Sachin Vaze Case: NIA ସ୍କାନରରେ ମହିଳା ଷଡ଼ଯନ୍ତ୍ରକାରୀ !

ମୁମ୍ବାଇ: Antilia ପାଖରେ ବିସ୍ଫୋରକ ଭର୍ତ୍ତି ଗାଡ଼ି ମିଳିବା ଓ ମନସୁଖ ହିରେନ ହତ୍ୟା ମାମଲାରେ ଯାଞ୍ଚ କରୁଛି ଜାତୀୟ ତଦନ୍ତକାରୀ ସଂସ୍ଥା ବା NIA । ଏହି ଘଟଣାରେ ପ୍ରତ୍ୟେକ ଦିନ ନୂଆ ନୂଆ ତଥ୍ୟ ମହାରାଷ୍ଟ୍ର ସରକାରଙ୍କୁ ହରଡ଼ଘଣାରେ ପକାଉଛି । ତେବେ କିଛିଦିନ ତଳେ ସଚିନ ଭାଜେ ଥିବା ତାରକା ହୋଟେଲରେ ମଧ୍ୟ ଯାଞ୍ଚ କରିସାରିଛି NIA । ଯେଉଁଠାରେ ସେ ଫେବ୍ରୁଆରୀ ୧୬ ରୁ ଫେବ୍ରୁଆରୀ ୨୦ ଯାଏଁ ରହିଥିଲେ ତାହାର ସିସିଟିଭି ଫୁଟେଜ ଯାଞ୍ଚ କରୁଛି ଏଜେନ୍ସି। 

ହୋଟେଲରୁ NIA ଦ୍ୱାରା ମିଳିଥିବା ସିସିଟିଭି (CCTV ) ଫୁଟେଜରେ ଜଣେ ମହିଳା ମଧ୍ୟ ନଜର ଆସିଛନ୍ତି, ଯାହାର ହାତରେ ନୋଟ୍ ଗଣନା ମେସିନ୍ ଅଛି। ଏନଆଇଏ ସୂତ୍ର ଅନୁଯାୟୀ ଏହି ମହିଳା ଗୁଜୁରାଟ (Gujarat)ର। ବର୍ତ୍ତମାନ ଏନଆଇଏ ଜାଣିବାକୁ ଚେଷ୍ଟା କରୁଛି ଯେ, ମହିଳା ଜଣକ କିଏ ଏବଂ ଏହା ସଚିନ ଭାଜଙ୍କ ସହ କ’ଣ ସମ୍ପର୍କ ଅଛି ? ତାହା ଜାଣିବାକୁ ଚେଷ୍ଟା କରୁଛି। ଏନଆଇଏ ସନ୍ଦେହ କରୁଛି ଯେ, ଏହି ମହିଳା (  Mystery woman) ଜଣକ ସମଗ୍ର ଷଡଯନ୍ତ୍ରରେ ଜଡ଼ିତ ଥାଇପାରେ।

Also read:  କିଏ ଜିତିବ ପଶ୍ଚିମବଙ୍ଗ ? ଟିଏମସି, ବିଜେପି ନା ବାମ-କଂଗ୍ରେସ ମେଣ୍ଟ, ଜାଣନ୍ତୁ ନିର୍ବାଚନ ପୂର୍ବରୁ କ'ଣ କହୁଛି ଏହି ତାଜା ସର୍ଭେ

NIA ର ଅନୁସନ୍ଧାନରୁ ଜଣାପଡିଛି ଯେ, Sachin Vaze ଏକ ନକଲି ଆଧାର କାର୍ଡ ବ୍ୟବହାର କରି ହୋଟେଲରେ ରୁମ୍ ବୁକିଂ କରିଥିଲେ। ଏହି ତାରକା ହୋଟେଲରେ ସେ ରହିବା ପାଇଁ କାହିଁକି ନକଲି ଆଧାରକାର୍ଡ ବ୍ୟବହାର କରିଥିଲେ ତାକୁ ନେଇ ଖୁବ ଖୋଳତାଡ ଚାଲିଛି । ଏନଆଇଏ ଅନୁଯାୟୀ, ଏକ ଦଳ ନରିମାନ ପଏଣ୍ଟରେ ଥିବା ହୋଟେଲ ରୁମରେ ତଲାସି ଜାରି ରଖିଥିଲେ, ଯେଉଁଠାରେ ସେ ସଚିନ ଭାଜେ ସଦାଶିବ ଖମାକାର ନାଁରେ ୧୬ରୁ ୨୦ ଫେବୃଆରୀ ପର୍ଯ୍ୟନ୍ତ ରହିଥିଲେ।

Also read: Corona ର ଲେଉଟାଣି: ଏପ୍ରିଲ ୩୦ ଯାଏ ବନ୍ଦ ରହିବ ଅନ୍ତର୍ଜାତୀୟ ବିମାନ ସେବା

ଏନଆଇଏ ସୂତ୍ର ଅନୁଯାୟୀ, ଟ୍ରାଇଡେଣ୍ଟ ହୋଟେଲ (Hotel) ରୁ ଉଦ୍ଧାର ହୋଇଥିବା ସିସିଟିଭି ଫୁଟେଜ ଯାଞ୍ଚ କରିବା ପରେ Sachin Vaze ଙ୍କ ହାତରେ ଏକ ନୀଳ ରଙ୍ଗର ୫ଟି ବ୍ୟାଗ ଥିବା ଦେଖାଯାଇଥିଲା। ଗୋଟିଏ ବଡ଼ ବ୍ୟାଗରେ ବିପୁଳ ପରିମାଣର ନଗଦ ଟଙ୍କା ଥିବାବେଳେ ଅନ୍ୟ ବ୍ୟାଗରେ ଜିଲୋଟିନ୍ ବାଡି ଥିବା ଅନୁମାନ କରାଯାଉଛି, ଯାହା ଫେବୃଆରୀ ୨୫ ରେ ବ୍ୟବହୃତ ହୋଇଥିଲା । ତେବେ, ଏନ୍ଆଇଏ ବର୍ତ୍ତମାନ ଏହି ତଥ୍ୟକୁ ସ୍ପଷ୍ଟ କରିବାକୁ ଚେଷ୍ଟା ଜାରି ରଖିଛି ।