି, ସୁରେଶ ରୈନା, ବିରାଟ କୋହଲି ପରି ଭାରତୀୟ କ୍ରିକେଟର ନିଜର ଯୋଗଦାନ ଦେଇଛନ୍ତି । ବର୍ତ୍ତମାନ ଦେଶ ସଙ୍କଟ ସ୍ଥିତି ମଧ୍ୟ ଦେଇ ଗତି କରୁଛି । ଏହି ସମୟରେ ଦେଶର ବିଭିନ୍ନ ବ୍ୟକ୍ତି ନିଜ ନିଜ ସାମର୍ଥ୍ୟ ଅନୁସାରେ ଅସହାୟଙ୍କୁ ସହାୟତା ପାଇଁ ଆଗେଇ ଆସୁଛନ୍ତି ।