Sri Lanka Crisis: ଶେଷରେ ଦେଶ ଛାଡ଼ିଲେ ଶ୍ରୀଲଙ୍କା ରାଷ୍ଟ୍ରପତି!

Sri Lanka Crisis: ଶ୍ରୀଲଙ୍କାରେ ବିକ୍ଷୋଭକାରୀମାନେ ରାଷ୍ଟ୍ରପତି ଭବନକୁ କବଜା କରି ନେଇଛନ୍ତି । ରାଷ୍ଟ୍ରପତି ରାଜପାକ୍ଷେ ଦେଶ ଛାଡି ପଳାୟନ କରିଛନ୍ତି । ଦେଶର ପରିସ୍ଥିତିକୁ ନିୟନ୍ତ୍ରଣକୁ ଆଣିବା ପାଇଁ ପ୍ରଧାନମନ୍ତ୍ରୀ ୱିକେରେମିସିଂହ ଏକ ଜରୁରୀ ବୈଠକ ଡାକିଛନ୍ତି।

Sri Lanka Crisis: ଶେଷରେ ଦେଶ ଛାଡ଼ିଛନ୍ତି ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ରାଜପାକ୍ଷେ । ଶ୍ରୀଲଙ୍କାରେ ଦେଖାଯାଇଥିବା ଅସ୍ଥିରତା ମଧ୍ୟରେ ଆନ୍ଦୋଳନ ଅଧିକ ହେବାରେ ଲାଗିଛି । ଆନ୍ଦୋଳନକାରୀ ମାନେ ଶ୍ରୀଲଙ୍କାର ସ୍ଥିତି ପାଇଁ ରାଜପାକ୍ଷେ ପରିବାରକୁ ଦାୟୀ କରୁଛନ୍ତି । ଯାହାପାଇଁ ରାଜପାକ୍ଷେ ପରିବାର ଜନତାଙ୍କ ରୋଷର ଶିକାର ହୋଇଛି । ଯାହାପାଇଁ ଆନ୍ଦୋଳକାରୀମାନେ ରାଷ୍ଟ୍ରପତି ଗୋଟାବାୟା ରାଜପାକ୍ଷେଙ୍କ ବାସଭବନ ଘେରିବା ସହ ଘରେ ପଶି ଭଙ୍ଗାରୁଜା କରିଛନ୍ତି । ଫଳରେ ଜୀବନ ପ୍ରତି ବିପଦ ଆଶଙ୍କା କରି ଗୋଟାବାୟା ଦେଶଛାଡ଼ି ପଳାଇଥିବା ସୂଚନା ମିଳିଛି ।

ଶ୍ରୀଲଙ୍କାରେ ଦେଖାଯାଇଥିବା ଅର୍ଥନୈତିକ ସଂକଟକୁ ନେଇ ଦିନକୁ ଦିନ ସ୍ଥିତି  ବିଗିଡିବାରେ ଲାଗିଛି । ଲୋକେ ସିଧାସଳଖ ରାଜପାକ୍ଷେ ପରିବାରକୁ ଦାୟୀ କରି ରାସ୍ତାକୁ ଓହ୍ଲାଉଛନ୍ତି । ଆଜି ବିକ୍ଷୋଭକାରୀମାନେ ରାଷ୍ଟ୍ରପତି ଗୋଟାବାୟାଙ୍କ ବାସଭବନକୁ ଘେରିଥିଲେ । ଏହାସହ ଘର ଭିତରେ ପ୍ରବଳ ଭଙ୍ଗାରୁଜା କରିଥିଲେ । ଏହାସହ ସେମାନେ ଗୋଟାବାୟାଙ୍କ ଇସ୍ତଫା ଦାବି କରିଥିଲେ । ଯେଉଁଥିପାଇଁ ଶ୍ରୀଲଙ୍କା ରାଷ୍ଟ୍ରପତି ନିଜ ଘରି ଛାଡ଼ି କେଉଁଆଡ଼େ ପଳାଇ ଯାଇଥିବା କୁହାଯାଉଛି ।

