ୟୁକ୍ରେନ ଉପରେ ଋଷର ଜୋରଦାର ଆକ୍ରମଣ, ରକେଟ୍ ମାଡ଼ରେ ଧ୍ୱଂସ କଲା ବିନିସ୍ତିୟା ଏୟାରପୋର୍ଟ

Russia Ukraine Conflict: ରବିବାର ଦିନ ୟୁକ୍ରେନର ରାଷ୍ଟ୍ରପତି ଭୋଲୋଡିମିର ଜେଲେନସ୍କି କହିଛନ୍ତି ଯେ ଋଷ ୮ ଟି ରକେଟ୍ ମାଡ଼ କରି ମଧ୍ୟ ବିନିସ୍ତିୟା ଏୟାରପୋର୍ଟକୁ ଧ୍ୱଂସ କରିଦେଇଛି ।

Ukraine Russia War: ଋଷ ଆକ୍ରମଣରେ ୟୁକ୍ରେନର ଚାରିଆଡେ ଧ୍ୱଂସାବଶେଷ ଦେଖିବାକୁ ମିଳିଛି । ରବିବାର ଦିନ ୟୁକ୍ରେନର ରାଷ୍ଟ୍ରପତି ଭୋଲୋଡିମିର ଜେଲେନସ୍କି କହିଛନ୍ତି ଯେ ଋଷ ୮ ଟି ରକେଟ୍ ମାଡ଼ କରି ମଧ୍ୟ ବିନିସ୍ତିୟା ଏୟାରପୋର୍ଟକୁ ଧ୍ୱଂସ କରିଦେଇଛି । ଜାଲେନସ୍କି ପାଶ୍ଚାତ୍ୟ ଦେଶଗୁଡ଼ିକୁ ୟୁକ୍ରେନ ଉପରେ ନୋ-ଫ୍ଲାଏ ଜୋନ୍ ଘୋଷଣା କରିବାକୁ ଅନୁରୋଧ କରିଛନ୍ତି । ସେ କହିଛନ୍ତି ଯେ ଋଷର ରକେଟ୍ ଏବଂ ବିମାନରେ ଆମର ଆକାଶ ସୀମାକୁ ଆସାଇବକୁ ବନ୍ଦ କରିବାର ଶକ୍ତି ବିଶ୍ଵ ପାଖରେ ଅଛି ।

ୟୁକ୍ରେନର ରାଷ୍ଟ୍ରପତି ଆହୁରି କହିଛନ୍ତି ଯେ ୟୁକ୍ରେନର ଆକାଶକୁ ସୁରକ୍ଷିତ କରିବା ପାଇଁ ଅଧିକ ବିମାନ ଆବଶ୍ୟକ । ବିନିସ୍ତିୟା ଏୟାରପୋର୍ଟ ବିନିସ୍ତିୟା ସହରର ରେଳ ଷ୍ଟେସନର ପ୍ରାୟ ୭.୫ କିଲୋମିଟର ପୂର୍ବରେ ଅବସ୍ଥିତ । ଏକ ପ୍ରକାରର ଏହା ୟୁକ୍ରେନର ମଧ୍ୟଭାଗରେ ଅବସ୍ଥିତ । ଯେଉଁଥିପାଇଁ ଏହା ଉଭୟ ଘରୋଇ ଏବଂ ବିଦେଶୀ ଯାତ୍ରୀ ଏବଂ ମାଲ ପରିବହନ ପାଇଁ ଏକ ସୁବିଧାଜନକ ମାଧ୍ୟମ ।

୫୦ ଦଶକ ପୂର୍ବରୁ ଏହି ଏୟାରପୋର୍ଟ ପ୍ରତିଷ୍ଠା କରାଯାଇଥିଲା । ଅର୍ଦ୍ଧ ଶତାବ୍ଦୀରୁ ଅଧିକ ସମୟ ପାଇଁ ଏହା ୟୁକ୍ରେନର ଏକ ଗୁରୁତ୍ୱପୂର୍ଣ୍ଣ ପରିବହନ ବ୍ୟବସ୍ଥା ଭାବରେ କାର୍ଯ୍ୟ କରି ଆସୁଛି । ଋଷ ସହିତ ଚାଲିଥିବା ବିବାଦ ମଧ୍ୟରେ ୟୁକ୍ରେନ ଉପରେ ନୋ-ଫ୍ଲାଏ ଜୋନ୍ ଲାଗୁ ନକରିବା ପାଇଁ ଜେଲେନସ୍କି ନାଟୋ ନିଷ୍ପତ୍ତିକୁ ନିନ୍ଦା କରିଥିଲେ ।

ଏକ ଭିଡିଓ ବାର୍ତ୍ତାରେ ଜେଲେନସ୍କି ଋଷର ସ୍ପୁଟନିକ୍କୁ ଉଦ୍ଧୃତ କରି କହିଛନ୍ତି ଯେ ଆଜି ନାଟୋର ଏକ ଶିଖର ସମ୍ମିଳନୀ ହୋଇଥିଲା । ଏହା ଏକ ଦୁର୍ବଳ ଶିଖର ସମ୍ମିଳନୀ, ଏକ ଦ୍ୱନ୍ଦ୍ୱପୂର୍ଣ୍ଣ ଶିଖର ସମ୍ମିଳନୀ, ଏକ ଶିଖର ସମ୍ମିଳନୀ ଯାହା ଦର୍ଶାଏ ଯେ ୟୁରୋପରେ ସ୍ୱାଧୀନତା ସଂଗ୍ରାମକୁ ସମସ୍ତେ ପ୍ରଥମ ଲକ୍ଷ୍ୟ ଭାବରେ ଦେଖନ୍ତି ନାହିଁ ।'