ସାହିଦ ଆଫ୍ରିଦି କୋରୋନା ପଜିଟିଭ

ନୂଆଦିଲ୍ଲୀ: ପାକିସ୍ତାନର ପୂର୍ବତନ ଅଧିନାୟକ ସାହିଦ ଆଫ୍ରିଦିଙ୍କୁ କୋରୋନା। ଏନେଇ ସେ ନିଜ ଟ୍ୱିଟର ଆକାଉଣ୍ଟରେ ସୂଚନା ଦେଇଛନ୍ତି। ଗୁରୁବାର ଠାରୁ ଅସୁସ୍ଥ ଅନୁଭବ କରୁଥିବା ବେଳେ ସେ କୋରୋନା ଟେଷ୍ଟ କରାଇଥିଲେ ବୋଲି ଟ୍ୱିଟରରେ ଲେଖିଛନ୍ତି। 

ସେ ଟ୍ୱିଟରରେ ଲେଖିଛନ୍ତି କି, ଗୁରୁବାର ଠାରୁ ମୁଁ ଅସୁସ୍ଥ ଅନୁଭବ କରୁଛି। ମୋର ଦେହ ଖରାପ ଲାଗୁଥିଲା। ମୁଁ ନିଜକୁ କୋରୋନା ଟେଷ୍ଟ କରାଇ ନେଇଛି ଓ ଦୁର୍ଭାଗ୍ୟବଶତ ମୋର କୋରୋନା ରିପୋର୍ଟ କୋରୋନା ପଜିଟିଭ୍ ଅଟେ । ଯଥାଶୀଘ୍ର ମୁଁ ସୁସ୍ଥ ହେବି ବୋଲି ମୋର ଆଶା। ଏଥିପାଇଁ ମୋତେ ପ୍ରଶଂସକଙ୍କ ପ୍ରାର୍ଥନାର ଆବଶ୍ୟକ ରହିଛି ବୋଲି ସେ ତାଙ୍କ ଟ୍ୱିଟରରେ ଉଲ୍ଲେଖ କରିଛନ୍ତି। 

Add Zee News as a Preferred Source

I’ve been feeling unwell since Thursday; my body had been aching badly. I’ve been tested and unfortunately I’m covid positive. Need prayers for a speedy recovery, InshaAllah #COVID19 #pandemic #hopenotout #staysafe #stayhome

— Shahid Afridi (@SAfridiOfficial) June 13, 2020

ସାହିଦଙ୍କ ପୂର୍ବରୁ ଅନ୍ୟ ଦୁଇ ପାକିସ୍ତାନୀ କ୍ରିକେଟର କୋରୋନା ପଜିଟିଭ ହୋଇ ସାରିଛନ୍ତି। ସାହିଦଙ୍କ ପୂର୍ବରୁ ତଫିକ ଉମର ଓ ଜାଫର ସର୍ଫରାଜ କୋରୋନାରେ ସଂକ୍ରମିତ ହୋଇ ସାରିଛନ୍ତି। ତେବେ ଉଭୟେ ଘରେ ୧୪ ଦିନ ସଂଗରୋଧରେ ରହିବା ପରେ ଉଭୟେ ସୁସ୍ଥ ହୋଇଥିବା ନେଇ ସୂଚନା ଦେଇଛନ୍ତି। ପୂର୍ବତନ ପାକିସ୍ତାନ ଓପନର ଗତ ମାସରେ ପଜିଟିଭ୍ ପରୀକ୍ଷା କରିଥିଲା। ଜୁନ୍ ପ୍ରଥମ ସପ୍ତାହରେ ୧୪ ଦିନ ରହିବା ପରେ ତାଙ୍କର ଦ୍ୱିତୀୟ ପରୀକ୍ଷା କରାଯାଇଥିଲା। ଉକ୍ତ ପରୀକ୍ଷାରେ କୋରୋନା ନେଗେଟିଭ ଆସିବା ପରେ ଉଭୟେ ଘରକୁ ଫେରିଥିଲେ। 

ଏହି ଭୂତାଣୁରେ ଆକ୍ରାନ୍ତ ହୋଇଥିବା ସ୍କଟଲାଣ୍ଡର ମାଜିଦ୍ ହକ୍ ଏବଂ ଦକ୍ଷିଣ ଆଫ୍ରିକାର ସୋଲୋ ନକ୍ୱେନି ଅନ୍ୟ କ୍ରିକେଟର ଅଟନ୍ତି ।