ଅକ୍ଷୟ ଓ ମୁକେଶଙ୍କୁ ସଞ୍ଜୟଙ୍କ ଧମକ !

ନୂଆଦିଲ୍ଲୀ: ଅଭିନେତ୍ରୀ କଙ୍ଗନା ରାଣାଓ୍ୱତ ଓ ଶିବସେନା ମଧ୍ୟରେ ସୋସିଆଲ ମିଡ଼ିଆ ହେଉ ଅବା ସିଧାସଳଖ ଭାବେ ବାକ ଯୁଦ୍ଧ ଜାରି ରହିଛି। ଏହାରି ମଧ୍ୟରେ ସଞ୍ଜୟ ରାଉତ ବଲିଉଡ଼ ଓ ଶିଳ୍ପପତିମାନଙ୍କୁ ପରୋକ୍ଷରେ ଟାର୍ଗେଟ କରିବା ଆରମ୍ଭ କରିଦେଇଛି। ନିକଟରେ ଶିବସେନାର ସାଂସଦ ସଞ୍ଜୟ ରାଉଥ କହିଥିଲେ କି, ବ୍ୟବସାୟିକ କାରଣରୁ ଶିଳ୍ପପତି ମୁକେଶ ଅମ୍ବାନୀ ଚୁପ ରହୁଛନ୍ତି। ମାତ୍ର ରାଷ୍ଟ୍ରବାଦୀ ଅଭିନେତା ଅକ୍ଷୟ କୁମାରଙ୍କୁ ବର୍ତ୍ତମାନ ସ୍ଥିତିରେ ତାଙ୍କର ମୁହଁ ଖୋଲିବା ଉଚିତ ବୋଲି ସେ ମତ ଦେଇଥିଲେ। ତେବେ ଶିବସେନା ବର୍ତ୍ତମାନ ଅକ୍ଷୟ କୁମାରଙ୍କୁ ଢାଲ କରି ଧମକ ଦେବା ଆରମ୍ଭ କରିଦେଇଛି।  

ଅଧିକ ପଢନ୍ତୁ: କଙ୍ଗନାଙ୍କୁ ଆଉ ଏକ ବଡ଼ ଝଟକା ଦେଲା ବିଏମସି !

ଭେଟେରାନ ଅଭିନେତା ମନୋଜ କୁମାରଙ୍କ ପରେ ଯଦି କୌଣସି ଅଭିନେତା ଅଘୋଷିତ ରାଷ୍ଟ୍ରବାଦୀ ଅଭିନେତାର ଆଖ୍ୟା ପାଇଥାନ୍ତି, ତେବେ ସେ ହେଉଛନ୍ତି ଅକ୍ଷୟ କୁମାର। ଅକ୍ଷୟ ପ୍ରାୟ ଦୁଇ ଦଶନ୍ଧିରୁ ଊର୍ଦ୍ଧ୍ୱ ସମୟ ଧରି ବଲିଉଡ଼ରେ ସକ୍ରିୟ ରହିଛନ୍ତି। ଅଧିକାଂଶ ଦେଶପ୍ରେମର ବାର୍ତ୍ତା ଦେଉଥିବା ସିନେମାରେ ଅଭିନୟ କରିଥାନ୍ତି। ଅକ୍ଷୟଙ୍କ ଅଧିକାଂଶଙ୍କ ସିନେମା ଦର୍ଶକଙ୍କ ଦ୍ୱାରା ବେଶ ଆଦୃତ ହୋଇଥାଏ। ସେହିପରି ଅକ୍ଷୟ ଅଧିକାଂଶ ସମୟରେ ଦେଶର ଉନ୍ନତି ପାଇଁ କାର୍ଯ୍ୟ କରୁଥିବାର ଦେଖିବାକୁ ମଧ୍ୟ ମିଳିଥାନ୍ତି।  

ନିକଟରେ ଅକ୍ଷୟ କୁମାରଙ୍କ ନାଁକୁ ପ୍ରଧାନମନ୍ତ୍ରୀଙ୍କ ସ୍ୱଚ୍ଛ ଭାରତର ବ୍ରାଣ୍ଡ ଆମ୍ବାସଡ଼ର ଭାବେ ଘୋଷଣା କରାଯାଇଥିଲା। ଟଏଲେଟ ଏକ ପ୍ରେମକଥା ଭଳି ଏକ ସାହସିକ ତଥା ସ୍ୱଚ୍ଛତା ଭିତ୍ତିକ କାହାଣୀରେ ଅଭିନୟ କରି ଅନେକ ପ୍ରଶଂସା ସାଉଣ୍ଟିଥିଲେ। ଏହି ସିନେମାର କାହାଣୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ୱଚ୍ଛ ଭାରତକୁ ନେଇ ଗତିଶୀଳ। ସେହିପରି ଉତ୍ତରପ୍ରଦେଶର ସ୍ୱଚ୍ଛ ଭାରତର ଅଭିଯାନର ବ୍ରାଣ୍ଡ ଆମ୍ବାସାଡ଼ର ଭାବେ ମଧ୍ୟ ଅକ୍ଷୟକୁମାରଙ୍କ ନାଁକୁ ବାଛିଚି ଉତ୍ତରପ୍ରଦେଶ ସରକାର।  

