SBI ବୃଦ୍ଧି କଲା ସୁଧ ହାର, ଏହି ଆକାଉଣ୍ଟ ଥିବା ବ୍ୟକ୍ତିଙ୍କୁ ମିଳିବ ଅଧିକ ରିଟର୍ନ

RD ହେଉଛି ଏକ ଲୋକପ୍ରିୟ ସେଭିଂ ସ୍କିମ । ଯାହା ନିୟମିତ କିସ୍ତିର ନିବେଶ ରାଶି ଉପରେ ଏକ ନିର୍ଦ୍ଦିଷ୍ଟ ସୁଧ ହାର ପ୍ରଦାନ କରେ । ଏହାର ଅବଧି ଶେଷରେ, ଗ୍ରାହକ ନିଜର ମାଚ୍ୟୁରିଟି ଟଙ୍କା ପାଇଥାନ୍ତି ।

SBI RD Interest Rate: ଦେଶର ସର୍ବବୃହତ ପବ୍ଲିକ ସେକ୍ଟର ବ୍ୟାଙ୍କ ଏସବିଆଇ (SBI) ନିଜର ରିକରିଂ ଡିପୋଜିଟ (RD) ଆକାଉଣ୍ଟ ପାଇଁ ସୁଧ ହାରକୁ ବୃଦ୍ଧି କରିଛି । SBI ର ନୂତନ RD ସୁଧ ହାର 5.1 ପ୍ରତିଶତରୁ 5.4 ପ୍ରତିଶତ ପର୍ଯ୍ୟନ୍ତ ରହିଛି । 

ରିକରିଂ ଡିପୋଜିଟ (RD) ହେଉଛି ଏକ ଲୋକପ୍ରିୟ ସଞ୍ଚୟ ଯୋଜନା । ଯାହା ନିୟମିତ କିସ୍ତିରେ ନିବେଶ ରାଶି ଉପରେ ଏକ ନିର୍ଦ୍ଦିଷ୍ଟ ସୁଧ ହାର ପ୍ରଦାନ କରେ । ଏହାର ଅବଧି ଶେଷରେ, ଗ୍ରାହକ ନିଜର ମାଚ୍ୟୁରିଟି ଟଙ୍କା ପାଇଥାନ୍ତି । RD (Recurring Deposits) ସେଭିଂ ଆକାଉଣ୍ଟ ଉପରେ SBI ସୁଧ ହାରକୁ ସଂଶୋଧନ କରିଛି ।

ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ସର୍ବନିମ୍ନ 100 ଟଙ୍କା ସହିତ ଆରଡି ଆକାଉଣ୍ଟ ଖୋଲିବାକୁ ଅନୁମତି ଦିଏ । ଏଠାରେ ଆପଣ 6 ମାସରୁ 10 ବର୍ଷ ପର୍ଯ୍ୟନ୍ତ ଏକ ଅବଧି ପାଇଁ ଏକ RD ଆକାଉଣ୍ଟ୍ ଖୋଲିପାରିବେ । RD ଉପରେ ସୁଧ ହାର ଫିକ୍ସଡ ଡିପୋଜିଟ (FD) ସହିତ ସମାନ ଏବଂ ସେଭିଂ ଆକାଉଣ୍ଟ ତୁଳନାରେ ଅଧିକ ।

SBI ଆରଡି ଆକାଉଣ୍ଟ୍
ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଆରଡି ଆକାଉଣ୍ଟରେ ବର୍ଦ୍ଧିତ ସୁଧ ହାର 15, ଜାନୁୟାରୀ 2022 ଠାରୁ ପ୍ରଯୁଜ୍ୟ । ଏସବିଆଇର ନୂତନ ଆରଡି ସୁଧ ହାର 5.1 ପ୍ରତିଶତରୁ 5.4 ପ୍ରତିଶତ ପର୍ଯ୍ୟନ୍ତ ରହିଛି । ବରିଷ୍ଠ ନାଗରିକଙ୍କ ପାଇଁ, ଆରଡି ଆକାଉଣ୍ଟରେ 50 ଆଧାର ପଏଣ୍ଟରେ ଅତିରିକ୍ତ ସୁଧ ଉପଲବ୍ଧ ହେବ ।

SBI ରେ, 1 ରୁ 2 ବର୍ଷର RD ରେ 5.1 ପ୍ରତିଶତ ସୁଧ ଉପଲବ୍ଧ ହେବ । ଦୁଇରୁ 3 ବର୍ଷର RD ରେ 5.1 ପ୍ରତିଶତ ଏବଂ 3 ରୁ 5 ବର୍ଷର RD ଆକାଉଣ୍ଟରେ 5.3 ପ୍ରତିଶତ ସୁଧ ମଧ୍ୟ ଉପଲବ୍ଧ ହେବ । 5 ବର୍ଷ ଏବଂ 10 ବର୍ଷ ପର୍ଯ୍ୟନ୍ତ ମାଚ୍ୟୁରିଟି ଟଙ୍କା ସହିତ FD ଉପରେ 5.4% ର ସୁଧ ଦିଆଯାଉଛି ।

କିପରି ଖୋଲି ପାରିବେ RD ଆକାଉଣ୍ଟ
ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆର ଏକ ଶାଖା ଭିଜିଟ କରି ଆପଣ ଏହି ଆକାଉଣ୍ଟ ଖୋଲିପାରିବେ । ବର୍ତ୍ତମାନ ଘରେ ବସି ଅନଲାଇନ୍ ଆରଡି ଆକାଉଣ୍ଟ ମଧ୍ୟ ଖୋଲାଯାଇପାରିବ । ଯଦି ଆପଣ ଏସବିଆଇ ନେଟବ୍ୟାଙ୍କିଙ୍ଗ ସୁବିଧା ର ଲାଭ ଉଠାଉଛନ୍ତି, ତେବେ ନେଟ ବ୍ୟାଙ୍କିଙ୍ଗ ମାଧ୍ୟମରେ ଆରଡି ଆକାଉଣ୍ଟ ମଧ୍ୟ ଖୋଲାଯାଇପାରିବ ।

ପ୍ରତ୍ୟାହାର ନିୟମ
ମାଚ୍ୟୁରିଟି ପୂର୍ବରୁ ମଧ୍ୟ ଆପଣ ଆପଣଙ୍କର RD ଆକାଉଣ୍ଟରୁ ଟଙ୍କା ଉଠାଇ ପାରିବେ । ଯଦି ଆପଣ ମାଚ୍ୟୁରିଟି ପୂର୍ବରୁ ଟଙ୍କା ପ୍ରତ୍ୟାହାର କରନ୍ତି, ସେଠାରେ ଏକ ଛୋଟ ସାମାନ୍ୟ ଚାର୍ଜ ଲାଗିବ । ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଆରଡି ଆଂଶିକ ପ୍ରତ୍ୟାହାର କରିବାକୁ ଅନୁମତି ଦିଏ ନାହିଁ ।