ଦଣ୍ଡାଦେଶ ବେଳର କାହାଣୀ କହିଲେ ଶ୍ରୀସନ୍ଥ

ନୂଆଦିଲ୍ଲୀ: ଭାରତର ଦ୍ରୁତ ବୋଲର ଏସ୍। ଶ୍ରୀସନ୍ଥ ମ୍ୟାଚ୍ ଫିକ୍ସିଂ ଗିରଫଦାରୀର ପୁରା କାହାଣୀ ପ୍ରକାଶ କରିଛନ୍ତି। ଶ୍ରୀସନ୍ଥ କହିଛନ୍ତି ଯେ ମ୍ୟାଚ ପରେ ଦଳର କିଛି ସେକେଣ୍ଡ ମଧ୍ୟରେ ତାଙ୍କୁ ଆତଙ୍କବାଦୀ ୱାର୍ଡକୁ ନିଆଯାଇଥିଲା। ଏହି ୱାର୍ଡରେ ତାଙ୍କୁ ୧୨ ଦିନ ପାଇଁ କ୍ରମାଗତ ଭାବରେ ୧୬ ରୁ ୧୭ ଘଣ୍ଟା ପଚରାଉଚରା କରାଯାଇଥିଲା | ସେ ଆହୁରି ମଧ୍ୟ କହିଥିଲେ କି ସ୍ପଟ୍ ଫିକ୍ସିଂ ପାଇଁ ୨୦୧୩ରେ ଶ୍ରୀସନ୍ଥ ଧରାପଡିଥିଲେ | ଏହା ପରେ ବିସିସିଆଇ ତାଙ୍କୁ ଆଜୀବନ ବାସନ୍ଦ କରିଥିଲା। ତେବେ ବିସିସିଆଇ ଲୋକପାଲ ଡି।କେ ଜୈନ ଗତବର୍ଷ ଏହି ଦଣ୍ଡକୁ ୭ ବର୍ଷକୁ ହ୍ରାସ କରିଛନ୍ତି ଯାହା ଚଳିତ ବର୍ଷ ସେପ୍ଟେମ୍ବରରେ ଶେଷ ହେବ।

ଶ୍ରୀସନ୍ଥ କହିଛନ୍ତି, "ମ୍ୟାଚ ଶେଷ ପରେ ହୋଇଥିବା ପାର୍ଟିର କିଛି କ୍ଷଣ ପରେ ମୋତେ ଆତଙ୍କବାଦୀ ୱାର୍ଡକୁ ନିଆଯାଇଥିଲା। ମୁଁ ଅନୁଭବ କଲି ଯେ ମୋତେ ଢାଲ ଭାବେ ବ୍ୟବହାର କରାଯାଇଛି। କ୍ରମାଗତ ୧୨ଦିନ ପାଇଁ ମୋତେ ୧୬ ରୁ ୧୭ଘଣ୍ଟା ପାଇଁ ଜେରା ସହିତ ନିର୍ଯାତନା ଦେଉଥିଲା ବୋଲି ସେ କହିଥିଲେ। 

ଶ୍ରୀସନ୍ଥ ଆହୁରି ମଧ୍ୟ କହିଛନ୍ତି "ସେହି ସଂକଟ ସମୟରେ ମୁଁ ସେତେବେଳେ ସବୁବେଳେ ମୋ ଘର ଏବଂ ପରିବାର ବିଷୟରେ ଚିନ୍ତା କରୁଥିଲି। କିଛି ଦିନ ପରେ ମୋ ବଡ ଭାଇ ମୋତେ ଦେଖା କରିବାକୁ ଆସିଥିଲେ। ପରିବାରର ସମସ୍ତ ସଦସ୍ୟ ଭଲ ଥିବା ନେଇ ସେ ସୂଚନା ଦେଇଥିଲେ । ମୋର ପରିବାର ସଦସ୍ୟ ମୋ ଖରାପ ସମୟରେ ମୋ ପଛରେ ଛିଡ଼ା ହୋଇଥିଲେ ବୋଲି ସେ କହିଥିଲେ। 

ଶ୍ରୀସନ୍ଥ ଆହୁରି ମଧ୍ୟ କହିଛନ୍ତି ଯେ, ଜୀବନରେ ପ୍ରତ୍ୟେକ ସଂଗ୍ରାମ ଗୁରୁତ୍ୱପୂର୍ଣ୍ଣ ଏବଂ ସମସ୍ତେ ନିଜ ସ୍ତରରେ କିଛି ନା କିଛି ଯୁଦ୍ଧ କରୁଛନ୍ତି। ଯଦିଓ ସଚିନ ତେନ୍ଦୁଲକର ମଧ୍ୟ ଗୋଟିଏ ମ୍ୟାଚରେ ଶତକ ହାସଲ କରନ୍ତି, ତେବେ ତାଙ୍କୁ ପରବର୍ତ୍ତୀ ମ୍ୟାଚରେ ଶୂନରୁ ଆରମ୍ଭ କରିବାକୁ ପଡିବ ବୋଲି ସେ କହିଥିଲେ। 

ଉଲ୍ଲେଖନୀୟ ଯେ, ନିଷେଧାଦେଶ ପରେ ଶ୍ରୀସନ୍ଥଙ୍କୁ ପଡ଼ିଆକୁ ଫେରିବାକୁ ଯାଉଛନ୍ତି। ନିକଟରେ କେରଳ କ୍ରିକେଟ୍ ଆସୋସିଏସନ୍ ଶ୍ରୀସନ୍ଥଙ୍କୁ ରାଜ୍ୟ ରଣଜୀ ଦଳରେ ସାମିଲ କରିବା ନେଇ ଆଲୋଚନା କରିଥିଲା। ସେ କହିଛନ୍ତି ଯେ ଯଦି ଫିଟନେସ ପରୀକ୍ଷାରେ ଉତ୍ତୀର୍ଣ୍ଣ ହୁଅନ୍ତି ତେବେ ସେ ରଣଜୀ କ୍ରିକେଟ୍ ଖେଳିପାରିବେ। କେରଳ କ୍ରିକେଟ୍ ଆସୋସିଏସନର ଏହି ନିଷ୍ପତ୍ତି ପରେ ଶ୍ରୀସନ୍ଥ କହିଛନ୍ତି ଯେ ମୋତେ ଦ୍ୱିତୀୟ ସୁଯୋଗ ଦେଇଥିବାରୁ ମୁଁ କେସିଏକୁ କୃତଜ୍ଞତା ଜଣାଉଛି। ମୁଁ ମୋର ଫିଟନେସ୍ ପ୍ରମାଣ କରିବି ଏବଂ ଏକ ଭଲ ପ୍ରତ୍ୟାବର୍ତ୍ତନ କରିବି | ବର୍ତ୍ତମାନ ସମସ୍ତ ବିବାଦ ସମାପ୍ତ ହେବା ପରେ ମୁଁ ମୋର ଖେଳ ଉପରେ ଧ୍ୟାନ ଦେବି ବୋଲି ସେ କହିଛନ୍ତି।