ଅଧିକ ପଢନ୍ତୁ: ଆଗକୁ ଆସୁଛି ଉପନିର୍ବାଚନ, ଏବେ ଠାରୁ ଆରମ୍ଭ ହୋଇଗଲାଣି ପ୍ରଚାର

ସଞ୍ଜୟ ରାଉତ ସାମ୍ନାର ସମ୍ପାଦକୀୟ ସ୍ତମ୍ଭରେ ଅକ୍ଷୟ କୁମାର ଓ ମୁକେଶଙ୍କୁ ଟାର୍ଗେଟ କରି ଲେଖିଛନ୍ତି କି, ଅକ୍ଷୟ କୁମାରଙ୍କ ଭଳି ବଡ଼ ବଡ଼ ଅଭିନେତା ବର୍ତ୍ତମାନ ସାମ୍ନାକୁ ଆସିବାର ସମୟ ଆସିଛି। ମୁମ୍ବାଇ ସେମାନଙ୍କୁ ବହୁତ କିଛି ଦେଇଛି। ମୁମ୍ବାଇ ତ ଏଠି ସମସ୍ତଙ୍କୁ କିଛି ନା କିଛି ଦେଇଛି। କିନ୍ତୁ ମୁମ୍ବାଇକୁ ଦେବାର ସମୟ ବର୍ତ୍ତମାନ ଆସିଛି। ମାତ୍ର ମୁମ୍ବାଇର ଅପମାନ ସମୟରେ ଏହି ବଡ଼ ବଡ଼ ଅଭିନେତା, ଶିଳ୍ପପତିମାନେ ଏହି ସମୟରେ ଚୁପ ରହିବା ନିଶ୍ଚିତ ପକ୍ଷେ ନିନ୍ଦନୀୟ ବୋଲି ସେ କହିଛନ୍ତି। ସେ ଆହୁରି ମଧ୍ୟ ଲେଖିଛନ୍ତି କି, ଏମାନେ କେବଳ ନାଁ ଏବଂ ଟଙ୍କା ରୋଜଗାର କରିବା ପାଇଁ ମୁମ୍ବାଇ ଆସିଥାନ୍ତି। ମୁମ୍ବାଇରେ କେବଳ ଏମାନଙ୍କ ସ୍ୱାର୍ଥ ପାଇଁ ଏଠାରେ ରହିଛନ୍ତି। ଆସନ୍ତା କାଲି ସକାଳେ ଯଦି ମୁମ୍ବାଇର ବଳାତ୍କାର କରି ଦିଆଯାଏ ତଥାପି ଏମାନେ ଚୁପ ରହିବେ। କିନ୍ତୁ ଏମାନଙ୍କୁ ମନେରଖିବାକୁ ହେବ ଯେ, ଠାକରେ ହାତରେ ମହାରାଷ୍ଟ୍ର ପରିଚାଳନାର କମାଣ ରହିଛି ବୋଲି ସେ ସାମ୍ନାରେ ଲେଖିଛନ୍ତି।  

ଅଧିକ ପଢନ୍ତୁ: ଛାତ୍ର ନେତା ଉମର ଖାଲିଦ ଗିରଫ

ସେପଟେ ଭାରତର ସବୁଠାରୁ ଧନୀ ବ୍ୟବସାୟୀ ମୁକେଶ ଅମ୍ବାନୀ ପରୋକ୍ଷରେ ସଞ୍ଜୟ ରାଉତଙ୍କ ଟାର୍ଗେଟକୁ ଆସିଛନ୍ତି। ଏହାର କାରଣ ମଧ୍ୟ ବେଶ ଅଜବ। ସଞ୍ଜୟ ଦର୍ଶାଇଥିବା କାରଣ ଅନୁଯାୟୀ ମୁକେଶ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟତର। ଏପରିକି ପ୍ରଧାନମନ୍ତ୍ରୀଙ୍କ ଅତି ବିଶ୍ୱସ୍ତ ବନ୍ଧୁ ଭାବେ ମଧ୍ୟ ପରିଗଣିତ ହୋଇଥାନ୍ତି ମୁକେଶ। ଏହି ସମ୍ପର୍କ ପାଇଁ ମୁକେଶ ଅମ୍ବାନୀଙ୍କୁ ଟାର୍ଗେଟ କରିଛନ୍ତି ସଞ୍ଜୟ ରାଉତ। ସେହିପରି କୁହାଯାଉଛି ଯେ, ମୁକେଶ ଅମ୍ବାନୀ ଓ କଙ୍ଗନା ରାଣାଓ୍ୱତ ମଧ୍ୟ ଭଲ ବନ୍ଧୁ। ଏହାରି ମଧ୍ୟରେ ନିଜର କାର୍ଯ୍ୟାଳୟକୁ ପୁନଃ ନିର୍ମାଣ କରିବାକୁ ମୁକେଶ ଅମ୍ବାନୀ କଙ୍ଗନାଙ୍କୁ କହିଛନ୍ତି। ଏପରିକି ଏହି କାର୍ଯ୍ୟରେ ସାହାଯ୍ୟ କରିବେ ବୋଲି ମୁକେଶ କଙ୍ଗନାଙ୍କୁ ଭରସା ମଧ୍ୟ ଦେଇଥିବା ସୂଚନା ରହିଛି।