ଆର୍ଥିକ ଅସ୍ଥିରତା ପାଇଁ ପୂର୍ବରୁ ବହୁଥର ପ୍ରଧାନମନ୍ତ୍ରୀଙ୍କ ବାସଭବନରେ ଆକ୍ରମଣ ପାଇଁ ଉଦ୍ୟମ କରାଯାଇଥିଲା । ଏହି ସଂକଟ ପାଇଁ ସାରା ଦେଶରେ ହିଂସାକାଣ୍ଡ ଦେଖିବାକୁ ମିଳିଛି । ଶ୍ରୀଲଙ୍କାରେ ସଂଘଟିତ ହିଂସାରେ ବିଭିନ୍ନ ଜନ ପ୍ରତିନିଧିଙ୍କ ମଧ୍ୟ ମୃତ୍ୟୁ ହୋଇଛି । ଅସ୍ଥିରତାରେ ସାଂସଦଙ୍କ ସମେତ ୫ ଜଣଙ୍କ ଜୀବନ ଯାଇଥିବା ବେଳେ ୨ ଶହରୁ ଅଧିକ ବ୍ୟକ୍ତି ଗୁରୁତର ଆହତ ହୋଇଛନ୍ତି । ଫଳରେ ରାଜଧାନୀ ସମେତ ବିଭିନ୍ନ ସ୍ଥାନରେ ବ୍ୟାପକ ଫୋର୍ସ ମୁତୟନ କରାଯାଇଛି ।

Colombo | In a viral video, SJB MP Rajitha Senaratne attacked by protesters as agitation erupts on the streets amid the ongoing economic crisis.

Sri Lankan President Gotabaya Rajapaksa has reportedly fled the country pic.twitter.com/A09tBsPmi7

— ANI (@ANI) July 9, 2022

ଶ୍ରୀଲଙ୍କା ବର୍ତ୍ତମାନ ଏକ ବୈଦେଶିକ ମୁଦ୍ରା ସଙ୍କଟର ସମ୍ମୁଖୀନ ହୋଇଛି । ଯେଉଁଥିରେ ଇନ୍ଧନ, ଖାଦ୍ୟ ଓ ଔଷଧ ଭଳି ଅତ୍ୟାବଶ୍ୟକ ସାମଗ୍ରୀ ଅଛି । ଗତ ସାତ ଦଶନ୍ଧି ମଧ୍ୟରେ ଏହା ହେଉଛି ଦେଶର ସବୁଠାରୁ ଖରାପ ଆର୍ଥିକ ପରିସ୍ଥିତି, ଯେଉଁଥିରେ ଶ୍ରୀଲଙ୍କା ବୁଡି ରହିଥିବା ଜଣାପଡିଛି । ସାମ୍ପ୍ରତିକ ପରିସ୍ଥିତିକୁ ନିୟନ୍ତ୍ରଣକୁ ଆଣିବା ପାଇଁ ଶ୍ରୀଲଙ୍କା ସରକାରଙ୍କ ଧ୍ୟାନ ଆନ୍ତର୍ଜାତୀୟ ମୁଦ୍ରା ପାଣ୍ଠି ଉପରେ ରହିବ । ଶୀଘ୍ର ସମାଧାନ ପାଇଁ ପ୍ରଧାନମନ୍ତ୍ରୀ ୱିକ୍ରେମିସିଂହ ଏକ ଜରୁରୀ ବୈଠକ ଡାକିଛନ୍ତି । ଯେଉଁଥିରେ ସାମ୍ପ୍ରତିକ ପରିସ୍ଥିତିକୁ ନିୟନ୍ତ୍ରଣକୁ ଆଣିବା ପାଇଁ ପ୍ରମୁଖ ନିଷ୍ପତ୍ତି ନିଆଯାଇପାରେ ।