ସଲମାନଙ୍କ ପାଇଁ ରାଜକୁମାର ହିରାନୀଙ୍କ ଫିଲ୍ମ ଛାଡ଼ିଲେ ଶାହରୁଖ !

ନୂଆଦିଲ୍ଲୀ: ବଲିଉଡର କିଙ୍ଗ ଖାନ ଅର୍ଥାତ ଶାହରୁଖ ଖାନଙ୍କ  'ଜିରୋ' ପରଠାରୁ କୌଣସି ଫିଲ୍ମ ରିଲିଜ ହୋଇନାହିଁ । ଏଭଳି ପରିସ୍ଥିତିରେ ପ୍ରଶଂସକମାନେ ସେମାନଙ୍କ ପ୍ରିୟ କଳାକାରଙ୍କ ଫିଲ୍ମ କେବେ ଆସିବ ବୋଲି ଅପେକ୍ଷା କରିଛନ୍ତି । ନିକଟରେ ଖବର ଆସିଥିଲା ​ଯେ, ଶାହରୁଖ ଖାନଙ୍କୁ ପ୍ରସିଦ୍ଧ ନିର୍ଦ୍ଦେଶକ ରାଜକୁମାର ହିରାନୀଙ୍କ ପରବର୍ତ୍ତୀ ଚଳଚ୍ଚିତ୍ରରେ ଦେଖିବାକୁ ମିଳିବ । ଶାହାରୁଖ ମଧ୍ୟ ଏକ ଟ୍ୱିଟ୍ ଜରିଆରେ ଏନେଇ ଇଙ୍ଗିତ କରିଥିଲେ । ଅନେକ ରିପୋର୍ଟରେ ଏହି କଥା ସାମ୍ନାକୁ ଆସୁଛି ଯେ ରାଜକୁମାର ହିରାନୀଙ୍କ ଏହି ଫିଲ୍ମରେ ୨ ଜଣ ହିରୋ ନଜର ଆସିବେ । ଏଭଳି ପରିସ୍ଥିତିରେ ନିର୍ଦ୍ଦେଶକ ସଲମାନ ଖାନଙ୍କୁ ଫିଲ୍ମରେ ନେବାକୁ ଚାହୁଁଛନ୍ତି । କିନ୍ତୁ ଖବର ଅନୁଯାୟୀ, ଶାହାରୁଖ ଖାନ ଏହି ଫିଲ୍ମରେ ସଲମାନ ଖାନଙ୍କ ସହ କାମ କରିବାକୁ ଚାହୁଁନାହାଁନ୍ତି ।

ବଲିଉଡ ଲାଇଫରେ ପ୍ରକାଶିତ ଖବର ଅନୁଯାୟୀ, ଏକ ପତ୍ରିକା ଦାବି କରିଛି ଯେ ଶାହରୁଖ ଖାନ ଚାହୁଁଛନ୍ତି ଏହି ଫିଲ୍ମରେ କେବଳ ଜଣେ ହିରୋ ରହୁ । କିଙ୍ଗ ଖାନ ନିର୍ଦ୍ଦେଶକ ରାଜକୁମାର ହିରାନୀଙ୍କ ସହ ଏ ବିଷୟରେ ମଧ୍ୟ ଆଲୋଚନା କରିଛନ୍ତି । ଖବର ଅନୁଯାୟୀ, ଶାହାରୁଖ ଖାନ ଏହି ଫିଲ୍ମରେ ସଲମାନ ଖାନଙ୍କ ସହ କାମ କରିବାକୁ ଚାହୁଁନାହାଁନ୍ତି । ଏବେ ଏହା ଦେଖିବାକୁ ପଡ଼ିବ କି ଶାହରୁଖ ଖାନ ଓ ସଲମାନ ଖାନଙ୍କ ପ୍ରଶଂସକମାନେ ସେମାନଙ୍କୁ ପୁଣିଥରେ ଏକାଠି ପରଦାରେ ଦେଖିବାର ଇଚ୍ଛା ପୂରଣ କରିପାରିବ କି ନାହିଁ । ଶାହରୁଖ ଖାନଙ୍କ ଫିଲ୍ମ 'ଜିରୋ'ରେ ସଲମାନ ଖାନଙ୍କୁ ମଧ୍ୟ ଏକ ଗୀତରେ ଦେଖିବାକୁ ମିଳିଥିଲା । ଏହା ବ୍ୟତୀତ ଉଭୟ ଅନେକ ଫିଲ୍ମରେ ଏକାଠି ନଜର ଆସିଛନ୍ତି ।

କୋରୋନା ଭାଇରସ ଲକଡାଉନ୍ କାରଣରୁ ଶାହରୁଖ ଖାନ ଓ ସଲମାନ ଖାନ ଅନ୍ୟ ଷ୍ଟାରଙ୍କ ପରି ଘରେ ସମୟ ବିତାଉଛନ୍ତି । ଉଭୟ କଳାକାର ନିଜ ଘରୁ ଭିଡିଓ ପ୍ରସ୍ତୁତ କରି ଲୋକଙ୍କୁ ସଚେତନ କରାଉଛନ୍ତି । ଏହି ଭୂତାଣୁ ମୁକାବିଲା ପାଇଁ ରିଲିଫ୍ ଟଙ୍କା ଦାନ କରିବା ସହିତ ଉଭୟ ଅନ୍ୟ ଲୋକଙ୍କୁ ମଧ୍ୟ ସାହାଯ୍ୟ କରୁଛନ୍ତି ।